اقولكم حاجة وما تضحكوش عليا
في حاجة بعملها ومعرفتش ابدا ابطلها
كل ما اروح سوق كبير فيه خضار طازة اشتري كميات اعبي العربية واوزعه
اروح الارض عند اخواتي الاقي خضار او مانجة اعبي
بس اكتر حاجة دايما مالية شنطة العربية البطاطس والبصل
انا اغلب اهلي ملاك اراضي زراعية ولسة بيزرعو لحد دلوقتي
وجدتي وخالاتي دايما يقولو على البصل والبطاطس معونة البيت
البطاطس محصول طيب ممكن تتسلق وتتاكل بملح تشبع وتدفي
وممكن تتقلي تبسط الصغير قبل الكبير
وممكن لو الحالة مبشبشة تتطبخ مع نص كيلو لحمة تعمر المخ
والبصل مافيش بيت بيستغنى عنه
خليها عادة وانتي بتتسوقي لنفسك
هاتي كيلو بصل ولا بطاطس زيادة وهادي بيه حد ظروفه عالقد
الحاجة بقت غالية بس ربنا بيبارك لما نحس ببعض
17 - 05 - 2025, 12:26 PM
رد: الحاجة بقت غالية بس ربنا بيبارك لما نحس ببعض
العرض الشجري