بنقول زي يوسف لأن ربنا أنساني كل تعبي

[walaa farouk]

بنقول زي يوسف “لأن ربنا أنساني كل تعبي”
لما العمر يركع على باب النعمة،
والألم يهدى بعد طول وجع،
والمكان اللي كان مليان دموع، يتحوّل لأرض فيها ضحكة وسلام.
بنقولها لما ربنا يرد اعتبارك بدون ما تنتقم،
ولما تلاقي اللي اتسرق منك، رجع أضعاف…
بس من إيده هو، مش بإيد بشر.
بنقولها لما تفتكر مشوارك، وتشوف الخيانة، والغدر، والسجن…
وتلاقي إنهم كانوا السلم اللي طلعك للمنصب والمكان اللي حلمت بيه.
بنقولها لما القلب يتهدى…
ولما نكتشف إن ربنا مكنش ساكت،
ده كان بيجهز “منسى” اللي هينسينا كل وجع فات.
اصبر… لأن ربنا مش بينسى،
وبيجي اليوم اللي تقول فيه من قلبك:
“النهاردة، أنا مش موجوع… أنا متشكر.”