|
 |
 |
 |
|
|
|
رقم المشاركة : ( 1 )
04 - 10 - 2013, 08:44 PM
|
|||||||||||
|
|||||||||||
|
ولو عندك بقية تحليل قوله حتى لومش هعجيني
|
|
04 - 12 - 2013, 07:57 PM
|
رقم المشاركة : ( 2 ) | ||||
|
..::| العضوية الذهبية |::..
|
رد: حــواء فــى استضافــــة ادم والعكـــس
يا جماعة مفيش داعى من كلمة ادم دى أنا مش باحبها..قولوا ناصر ادم هو السبب فى كل المشاكل اللى احنا فيها..لولا خطية ادم كان زمانا موجودين فى الجنة ولا كان فيه أحزان ولا فراق أنا مش ابن ادم..أنا ابن حبيبى يسوع اللى فدانى اهلا سما السؤال الأول قولى بقى على موقف مضحك او محرج حصل معاك فى حياة كل منا مواقف كتيرة طريفة لكن يصعب تذكرها الآن السؤال الثانى مين شفيعك او شفيعتك شفيعى هو قديس القرن العشرين البابا كيرلس السادس شفيعتى هى القديسة الايطالية سانت ريتا شفيعة المستحيلات السؤال الثالث مين اقرب حد ليك بالمنتدى بصراحة كل فى المنتدى الجميل حبايبى وقرايبى مع ملاحظة أنى لم تتح لى الفرصة أو الظروف انى أشوف أى حد من المنتدى السؤال الرابع رأيك فى منتدى الفرح المسيحى هو فى الحقيقة منتدى الفرح المسيحى أقدر اقول عليه انه منتدى راق جدا ويتميز بالمحبة بين الأعضاء واسم على مسمى فعلا لانه أى حد يدخل فى المنتدى لازم يفرح من تلقاء نفسه ويكون فرحان بوجوده فى المنتدى السؤال الخامس ايه هى الاكلات المفضلة عندك معلش اصلى جعانة هههههه وايه الاكلات اللى مش بتحبها هههههههههه الاكلات المفضلة ممكن بطاطس مطبوخة(صينية بطاطس فى الفرن)وكمان ممكن بسلة أو فاصوليا خضرا الاكلات اللى مش باحبها وبالاضافة انى مش باحبها مش باحب اشوفها هى الكوسة والقلقاس والأرنبيط والكرنب والملوخية السؤال السادس لو هاتبعت رسالة توجهها لمين وتقول ايه هابعت رسالة الى البطل الفريق أول عبد الفتاح السيسى واقوله انت أنقذت مصر من حرب أهلية ليس لها نهاية وأنقذتها من خفافيش الظلام وأعداء الحياة ولم تنقذ مصر فقط بل منطقة الشرق الأوسط بكاملها وأحبطت المخططات الصهيونية والأمريكية لتفكيك الجيش المصرى لانه الوحيد الباقى فى المنطقة وربنا معاك يا أسد السؤال السابع تتمنى تقابل مين من أعضاء المنتدى ولو قابلته هاتقوله ايه بدون ذكر أسماء أتمنى اقابل أعضاء كتير من المنتدى على الأقل اشوفهم مرة واحدة وخصوصا اللى يكونوا ساكنين جنبى لانى ساكن فى مصر الجديدة بجوار كنيسة مارجرجس هليوبوليس وطبعا أى حد اقابله الكلام هو اللى هيجيب بعضه هههههههه السؤال التامن كيف تختار شريكة حياتك أنا اخترت من زمان لكن بالنسبة لأى حد مقبل على اختيار شريكة الحياة أول شىء الصلاة لازم يصلى حتى لو كان يطلب شريكة معينة هو اختارها لازم يصلى ويقول لتكن مشيئتك يارب علشان ربنا يكلمه ويديله علامات والحاجة التانية المفروض تكون مثقفة وبتقرأ علشان تعرف تتكلم فى أى موضوع مع الناس وأهلها يكونوا ناس كويسين وبتوع ربنا وطيبين وهى طبعا لازم تكون طيبة السؤال التاسع ماهى اهم صفة موجودة فيك طبعا الصفات ممكن تكون مميزات وممكن كمان تكون عيوب أهم صفاتى وبأحاول أتخلص منها هى العند وكمان أنا طيب جدا وأحترم الناس كلها وأحب المواعيد المضبوطة وطالما كلفت بعمل أو خدمة لازم أتممه مهما كانت الظروف السؤال العاشر ايه هى الترنيمة اللى بتحب تسمعها دايما الترنيمة اللى باحب اسمعها هى(خلّنى قرب الصليب) خلّنى قرب الصليب....