|
 |
 |
 |
|
رقم المشاركة : ( 1 )
05 - 07 - 2019, 11:09 AM
|
|||||||||||
|
|||||||||||
 كلمة "بتاعتي" كلمة فعلا مضحكة مبكية .. ده لان فيه حاجات ممكن تبقي بتاعتك الصبح و تلاقيها بتاعة غيرك بالليل !! مثلا : تليفونك ، طول ما هو في ايدك ملكك، لكن لو نسيته في المطار مثلا وواحد ابن حلال (!!) خده و جري ما بقاش بتاعك بقى في ايده هو و كأنه هو اللي اشتراه.. كده بالظبط ساعتك و محفظتك ، أو للستات سلسلتك و حلقك، طول ما الحاجات دي لازقة في جيبك أو جسمك أو إيدك بتاعتك ، غير كده لو حد غيرك خدها (او بعد الشر لطشها !!) ، ما بقتش ملكك !! تتصور ؟؟ قاعدين طول النهار نحرس حاجتنا من الناس؟؟ الاغرب من كده يوم ما الواحد بيسافر السما كل اللي كان بإسمه يبقي باسم غيره في نفس اليوم!! الحقيقة ان ما حدش يملك حاجة "بجد" ، كلها قاعدة معانا شوية وقت و بتلف لفتها و تروح لغيرنا .. و الحل ؟؟ ١-اتبسط باللي عندك قوي و افرح بيه ، ده سلف من ربنا ليك علشان يسعد ايامك "في يوم الخير كن بخير " ( جامعة ٧ : ١٤) .. اوعي تعيش حياتك بتحوش علشان تنبسط بعدين ، و اوعي تخاف تنبسط!! افرح باللي في يدك من ربنا (طبعا عاوز حكمة ، من غير سفه و لا بذخ، و مع التوفير للغد) .. المقصود انك ما تستناش بكرة علشان تفرح باللي عندك .. ٢-افرح و فرح غيرك : شريك حياتك، ولادك ، عيلتك اصحابك. . الحاجات و الفلوس اتعملت علشان نسعد بيها مش نركنها لغاية ما تروح مننا.. ٣-افتكر ان للرب الارض و ملؤها (مزمور ٢٤ : ١) .. اللي عندك ملك الله، استخدمه في مشيئة الله ، تتبارك و تتعزي ، و تفرح و تهني غيرك .. 
|
|
05 - 07 - 2019, 11:15 AM
|
رقم المشاركة : ( 2 ) | ||||
|
† Admin Woman †
|
رد: بنضحك علي مين
اللي عندك ملك الله، استخدمه في مشيئة الله
، تتبارك و تتعزي ، و تفرح و تهني غيرك صح الكلام ربنا يباركك |
||||
|
|
|
06 - 07 - 2019, 12:57 AM
|
رقم المشاركة : ( 3 ) | ||||
|
..::| الإدارة العامة |::..
|
رد: بنضحك علي مين
ميرسي على مرورك الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| اكتر كلمه بنضحك بيها ع نفسنا " مفيش حاجه مستاهله " |
| اعرف ليه بنضحك فى العزا |
| لية يا دنيا لما بنضحك بتبكينا |
| " ليه بنضحك و احنا اصلا مجروحين! ! '' |
العرض العادي
