|
 |
 |
 |
|
رقم المشاركة : ( 1 )
15 - 09 - 2026, 12:31 PM
|
|||||||||||
|
|||||||||||
|
من يومين كنت فى زياره عند واحد صحبى ، لما وصلت عنده ، فتحلى أخوه ، سلم عليا واهلا وازيك وحمدلله عالسلامه .. قولتله امال فين اخوك ؟ قالى نايم ثوانى أصحهولك.. قولتله نايم ازاى ياعم دانا متفق معاه اجيله الساعه سته ، ودلوقتى سته ونص ، وعملت حسابى أتاخر عشان عارف مواعيده بايظه وهاجى يلطعنى عنده صحيه ياعم خلينا نخرج .. راح اخوه عشان يصحيه وانا أستنيت فى الصالون .. بعدها بعشر دقايق سمعت صوت الخلاط أشتغل 😅 قولت أيوه بقى الواحد هايشرب حاجه ساقعه تطرى على قلبه بدل الحر ده .. وقعدت أتخيل بقى ، العصير لمون ولا برتقان ولا مانجا 😍😍 بس انا بصراحه بحب اللمون خصوصاً بقى لو ساقع قوى وفيه تلج وسكره مظبوط ..😍😍 فضلت مستنى بقى اخوه يدخل عليا بالصينيه 😍 دقيقه عشر دقايق ربع ساعه نص ساعه 😳😳 مافيش حد جه .. قولت ايه ده ..🤨 امال فين العصير 🧐 ، معقول شربوه 😰، دانا عطشان قوى 🥵🥵.. وإذ فجأة بقى لاقيت صحبى داخل عليا ، وبيقولى يلا .. يلا ايه ياعم فين العصير 😅😅 قالى عصير ايه ، دا الواد ابن اختى لعب فيه وشغله . طبعاً بعد القهره اللى كنت فيها لكن عاوز اقولكم حاجه مهمه جداً .. إياك تحلم بحاجه مش فى إيديك ، لمجرد ان حد عشمك.. يجى الواد للبنت يقولها دانا بحبك دانتى حياتى انتى عمرى انتى مش عارفه ايه، انتى مراتى انتى ام عيالى .. ويرسملها من البحر طحينه ، وهى يا عينى تصدق وتحلم بالفستان الأبيض بقى ايام وليالى ، وفى الأخر يقولك اصلى مارتحتش اصلى اتسرعت ، طب بتعشمها ليه من الاول!!!!! عزيزتى الفتاه ماتصدقيش صوت الخلاط لان المجتمع اتملى عيال .. 
|
 |
|
| قد تكون مهتم بالمواضيع التالية ايضاً |
| الموضوع |
| إتطمن و اتملي سلام 🙏 |
| سر تنظيف الخلاط من الدهون فى ثوانٍ |
| مولتن كيك الخلاط صيامي |
| 3 أطعمة تفقد قميتها فى الخلاط |
| أي فون 6 ينتصر على جالاكسي نوت 3 في الخلاط |
العرض العادي
