|
 |
 |
 |
|
|
|
رقم المشاركة : ( 1 )
04 - 09 - 2025, 11:20 PM
|
|||||||||||
|
|||||||||||
|
💭هبدأ أذاكر من بكرة.. 💭هكلم صاحبى أكيد الأسبوع الجاي.. 💭هغير حياتي بس مش دلوقتي.. التأجيل مش مجرد كسل.. أوقات بيبقى خوف من الفشل أو من المسؤولية.. كأني بقول لنفسي: خليني أأجل عشان ماواجهش القلق اللي جوايا.. لكن الحقيقة إن كل "هعمل بكرة" بتاخد من عمري وما بتديش أي جديد.. المشكلة إن "بكرة" دايمًا فكرة حلوة في دماغنا.. بس عمره بكرة دة ما بييجي.. اللي بييجي هو "النهارده" اللي يا إما أستغله يا إما أضيّعه.. إزاي نكسر الدايرة دي؟ ابدأ بأصغر خطوة مش لازم تغيّر حياتك كلها في يوم.. لكن ابدأ بخطوة صغيرة جدًا النهاردة.. حتى لو 5 دقايق مذاكرة أو مكالمة مؤجلة.. قسّم الهدف: الكبير بيخوف أكيد لكن لما يتقسم هتقدر تشوفه بعين تانية مش هيخوفك.. حاسب نفسك: اسأل نفسك في آخر اليوم: " عملت حاجة ولا ضيعت اليوم كله؟" اللي بيفرق بين اللي بيحقق واللي بيفضل مكانه مش الذكاء ولا الظروف.. الفرق إن واحد قرر يبدأ "دلوقتي" والتاني فضل يستنى "بكرة".. 
|
 |
|
| قد تكون مهتم بالمواضيع التالية ايضاً |
| الموضوع |
| التأجيل |
| التأجيل |
| التأجيل |
| حرب التأجيل |
| التأجيل |
العرض المتطور