إنت صنعة سماوية لأجل الأرض

[walaa farouk]

في شخصيات مجرد ما تقابلها تحس كأنك قدام لوحة سماوية مرسومة بإيدين فنان عظيم.
شخصيات مليانة جمال وهدوء وحنان، مش مجرد صفات
، لكن قوة بتسند غيرها. الغريب إن لما تكتشف تفاصيل حياتهم،
تلاقي قصص وجروح وتحديات كان المفروض تسيب فيهم كسور غائرة
أو تغيّر ملامحهم للأسوأ. ومع ذلك، تلاقيهم واقفين بثبات، منورين،
وأرواحهم صافية كأنها عدّت من النار بس طلعت دهب نقي.
اللي بيأكد لك إن في فرق كبير بين إن الظروف تكون هي اللي بتشكلك،
وبين إنك تسيب نفسك بين إيدين ربنا.
لأن اللي بيسيب نفسه يتشكل بإيد ربنا، بيتحوّل من مجرد إنسان عادي لكائن استثنائي،
بيشهد للعالم إن السما بتقدر تلمس الأرض وتغيرها.
ولو في أُمنية أقدر أديها ليك، هتكون إنك تكون واحد من الشخصيات دي.
إنك تبقى إنسان مشوّه على مقاس الدنيا، لكن مُتشكّل بلمسة السماء.
إن حياتك كلها تبقى رسالة صامتة بتقول: “أنا اتكوّنت مش من قسوة الظروف،
لكن من رحمة إله حي”.
إنت مش مجرد شخص ماشي وسط الزحام .
. إنت مشروع إلهي، معمول مخصوص، معمول بمعايير مختلفة.
إنت صنعة سماوية لأجل الأرض