|
 |
 |
 |
|
رقم المشاركة : ( 1 )
اليوم, 01:41 PM
|
|||||||||
|
|||||||||
 أهلاً وسهلاً بيكم في حفلة عيد ميلاد المنتدى النهاردة مش يوم عادي… النهاردة بنحتفل بـ 16 سنة كاملة من العطاء، الذكريات، واللحظات اللي جمعتنا هنا. من البداية وحتى دلوقتي، المنتدى كان بيت كبير بيجمعنا، فيه ضحكنا، ناقشنا، اتعلمنا، وشاركنا لحظات لا تتنسي. وعلشان المناسبة غالية علينا كلنا، قررنا نعمل حفلة مكتوبة نرجع فيها بالزمن ونعيش مع بعض بانوراما الذكريات سنة ورا سنة. 🎂🥳 استعدوا لرحلة جميلة بين محطات المنتدى… من أول يوم لحد النهاردة، ومعانا فقرات، ذكريات، ومفاجآت كتير.  15 سبتمبر 2009 كان يوم تأسيس منتدانا الغالي. اسمحولي أتكلم بشكل شخصي عن دخولي المنتدى وازاي عرفته لأول مرة. أحب في البداية أقدم كل الشكر والتقدير لمستر رامز، صاحب ومؤسس منتدى الفرح المسيحي، ولكل الخدام والخادمات النشيطات. أنتم على مدار 16 سنة قدمتم خدمة وبذل وعطاء واستثمار وقت ومشاركة مليانة محبة، ظهرت ليا في كل ركن من المنتدى. المنتدى بالنسبة لي مش مجرد منتدى… ده عيلة حقيقية، شكل من أشكال حياة الشركة اللي عاشتها الكنيسة الأولى. خدمتم وعطاؤكم هيفضل أثر ممتد لأجيال وأجيال. أنا شخصيًا عرفت المنتدى لأول مرة سنة 2015، من خلال خدمة "حظك اليوم – الرسائل المسيحية اليومية" اللي كانت بتقدمها الجميلة سما سمسمة اللى كانت بتشيرها على الفيس حبيت الرسائل جدًا، ومن اللينك دخلت المنتدى… واتفاجئت بجمال كل الأقسام: الرسايل اليومية القراءات الروحية الشبابيات الألعاب والترفيه دعم المواهب (تصميم، كتابة، توبيكات) المواضيع والتأملات الروحية المسابقات الصور والآيات كل قسم كان مميز، وكل خادم/خادمة ترك بصمة خاصة. خدمتكم بجد لسه بتجيب ثمر بيدوم للأبد. أنا بالنسبالي بقالي 10 سنين بس في المنتدى، لكن أكتر شخص يقدر يحكي بالتفصيل عن الفكرة وظروفها والهدف من الخدمة هو الكبير: مستر رامز. 🎊 بانوراما المنتدى (2009 – 2025) 📌 2012: المواضيع العملاقة اللي قدمتها الخادمة النشيطة ماري نعيم، وعلى رأسها وجبة روحية يومية، واحدة من أكثر المشاركات المثمرة. 📌 2015: تأملات أغنسطس سمير "كيف تكون صورة المسيح على الأرض؟" 📌 2016: اجتماع "طابيثا" للأستاذ ناصر بمسابقاته الحلوة. الترفيهي مع الجميلة سما سمسمة. "الخدمة هي الحل" – قصص واقعية للأستاذة ماجي. 📌 2017: "صباح الخير يا إلهي!" – أشعار الأستاذ مرقس اللي أغنى المنتدى بإبداعه. 📌 2018: "صراحة أعضاء الفرح المسيحي" – للجميلة ميرو، صاحبة الأفكار الجريئة والألعاب المميزة. شعر يونان للكاتبة الرائعة ماريت. 📌 2019: مسابقات التصميم للخادم الرائع مينا روبل. "لم ترَ عينٌ إلهًا مثلك يا يسوع" – بقلم الخادمة حياة بالمسيح. 📌 2020: برنامج "برنامج اعرف الحقيقة" للجميلة مريم ميرو. 