|
 |
 |
 |
|
|
|
رقم المشاركة : ( 1 )
18 - 07 - 2025, 02:07 AM
|
|||||||||||
|
|||||||||||
|
من كام يوم كان عيد القوى القديس الانبا موسى و اللى لفت نظري و شد إنتباهي فى الموقف الشهير اللى اتشاف فيه ملاك بيمسح خطاياه . . ان الانبا موسى مارس السر ده بقوة شديدة .. وبوعى و إدراك كامل و فهم عميق .. ازاى عمل كده ده لسه جاى من عمق الشر 🤔 قوة المُمارسة دى كانت فى قوة التوبة و قوة الإعتراف و الفهم العميق للسر 👌 وعشان كده اتحقق هدف السر و هو : غفران الخطايا بصيت على نفسى انا و كتير جداً زيى بنمارس الأسرار دى بشكل مُستمر بس مش بنفس القوة لاحظت قعدات كتير اعتراف لمجرد بس ان ابنى فى الاعتراف قابلني بالصدفه .. اهو ادام قابلتك بالمره خد اعترافى . . او انا عندى امتحان بكرة ف عاوز اعترف 😂 ايه ؟ 🤔 .. وات ؟ 🤷♂️ هواى ؟ 😂 اهو زى ما بقولك كده 🤚 او انا جاى اعترف عشان اخد جواب تذكية اب الإعتراف عشان اتمم محاضر الخطوبة او الزواج فى الكنيسة 🤚😀 👰♂️ او عشان محتاج جواب تذكية عشان اخدم فى خدمة من الخدمات الكنسية 🙂 وقفت هنا و سألت نفسى .. الملاك اللى واقف مبسوط وفرحان ؟ 🙂 بيمسح الصفحات المُشوهه بتاعتنا دى ؟ 🙂 ولا قلبى مش صادق و حقيقى فى ممارسته للسر العظيم ده و صفحتى زى ما هى 🤔🙂 الغفران هيكون من خلال الوعى و الفهم العميق اللى هيدخلنا فى شركة مع المسيح 🫂 ❤️ بص كده فى إنجيل يوحنا الأصحاح 4 اية 23 السَّاجِدُونَ الْحَقِيقِيُّونَ يَسْجُدُونَ لِلآبِ بِالرُّوحِ وَالْحَقِّ، لأَنَّ الآبَ طَالِبٌ مِثْلَ هؤُلاَءِ السَّاجِدِينَ لَهُ. الآب طالب الحقيقيون فى كل شئ .. افتح القوس بقى و حط جنب الساجدون كل الوسائط ( المصلون - المتناولون - المعترفون ........ ) 
|
 |
|
العرض المتطور