الدكاترة قالوا لأمه "خديه يـموت في بيتكم إحنا مش هنشيل ذنبه

[walaa farouk]

الدكاترة قالوا لأمه "خديه يـموت في بيتكم، إحنا مش هنشيل ذنبه"... دي الجملة اللي قلبت كيان أسرة في مسطرد سنة 1995.**
**ابنها وقع من الدور السادس في صيام العدرا. مشهد يهد جبال، الواد بين الحياة والموت، و3 كسور في دراعه.. الدكاترة خيطوا الراس 8 غرز 'شكل بس' عشان يوقفوا النزيف، والكل مستني 'طلعة الروح'..**
**وسط صراخها، مكنش على لسانها غير "يا عدرا يا معينة.. يا مارجرجس يا بطل الحقني".. الدكتور قالها 'الواد ميت ميت'، بس قلبها كان بيقول إن 'سريع الندهة' مش هيسيبهم.**
**فجأة، الواد فاق! قالها: 'يا ماما، العدرا ومارجرجس كانوا واقفين قدامي بس أنا كنت نايم مش عارف أكلمهم!'..**
**طلعت الشمس، جه الدكتور يغير على الجرح.. صرخ ووقع 'مقص الغيار'! 'فين الجرح؟ فين الـ 8 غرز؟ إنتي كنتي بتنادي على مين يا ست إنتي؟'.. الأشعة طلعت سليمة تماماً! مفيش خدش، مفيش كسر!**
**اللي سنده وهو نازل من السادس، هو اللي خيط جراحه بإيد 'سمائية' خفية.. مارجرجس مبيسبش ولاده، والعدرا لما بتدخل في شيلة، بتشيلها بجد! مين فينا نده لبطل المعجزات ومردش عليه؟