حيث سال المجرى من دم الفادى الحبيب....داء نفسى يبرا فى الصّليب فى الصّليب....راحتى بل فخرى فى حياتى وكذا....بعد دفن القبر السؤال11 ايه هى الآية اللى بتحبها وتنفذها فى حياتك فعلا الآية اللى باحبها وأنفذها فى حياتى هى ليس لأحد حب أعظم من هذا:أن يضع أحد نفسه لأجل أحبائه(يوحنا13:15) ايه سبب تسجيلك بالمنتدى هو الحقيقة أنا كنت بادور على منتدى كل هدفى كنت عايز أنزل فيه حاجات كتير عندى عايز الناس تستفاد منها وعلشان أنا بكلم بصراحة النقطة الفاصلة اللى خلتنى استمر فى المنتدى من أول ما دخلت واللى بيتميز بيها المنتدى هى الاهتمام بكل عضو جديد يدخل المنتدى لدرجة ان العضو بيحس ان الناس دى عارفاه من زمان وكان ممكن لو أنا ملقيتش ترحيب فى المنتدى كان ممكن يجيلى احباط ولو تلاحظى يا سما وانت يا كاتى انى بعد ما دخلت ونزلت مواضيع كتبت موضوع اسمه(أشكركم على الترحيب من أول يوم دخلت) السؤال 13 اكتر حاجة عجبتك وشدتك للمنتدى وده مكمل للسؤال اللى فات هى المحبة بين الأعضاء والاهتمام بالأعضاء الجدد وثقافة الأعضاء الكبيرة واحب انتهز هذه الفرصة واحييى الأستاذ رامز أستاذنا الكبير لانه بصراحة وبدون مجاملة راق فى كل شىء وفى التعامل مع الأعضاء وبيتميز فى مواقف كتير بالحكمة وقلبه على المنتدى وعلشان كده المنتدى جميل وفى تطور مستمر واقوله ربنا معاك فى الخدمة الكبيرة دى السؤال14 كلمة توجهها لأعضاء وزوار المنتدى عايز اقول ياريت المحبة اللى احنا شايفنها تستمر واسألوا على بعض باستمرار والاهتمام بالافتقاد والخدمة الناجحة تستمر أيضا لأن الخدمة الناجحة ليها مقاييس كتيرة لكن أحبها على قلبى هى 1-الحب(ليس لأحد حب أعظم من هذا)يو13:15 2-التقديس(ولأجلهم أقدس أنا ذاتى)يو19:17 3-العطاء(مغبوط هو العطاء أكثر من الأخذ)أع35:20 السؤال15 هوايتك ايه أحب القراءة..كما أحب لعبة تنس الطاولة وكرة القدم وكنت ماسك النشاط الرياضى فى النادى بالاضافة لمدارس الأحد وكنت بادرب الشباب فى النادى فى لعبة كرة القدم وبانظم الدورات الرياضية والألعاب الترفيهية وأوائل الطلبة بين الكنائس السؤال16 الالوان اللى بتحبها ايه هى أحب اللون الأبيض علشان أنا زملكاوى كبير مدرسة الفن والهندسة ههههههههه وأحب أيضا اللون السماوى(لون السما)وكمان اللون الأخضر والحقيقة أنا باكره اللون الأحمر لانه لون الشياطين..مش بيقولوا الشياطين الحمر هههههههههه السؤال17 من هم الأعضاء اللى تود مصادقتهم أنا باحب كل أعضاء المنتدى وأتمنى مصادقتهم كلهم السؤال18 من هم الأعضاء اللى تتمنى تشوفهم زى ما قولت قبل كده أحب اشوفهم كلهم وبالذات الأعضاء اللى يكونوا قريبين منى فى هليوبوليس |
||||
|
|
 |
|
العرض المتطور