📌 2021: … (في انتظار إضافاتكم). 📌 2022: … 📌 2023: … 📌 2024: … 📌 2025: "حياة الشركة" – كنت سعيدة جدًا وإحنا بنشارك بعض فيها. الأستاذ رامز في أجمل التوبيكات (وبشيرها على الواتساب كمان  ).الأستاذة ولاء المتميزة في قسم شبابيات، مشاركاتها كانت بتجاوب على مشاعر وأسئلة كتير جوايا. المشاركات اليومية، الكتب، الأسطوانات الروحية… كل ده كان بيمثل فسيفساء رائعة. بعد 16 سنة، اللوحة بقت متكاملة. كل مشاركة منكم كانت زي قطعة فسيفساء صغيرة، ومع الوقت اتجمعت وبقت لوحة غاية في الروعة. أنا متأكدة إن اللي كتبتوا مجرد لمحات بسيطة، لكن كل واحد فيكم عنده ذكريات ولحظات جميلة تستاهل تتقال. عشان كده هستنى مشاركاتكم، قولولنا إيه أكتر موضوع أثر فيكم، أو أي لحظة محفورة في ذاكرتكم. 🥰 السنين اللى معمول فيها نقط مستنية تكتبوا فيها اللحظات والمشاركات المختلفة المميزة بالنسبالكم خلونا نحتفل سوا ونفكر بعض بالذكريات الحلوة… علشان يفضل المنتدى مكان فرح مشترك، ونترك أثر للفرح للآخرين. يتبع...... 
|
|
اليوم, 01:51 PM
|
رقم المشاركة : ( 2 ) | |||
|
..::| العضوية الذهبية |::..
|
رد: حفلة عيد ميلاد المنتدى - من البداية حتى الآن (16 سنة من العطاء)
اليوم مش هيبقى بس ذكريات… لازم كمان نرفه عن نفسنا ونضحك ونشارك بعض بروح الفرح 😍
بدأت أنا أول لعبة، وهي لعبة الأسئلة، تعالوا نشوف مين هيجاوب: ❓ لعبة الأسئلة: مين فاكر أول مشاركة له؟ إيه أجمل قسم بتحبوه هنا؟ لو ليك إهداء لعضو… هتهدي لمين؟ إيه أفضل موضوع قريته هنا؟ أجمل رسالة وصلت لك؟ أكتر نكتة ضحكتكم (ممكن تدوروا في قسم نكت وفرفشة). دخلتوا المنتدى ليه؟ رسالة فرح تحبوا تشاركوا بيها؟ ودي العاب تانية نلعبها سوا هي بصراحة من اقتراحات شات gpt بس نجربها سوا تخمين العضو 🕵️♂️ واحد يكتب وصف عن عضو (من غير ما يذكر اسمه) والباقي يحاولوا يخمنوا مين هو. ذكريات بالصور 📸 كل واحد يجيب صورة/مقطع/اقتباس من موضوع قديم ويقولنا الذكرى المرتبطة بيه. إيموجي ستوري 😅 عبروا عن أكتر موقف/ذكرى في المنتدى باستخدام إيموجيز بس، والباقي يحاولوا يفهموا القصة. ترنيمة تهديها للمنتدى 🎶 كل عضو يشارك ب(ترنيمة) بيحس إنها بتمثل المنتدى أو ذكرياته فيه. خمن الموضوع من العنوان 📖 واحد يجيب عنوان موضوع قديم أو جملة منه، والباقي يحاولوا يتذكروا كان بيتكلم عن إيه. او مين صاحب الموضوع دا دلوقتي دوركم! اللي عنده لعبة جديدة أو فكرة للتسلية يشارك بيها ونكمل الحفلة سوا 🥳 يتبع .... |
|||
|
|
|
اليوم, 01:57 PM
|
رقم المشاركة : ( 3 ) | |||
|
..::| العضوية الذهبية |::..
|
رد: حفلة عيد ميلاد المنتدى - من البداية حتى الآن (16 سنة من العطاء)
في الجزء ده من حفلتنا، حابّة إن كل واحد فينا يشارك بأمنيته للمنتدى ورسالة حب أو شكر، وكمان لو في أفكار عايزين نضيفها الفترة الجاية.
