|
 |
 |
 |
|
|
|
رقم المشاركة : ( 1 )
19 - 07 - 2025, 12:42 AM
|
|||||||||||
|
|||||||||||
|
قصة حقيقية قديسة كدا خلتنى اتكسف من نفسى كخادم! طلع لسه بدرى اوووى عليا عشان اعرف بس يعنى ايه خدمة بجد.. ما تيجى نعرف ايه القصة طيب .. قصة لما سمعتها جسمى قشعر .. نقلا عن الانبا يوليوس.. وانا راهب جت ست عجوزة تطلع فى السبعينات كدا وفتحت الشنطة وكل شوية تطلع ٥ جنيه تتبرع بيها واتبقى معاها ٥ جنيه قالتله هروح بيها.. فظن انها فقيرة وقال لراهب اكبر منه فاداه فلوس عشان يدهالها.. فالست طلعتله كارنيه مكتوب انها موظفة فى وزارة المالية ومرتبها الف وحاجة والمبلغ دا ساعتها كان كبير قوى.. وطلبت منه يصلى لبناتها عشان عندهم مشاكل.. فقالها هو زوجك متوفى ؟! فقالتله انا بتول يا ابونا.. قالها بتول امال البنات دول!! قالتله اصل انا ربنا مدبرليش الزواج وباشتغل ومعايا فلوس كتير اتبنيت بنتين من دار ايتام وكبرتهم وجوزتهم وبازورهم بس هما دلوقتى عندهم شوية مشاكل بسيطة مع اجوازهم.. قال حب يعرف اكتر منها.. فسالها اذا كانت بتصوم.. قالتله بافطر لما اخد العلاج بس.. علاج ليه عندك ايه ؟ عندى كانسر.. طب يا ست ادينا عنوانك واحنا نبعت حد يخدمك.. مش هينفع اصل انا عنوانى متغير.. متغير ازاى؟! اصل انا بعد ما جوزت البنتين بقيت فاضية ومعايا فلوس كتير فطلبت من ابونا يشوفلى واحدة مسنة اخدمها لحد ما تموت.. ولما ربنا يفتكرها اروح لغيرها.. سالها على اسمها واسمها انيسة.. فضل محتفظ بصورتها وقال انه بيتشفع بيها.. القديسين مش بس فى الاديرة فيه بينا قديسين عايشين بينا احنا منعرفش عنهم حاجة جايز تكون مامتك قديسة ابوك قديس اختك قديسة صاحبك او صاحبتك قديسين المفروض كلنا نكون قديسين ونعيش نمجد الله فى افعالنا مش بس كلامنا.. انيسة كانت خادمة حقيقية مختفية عن عيون البشر فى وقت بيتصارع فيه الاف الخدام على الظهور كانت بتخدم الناس فى عز ما هى فى امس الحاجة لحد يناولها كوباية مية زى امنا العدراء فى عز الحمل لما راحت تخدم القديسة اليصابات! انيسة متعت ناس كتير بفلوسها وجه دورها تتمتع هى فى الملكوت بافعالها.. اكنزوا لكم كنوزا فى السموات نفذت الاية بحذافيرها فى عصر زاد فيه الاغنياء يدوسوا ع الفقراء شفاعة القديسة المعاصرة الجبارة فى الخدمة العفيفة عروس المسيح انيسة تكون معنا امين 
|
 |
|
| قد تكون مهتم بالمواضيع التالية ايضاً |
| الموضوع |
| مجهوداتك الجبارة تزيد الأمور تعقيدًا |
| استخدمات زيت جونسون الجبارة |
| الوصفة الجبارة لتطويل الشعر |
| القديسة مريم العذراء وحياة الخدمة |
| القديسة مريم العذراء وحياة الخدمة والبذل |
العرض المتطور