الأمان المطلق مش هييجي غير من إيديه

[walaa farouk]

الخيبة مش في الناس…
الخيبة في الصورة اللي إحنا رسمناها عنهم وصدقناها كأنها الحقيقة الوحيدة.
الإنسان بطبيعته محدود، وعنده ضعف وأخطاء،
لكن إحنا ساعات بنحطهم في مكانة أكبر من طاقتهم،
وننتظر منهم اللي يمكن ماقدروش يقدموه أصلًا.
بنعملهم قديسين من غير ما ياخدوا بالهم، وبنعلّق قلوبنا بتوقعات عالية،
ولما يبان الوجه البشري العادي، بننهار ونفتكر إنهم اللي خذلونا.
لكن الواقع إن الخذلان مش فيهم بقدر ما هو في توقعاتنا.
كل ما زادت توقعاتك من البشر، كل ما زاد احتمال الوجع،
وكل ما سلّمت قلبك لربنا أكتر،
كل ما أصبحت أهدى وأقوى.
خليك دايمًا فاكر إن الأمان المطلق مش هييجي غير من إيديه،
وإن الحنية اللي مش بتتغير مش هتلاقيها إلا فيه.