أمنيتي أنا: نفسي المنتدى يفضل موجود دايمًا… مش بس 100 سنة، لكن لمليون سنة قدام 🙏. ونفسي كمان كل مشاركة كتبتها تكون سبب فرح لحد منكم. 💌 رسالتي: أنا مبسوطة جدًا وسطكم وبشكر مستر رامز إنه إداني فرصة إني أتكلم عن المنتدى وأشارك فيه بحرية. المنتدى بالنسبة لي مش مجرد مكان، هو أكتر مكان آمن حسيت فيه بالنمو والاحترام المتبادل من كل الأعضاء تقريبًا، وده حاجة غالية عليّ جدًا. في خدمة الكنسية، حصلت فترات سبت فيها الخدمة ورجعت تاني، لكن المنتدى هو الخدمة الوحيدة اللي استمريت فيها من غير انقطاع تقريبًا. وده بيأكد قد إيه هو كان مهم ومؤثر بالنسبة لي. رسالتي الأخيرة: خلينا نفضل دايمًا مكملين رسالة الفرح، وحتى لو عدى اوقات صعبة علينا نكون زي ماقال بولس الرسول "كحزانى ونحن دائمًا فرحون" (٢ كورنثوس ٦:١٠). دوركم دلوقتي… شاركونا بأمنياتكم ورسائلكم للمنتدى. تحبوا تضيفوا إيه جديد الفترة الجاية؟ يتبع....... |
|||
|
|
|
اليوم, 01:57 PM
|
رقم المشاركة : ( 4 ) | ||||
|
❈ Administrators ❈
|
رد: حفلة عيد ميلاد المنتدى - من البداية حتى الآن (16 سنة من العطاء)
كل سنة وانت طيب يا أجمل منتدى 🥰 ننهي عام ونبدأ عام مليئ بالطموحات والامل جمعتنا سنوات لكن سنبقى معك سنين طويلة بعد مرور 16 عاماً من العمل المتواصل الناجح وجدنا مع بعضنا الاحترام والتقدير والاخوة وايدينا بايدي بعض اصبحنا بها نتألق ونعانق النجوم تالقنا وابدعنا ومازلنا على الوعد ، لن نتوانى عن الخدمه نجتمع مرة اخرى لنحتفل باعوام مديده مليئه بالحب والعطاء والجهد .. أتمنى من الرب يسوع أن يجمعنا دوماً في هذا المنتدى الجميل وكل عام وانتم بخير وسعادة وفرح حقيقى مع الفرح المسيحى شكر خاص ل مورا مرمر لإعداد هذا الموضوع المميز يالا نبدأ مع بعض الإحتفال  |
||||
|
|
|
اليوم, 02:07 PM
|
رقم المشاركة : ( 5 ) | |||
|
..::| العضوية الذهبية |::..
|
رد: حفلة عيد ميلاد المنتدى - من البداية حتى الآن (16 سنة من العطاء)
في الختام … احب اقول
أول شكر وتقدير أقدمه لمستر رامز، صاحب الفكرة الرائعة ومؤسس هذا الصرح المميز الذي سيبقى أثره لأجيال. شكر خاص أيضًا للأستاذة ماري نعيم، التي لا تكل ولا تمل في تقديم الخدمة الهائلة من رسائل وتأملات في معظم الأقسام، ربنا يعوض تعب محبتها. ولا أنسى الأستاذة ولاء فاروق، المميزة دائمًا في كل خدمة تقدّمها سواء في قسم الشبابيات أو الرسائل، ودائمًا بتساعدني، شكراً ليكي من القلب. وأكيد لازم أذكر سمسمة الجميلة، أول حد عرّفني على المنتدى، ربنا يبارك حياتها ويفرح قلبها دائمًا. شكر كبير لكل الخدام، إخوتي وأخواتي في الرب، على تعب محبتكم، صلواتكم وخدمتكم الرائعة. ربنا يبارك حياتكم ويعوض تعبكم خيرًا كثيرًا. ويلا بينا نطفي الشمع ونقول من قلبنا: 🎉🥳 Happy Birthday للمنتدى في عامه الـ16 🎉🥳 كل سنة وكل اعضاء وزوار منتدانا الغالي بخير وسلام  |
|||
|
|
|
اليوم, 02:11 PM
|
رقم المشاركة : ( 6 ) | ||||
|
..::| العضوية الذهبية |::..
