|
 |
 |
 |
|
|
|
رقم المشاركة : ( 1 )
25 - 08 - 2025, 08:36 AM
|
|||||||||||
|
|||||||||||
|
لما يسألوني في الشغل عن حاجة مش متمكن منها أوي، وفجأة ألاقي نفسي بجاوب بثقة وبنقاش مظبوط … بفهم إنها النعمة، مش خبرتي!🗣 لما أدخل مقابلة صعبة وأطلع منها بأحسن نتيجة… بعرف إنها النعمة، مش شطارتي!👆 لما أكون في أزمة وكل المؤشرات بتقول النتيجة وحشة، وفجأة ألاقي كل حاجة عدّت بسلام… بعرف إنها النعمة، مش حساباتي!✨️ لما الإحباط يملاني وفجأة ألاقي روحي راجعة أقوى… بعرف إنها النعمة، مش طاقتي! لما مديري يمدح حاجة أنا حتى ما حسبتهاش… بعرف إنها النعمة، مش حرفنتي! لما أكون زهقان أو مش قادر أركز، وفجأة ألاقي طاقة وإلهام جايين من غير تعب… بعرف إنها النعمة، مش إرادتي!❤️ لما أحس بتغيير حقيقي في قلبي وسلوكياتي رغم محاولاتي المحدودة… بعرف إنها النعمة، مش قوتي!✨️ لما أتخذ قرار مهم ومش متأكد، وبيرشدني حد أو بتحصل ظروف تساعدني … بعرف إنها النعمة، مش حكمي! لما بلاقي السلام في قلبي وسط ضغوط الحياة … بعرف إنها النعمة، مش الظروف!🙏 آه… المذاكرة، والخبرة، والمهارة مهمين وبيفرقوا، لكن من غير النعمة… ولا حاجة تكمل أنا اختبرت بنفسي يعني إيه “تكفيك نعمتي”…💜 
|
 |
|
العرض المتطور