|
 |
 |
 |
|
رقم المشاركة : ( 1 )
16 - 02 - 2026, 06:52 PM
|
|||||||||||
|
|||||||||||
|
وإنت رايح مرسى مطروح، قبلها بحوالي 50 كم على يمينك في لافتة مكتوب عليها “فوكة”. هل تعرف إن فوكة دي متسمية على اسم قديس اسمه القديس فوكة؟ ✝️ في زمن من الأزمنة، في عهد إمبراطور كان بيضطهد المسيحيين، عرف إن فوكة خلا القرية كلها مسيحيين. فبعت أربع جنود يقتلوه. وصلوا ، فقابلهم شخص وسألهم: عايزين مين؟ قالوا: عايزين فوكة. قال لهم: اتفضلوا ارتاحوا من السفر، اغسلوا رجليكم، كلوا… وأنا أودّيكم له. خدمهم بمحبة شديدة لدرجة إنهم اندهشوا منه 💗 وبعد أيام قالوا له: إحنا عايزين فوكة بقى. قال لهم بهدوء: “أنا فوكة.” اتصدموا وقالوا: مستحيل نقتلك! لكن فوكة فضل يترجّاهم ينفذوا الأمر لأنه مشتاق يروح للمسيح ❤️ فقتلوه بدموعهم 😢 ولما رجعوا للإمبراطور قالوا له اللي حصل… وآمنوا هم كمان. وأنت زعلان من اللي جنبك لأنه قال لك كلمتين؟ ده تلميذ حقيقي… ذاق الحب الإلهي فبقت حياته رخيصة قصاد محبته ✝️ أنت مدعو تكون تلميذ ❤️ اقبل الدعوة… اتعرّف عليه… ذوقه… حبه… وادخل معاه لأعماق جديدة كل يوم 
|
 |
|
العرض العادي
