وبعدين بقى

[Haia]

كنت فى يوم من الأيام فاضيه ومش عارفه أعمل حاجة . دخلت المنتدى وعمالة أجيب أولة وأخره ومش مركزه فى حاجة . وفجأة لقيت الأدمن قدامى , قلت أتسلى معاه شويه .
صباح الخير مستر أدمن .
صباح النور أختنا فى الرب .
ممكن أطلب منك طلب ؟؟
أكيد أتفضلى أحنا هنا أخوات .
طيب من غير لف ولا دوران أنا عايزه أبقى مشرفة ؟؟
معلش أختى الموضع ده مش بيتبع أنا عايزه . ده ليه قوانين .
وبعدين بقى ؟؟؟؟
الأسبوع التانى .
صباح الخير مستر أدمن أنا من النوع اللى بيعمل حوادث كتير . وعايزه ابقى مشرفة على قسم الحوادث !!
أهلا بيكى أختى فى المنتدى بس الأشراف له قوانين ومش بيتبع أنا عايزه أيه ..
وبعدين بقى ؟؟؟؟
ماشى ماشى _ أنا بقى بالى طويل وها أوصل يعنى ها أوصل .
وأستمريت على الموضع ده أنى كل أسبوع أكتب ليه موهبة من اللى عندى .
رغاية .. حطنى مشرفه على قسم الأجتماعيات _ طيب سنى صغير.. حطنى مشرفة على الشباب _ طيب أنا بأدخل قليل ومش ها أسبب ليكم مشاكل وساعات بأغيب بالشهور _ طيب أنا بأحمل شهادات _ طيب أنا بأتكلم لغات _ طيب طيب طيب .
والادمن رده واحد الأشراف مش بيتبع أنا عايزه أيه ...
وبعدين بقى ؟؟؟؟
جلست حزينه ومتضايقة _ وأحسست بيد تيته تربت على كتفى .
مالك يا صغيرتى ؟؟؟
تيته بصى على طلبى فى موضع الأشراف وقوليلى لو كنت غلطانه.
أيوه يا بنتى أنتى غلطانه !!!!!!!!!!
أيه ده وبعدين بقى ؟؟؟؟
ردت تيته وقالت : ماتزعليش يا بنتى أكتبى ليه الأتى :
ممكن سيادتك تقولى علشان أبقى مشرفه أعمل أيه ؟؟؟؟
رد الأدمن بكل محبة :
أهلا بأختنا فى الرب سلام ونعمة الرب معاكى .

ممكن بمحبة تقرأى ده:
((جميع الخدام يجب أن يثبت حضورة يومياً من خلال مواضيعة - مشاركاتة - متابعة قسمة ....))

. وتشوفى نفسك هل ينطبق عليكى هذا الشرط .
حاضر ها أروح على طول دلوقتى !!!!
مخبيش عليكم . أول ما قريت أنه من أهم الشروط المتابعة المستمرة . خجلت من نفسى لأنى بأدخل مره من العيد للعيد .