|
 |
 |
 |
|
|
|
رقم المشاركة : ( 1 )
20 - 08 - 2025, 01:30 PM
|
|||||||||||
|
|||||||||||
|
عربيتى عطلت على طريق السخنه كانت الساعه ٢ الضهر والشمس ناااار ، واقف ومش عارف اعمل ايه ، اسيب العربيه ولا استنى يمكن ربنا ينجدنى واقابل حد يساعدنى ، اتصلت بكذا ونش مافيش حد راضى يجى .. عدت اكتر من ساعه وانا واقف فى الشمس لدرجه ان خلاص بدات اهبط ، وانا عطلت فى مكان مافهوش حتى كافتريا اقعد ... لغايه ما قررت اسيب العربيه واركب مع اى حد لاقرب نقطه اقدر اتصرف منها.. لغايه ما وقفلى حد بعربيه ربع نقل قالى تعالى اوصلك لاقرب نقطه تقدر تجيب منها ونش .. ركبت معاه وبقينا نحكى .. قالى انت شغال ايه وساكن فين والكلام ده وقعدت احكيله بقى قد ايه الواحد مضايق ومخنوق .. قالى بص ماحدش كان مخنوق ومضايق قدى ، انا كنت بشحت طفل من ربنا شحاته كدا ،من قوه صلاتى كان متهيالى انى عاوز امسك السما بايدى عشان ربنا يستجاب ، اكتر من ١٥ سنه عملنا المستحيل دكاتره وعمليات وعلاج ماخلناش دكتور لغايه ماروحناله .. لغايه ما فى يوم وقفت قدام ربنا وساعتها فضلت ابكى جامد وخلاص كشفت نفسى لربنا بقى وحكيتله قد ايه انا ضعيف وماعنديش اى حاجه اقدر اعملها تانى ونفسى فى عيل يسندنى .. عارف لما تكون بتجرى بتجرى لغايه ما يتقطع نفسك من الجرى وتقعد وتفضل تشهق جامد ، انت كنت كدا ساعتها خلاص جبت اخرى كل الدكاتره بيقولو ماننفعش نخلف مافيش اى فايده لاى محاوله .. لكن بعدها بأسبوع بالظبط ربنا تحنن وكرمنى بأجمل طفل فى حياتى .. فا اللى عاوز اقولهولك لو لاقيتها اتسدت قدامك تأكد ان ربنا قادر انه يفتحلك اى طريق مسدود 🥰 قولتله انت ربنا بعتك ليا بطريقه عجيبه عشان انا بمر بضيقه قويه وفعلا ضعفت ومابقتش قادر اتحمل اكتر من كدا وكأن ربنا بيكلمنى من خلالك 🥰🥰 
|
 |
|
| قد تكون مهتم بالمواضيع التالية ايضاً |
| الموضوع |
| ربنا قادر يفتحلك باب يعوضك بيه عن حزنك |
| قادر يفتحلك أبواب عوض ملهاش آخر |
| تأكد ان يسوع قادر يغير كل شىء فيك |
| ربنا قادر يخلق طريق من العدم |
| تأكد بأن اللي قدامك يستاهلها� |
العرض المتطور