|
 |
 |
 |
|
رقم المشاركة : ( 1 )
14 - 02 - 2026, 10:25 PM
|
|||||||||||
|
|||||||||||
|
الطفل اللي خلّى يسوع يعيّط… 💔 مش قصة وخلاص… دي رسالة من السما لقلوبنا. ✝️✨ عارفين يعني إيه طفل صغير… كل يوم يعدّي على الكنيسة بس عشان “يسلّم على يسوع”؟ وهو رايح، لازم يعدّي طريق خطر… عربيات بتجري كإنها مش شايفة حد. ومع كده كان بييجي… لأن قلبه كان سابق رجليه. الطفل ده كان بيقعد قدّام يسوع ويحكيله بكل براءة: عن امتحان كان صعب… ورفض يغش. عن جوع… واكتفى بعيش ومية. وعن لقمة في إيده… اداها لقط جعان. وعن جزمة مهلهلة… وممكن قريب يمشي حافي. وعن أب بيضربه… وهو بدل ما يكره، يقول: “متزعلش منه يا يسوع… هو تعبان ومش قادر.” وبكل البساطة دي يسأل يسوع: “هو أنا عاجبك؟… أصل إنت أحسن صاحب ليا.” 🥺 كان مستني عيد الميلاد بفرحة طفل… ومحضّر هدية بسيطة… مفاجأة ليسوع. بس الدنيا ساعات بتبقى قاسية… الكاهن الطيب اتعب ودخل المستشفى، وجه مكانه كاهن تاني … قلبه مش واسع للأطفال. شافه بيصلي… زعقله! وسحبه بعنف برا الكنيسة! الطفل خرج مكسور… وهدية يسوع في إيده… وحاسس إنه اتمنع من أحلى لحظة كان عايش ليها. وفي وسط وجعه… وهو بيعدّي الطريق الخطر… كان مشغول يلف الهدية… عربية مسرعة… وخبطته… وراح في لحظة. 💔 الناس اتلمّت… والدم كتير… وفجأة… ظهر راجل لابس أبيض… جري عليه شاله بين دراعاته وهو بيبكي… وحط الهدية جنب قلبه… الناس سألوه: “إنت تعرفه؟!” قال وهو بيعيّط: “ده أحسن صاحب ليا…” ومشى بيه بعيد… بعد أيام، أهله قالوا حاجة أغرب… الراجل الأبيض جه، بكى معاهم، قبّل شعره… وهمس في ودنه: “شكرًا على الهدية… هشوفك قريب… لأنك هتبقى معايا.” ✨ مين كان الشخص ده؟ الكاهن فهم… وعيط… وقال: كان يتكلم مع… يســــوع. ✝️😭 القصة دي بتفكرنا إن يسوع مش بيشوف شكلنا ولا ظروفنا… بيشوف القلب اللي بيحبه بصدق… وإن أبسط هدية طالعة من قلب نضيف… بتوصل للسما فورًا. 💛 
|
 |
|
| قد تكون مهتم بالمواضيع التالية ايضاً |
| الموضوع |
| خلّي اللي جواها شبهك 🤍 |
| خلّي اللي عدّى ما يمنعش اللي جاي |
| خلّي يا رب اللي بيحارب رغم الإنهاك يحس إنك جنبه |
| قلبى💔 يا يسوع عامل زى الحوش والزريبة اللى اتولدت فيها |
| صلح فينا يا يسوع اللى بهدلته الأيام💔 |
العرض العادي
