|
 |
 |
 |
|
|
|
رقم المشاركة : ( 1 )
07 - 05 - 2025, 10:58 AM
|
|||||||||||
|
|||||||||||
 سِرَّكْ يا ربِّي ليش عنِّي مِختفي وساكِن بكاس بقلب خِبزِه مدوَّرَة، خلِّي عيوني تشوف ربّي وتُنطفي وقتِ العَتِم بيصيرْ شمس منوَّرا. مَرقتْ السنين والحِلم بقلبي يكبر، قَضِّي الساعات إتأمّل فيك وإسهر، حدِّ الشمعات غِفيانِة صوتِ الناياتْ حِزنانِة وعيوني بكاسَك تِسكَر. عنِّي محجوب داخل كاس وقرباني لكن موجود بقلبي وبوجداني، وجودَك خشوع ورهبة بيعطي السعادة لقلبي بينقلني لدنيي تاني. مرَّة تمنَّيت اسهَر عندَك سهريِّة، أنا والليل مع نَجماتُو المُضويّة، نَجماتُو نِعسوا وناموا والليل تغطَّى بِحرامُو وبقيِتْ سِهراني عَينيّ. إركع ساعات غرقان ببحر جفونك صعب الحياة ربِّي وقاسيه من دونك حِسّ بإيدَيك تحملني عَ دنية حبّ توصّلني شوف الأمان بعيونَك. 
|
 |
|
| قد تكون مهتم بالمواضيع التالية ايضاً |
| الموضوع |
| يارب أنزع عنِّي كل ما هو غريب عنك |
| يا قلبَ ربِّي يا رجائي |
| يا رب انزع عنِّي كل عنف ونجاسة |
| ربِّي قَرِّبنا إليكَ |
| بارِك كُل خَطَواتِنا ربِّي |
العرض المتطور