|
رد: حفلة عيد ميلاد المنتدى - من البداية حتى الآن (16 سنة من العطاء)
اقتباس:
يلا بينا ..... |
||||
|
|
|
اليوم, 03:27 PM
|
رقم المشاركة : ( 7 ) | ||||
|
..::| الإدارة العامة |::..
|
رد: حفلة عيد ميلاد المنتدى - من البداية حتى الآن (16 سنة من العطاء)
فى البداية مورا الجميلة ميرسي على اجمل عيد ميلاد لمنتدانا الغالى تعيش وتعملى احلى عيد ميلاد لمنتدى الفرح المسيحى واحب اعيد على منتدانا الغالى واقوله كل سنة وانت طيب منتدانا الغالى منتدى الفرح المسيحى عيد ميلاد سعيد تعلمنا الكثير فى هذا الصرح العظيم ومازلنا نتعلم ونتمنى من الله أن يظل هذا المكان فى ارتفاع دائم ونمو مستمر واخيرا كل سنة وانت طيب منتدانا الغالى منتدى الفرح المسيحى |
||||
|
|
|
اليوم, 04:52 PM
|
رقم المشاركة : ( 8 ) | ||||
|
† Admin Woman †
|
رد: حفلة عيد ميلاد المنتدى - من البداية حتى الآن (16 سنة من العطاء)
كل سنة وانت طيبة يامرمر حببتي أنا فرحانة بيكي لحبك للخدمة وتفانيكي فيها وتميزك في كل موضوعاتك وخصوصا أنك مبدعة بكل جديد ألف شككككر حببتي ربنا يعوضك وكل سنة وانتم طيبين في عيد ميلاد المنتدى 16 سنة وأحنا مع بعض بنكمل بعض كلنا على قلب واحد ونشكر ربنا منتدى الفرح المسيحي بقى رقم واحد بالنسبة للمنتديات المسيحية يارب نظل في الصدارة دائما ويبعد عنا عدو الخير كل سنة وأنتم طيبين |
||||
|
|
|
اليوم, 05:02 PM
|
رقم المشاركة : ( 9 ) | ||||
|
فرحتى انى انضميت معاكم
|
رد: حفلة عيد ميلاد المنتدى - من البداية حتى الآن (16 سنة من العطاء)
كل سنة وانتم ناجحين ومتميزين جدا لازم كل يوم اقرء رسالتكم ♥ï¸ڈ��
|
||||
|
|
|
اليوم, 05:47 PM
|
رقم المشاركة : ( 10 ) | ||||||||||||
|
❈ Administrators ❈
|
رد: حفلة عيد ميلاد المنتدى - من البداية حتى الآن (16 سنة من العطاء)
اقتباس:
افرحوا فى الرب كل حين .. اقتباس:
لكن بحب أوى قسم كلمة الله تتعامل مع مشاعرك اقتباس:
اقتباس:
اقتباس:
ناس بعتتلى إن مواضيع ف المنتدى كانت سبب فرحة كبيرة وبركة ف حياتهم وحسيت بجد أن ربنا بيبعت كلمته لكل واحد محتاجها .. اقتباس:
مرة واحد راح قال لمامته خد يا ماما قشري البرتقانه دي قالت له ليه شايفني موتوسيكل قام الدولاب وقع .. اقتباس:
اقتباس:
أحب أطمنك .. لأن عينيه شايفة أحسن منك عينيه "تخترق أستار الظلام" حتي لو الظلام ده جواك اطمن ومتخافش 🙏 |
||||||||||||
|
|
 |
|
العرض العادي
