|
 |
 |
 |
|
رقم المشاركة : ( 1 )
يوم أمس, 07:17 AM
|
|||||||||||
|
|||||||||||
|
"ضرب الحبيب زي أكل الزبيب" 🍇 نلاقي المثل دا حصل بالظبط في قصة قوية أوي ما بين ناثان النبي مع الملك داود (٢ صموئيل ١٢). داود، الملك العظيم، قلبه في اللحظة دي كان واقع في خطية كبيرة😐 الكل حواليه كان ممكن يطبطب عليه أو يسكت، لكن ناثان كان شايف أبعد من اللحظة👌 ناثان حكي له حكاية الراجل الغني اللي أخد نعجة الفقير الوحيدة، ولما داود اتحمّس وحكم على الراجل الغني، ناثان قلب القصة وقال جملة هزّت قلبه: "أنت هو الرجل!"🗣 الضربة دي كانت موجعة… داود ما انهارش من الكسر، لكنه تاب بدموع، وكتب واحد من أعمق المزامير عن التوبة (مزمور ٥١).🙏 دي كانت "ضربة الحبيب" اللي رجّعته لحضن الله..🫂 الحب مش دايمًا مجاملة أو شعارات . المحبة الحقيقية مستعدة تواجه ، حتى لو جرحت، لأن الجرح ده بيكون للعلاج. "أَمِينَةٌ هِيَ جُرُوحُ ٱلْمُحِبِّ، وَغَاشَّةٌ هِيَ قُبَلُ ٱلْعَدُوِّ" (أمثال ٢٧: ٦) فلو لقيت حد بيواجهك بالحق حتى لو وجعك… ما ترفضوش، لأن يمكن دي تكون لحظة إنقاذ حياتك. وإنت كمان، لو بتحب حد بجد، ما تخافش توقف معاه وتواجهه، حتى لو كان صعب … لأن ضربات المحبة مش هدامة، دي بتبني💜🙏 
|
 |
|
| قد تكون مهتم بالمواضيع التالية ايضاً |
| الموضوع |
| ثبتني ثبتني يا يسوع هللويا |
| بتبنى ولا بتهد |
| يارب ثبتني |
| المحبة تتأنى وترفق، المحبة لا تحسد، المحبة لا تتفاخر ولا تنتفخ، |
| ثبتنى فيك |
العرض العادي
