النهارده أنا جاي أقولك أنا مش عارف

[walaa farouk]

النهارده أنا جاي أقولك…
أنا مش عارف،
ولا فاهم الطريق اللي ماشي فيه.
كلّه ضباب، لا أنا متأكد إن ده صح، ولا عارف إن ده غلط.
مش عارف هو أنا اللي اخترته، ولا الظروف هي اللي فرضته عليّا.
بس اللي متأكد منه إن قلبي… قدامك.
مسلّمه ليك بكل اللي فيه،
بوجعه قبل فرحِه، وبوحشته قبل حسناته.
إنت شايفه،
وإنت الوحيد اللي ليك الحق تحكم إذا كان يستاهل ولا لأ.
أنا عارف إني دايمًا في عينيك حلو،
بس المرة دي بالذات… قلبي بين إيديك.
اختارلي الخير، وقربهولي،
وخد بإيدي لو يوم تاه.
ارشدني...
انا محتاجلك يارب، اشبعني بخيرك واغنيني برحمتك 🤲