الزلزال ده جرس

[walaa farouk]

الزلزال اللي حصل امبارح صحيح بسيط
، بس لمس جوانب جوا ناس كتير اوي…
فيه ناس أول ما حسوا بالأرض بتتهز، جريوا يفكروا في نفسهم
، في نجاتهم، في حياتهم اللي ممكن تنتهي في لحظة.

وفيه ناس تانية، أول حاجة فكرت فيها: “هو بابا كويس؟
ماما صحيت؟ الولاد فين؟”
الجري بتاعهم مكانش للهروب…
ده كان جري للحب، للحماية، للاحتواء.

وفيه ناس اتسمرت مكانها… مش عجز ولا ضعف
، لكن خوف حقيقي. خوف بيقول:
“هو كده؟ دي النهاية؟ معقول نمشي فجأة؟ من غير وداع؟”

الرعب ده مش دليل ضعف… ده دليل إن الإنسان أضعف بكتير من اللي بيحاول يبان عليه.

اللحظة اللي الأرض فيها اهتزت، كانت كأنها مراية…
كل واحد شاف حقيقته، أولوياته، قلبه بيحب مين، وخايف على مين،
وشاف كمان إن الموت مش دايمًا بيجي بعد مرض طويل…
ساعات بييجي في رجّة… في لحظة.

الزلزال ماكسرش بيوت…
بس كسر الوهم اللي جوانا إن عندنا وقت دايمًا،
وإن كل حاجة تحت السيطرة.

الزلزال ده جرس… بيقول:
اللي بتحبهم، اتطمن عليهم. اللي مزعلهم، صالحهم.
واللي قلبك مشتاق له، قرب له.
يمكن اللحظة الجاية، ما تكونش مضمونة.

[Jesus follower]

ربنا يسوع المسيح يباركك و يحفظك 🙏🙏🙏🙏🙏✝️✝️✝️✝️✝️✝️