|
 |
 |
 |
|
رقم المشاركة : ( 1 )
11 - 02 - 2026, 07:30 PM
|
|||||||||||
|
|||||||||||
|
( شرح في نقطتين لكل مظلوم و ظالم ) ومن وعود الله لنا : "وَأَمَّا الظَّالِمُ فَسَينَالُ مَا ظَلَمَ بِهِ، وَلَيْسَ مُحَابَاةٌ." (كو 3: 25) آية قوية ومُرعبة ومُعزية في نفس الوقت 🙏 ( شرح في نقطتين لكل مظلوم و ظالم ) الآية دي بتفكرنا بحقيقتين كبار جدًا: ⚖️ أولًا: ربنا عادل مفيش ظلم بيضيع عند ربنا… ولا دمعة مظلوم بتتنسي… ولا وجع حد اتكسر قلبه يمر كده وخلاص. الإنسان ممكن يهرب من حساب الناس، وممكن يبرر لنفسه، وممكن يفتكر إن محدش شايف… بس ربنا شايف، وعادل، وميزانه مستقيم. مش بروح انتقام… لكن بروح حق. ربنا بيرجع لكل واحد نتيجة أفعاله، لأن العدل جزء من طبيعته الإلهية. ❤️ ثانيًا: مفيش محاباة يعني إيه؟ يعني ربنا مش بيجامل حد على حساب حد. مش عشان حد مركزه كبير… أو خادم… أو معروف … يعتقد انه هيعدي... كلنا واحد في الحساب . زي ما بيحاسب البعيد، بيحاسب القريب. وزي ما يرفض ظلم الغريب، يرفض ظلم القريب ليه برضه. وده يطمن قلب أي حد اتظلم… لأن حقه محفوظ في إيد ديّان عادل 🙏 🙏 والرسالة لينا إحنا؟ قبل ما نبص على ظلم غيرنا… نسأل نفسنا بهدوء: هل جرحت حد بكلمة؟ هل ظلمت حد في حقي؟ هل استغليت ضعف حد؟ هل حكمت على حد بقسوة؟ الآية مش بس إنذار للظالمين… دي دعوة لينا نراجع نفسنا قبل ما نقف قدام العدل الإلهي. الجميل بقى إن نفس الإله العادل… هو إله رحيم لو اعترفنا، وتبنا، وردّينا المظالم على قد ما نقدر العدل يتحول لرحمة… والدينونة تتحول غفران ✝️ يا بخت اللي يسبق ويصلّح قبل ما الحساب ييجي. 
|
 |
|
| قد تكون مهتم بالمواضيع التالية ايضاً |
| الموضوع |
| المثل بيقول بات مظلوم وماتباتش ظالم |
| يا بختك لو بتنام و انت مظلوم مش ظالم |
| اما تكون مظلوم و الناس يشوفوك ظالم |
| هل الله ظالم ام مظلوم |
| يا بخت من بات مظلوم ولا بات ظالم |
العرض العادي
