![]() |
![]() |
![]() |
![]() |
|
رقم المشاركة : ( 1 )
|
|||||||||
|
|||||||||
وبرضه الشبع بالحب فى الاسرة بيساعد على الاستقرار النفسى ونقل صورة صحيحة عن محبة المسيح كما لو فى فالاسرة مذبح عائلى للانجيل والصلاة مش مذبح عالمى (للعالم وافلامة وقباحتة )دا بيساعد الواحد يتعرف على حب المسيح .علشان كدا تلاقى الاسر اللى فيها مشاكل وتفكك او عدم اهتمام المحبة والحنان واقتصار الاهتمام على الامور المادية معرض افرادها للتعب والضياع والسقوط فى الخطايا .
قلت : طيب افرد الواحد اتربى فى اسرة صعبة ومالقيش حب لقى قسوة وكمان لامذبح عائلى ولا انجيل يعمل ايه ؟؟! قال :الله بيعوض عن حب الاب وحب الام فاللى اتربى فى اسرة صعبة عنده فرصة اكبر من حب يسوع وحضنه والله لازم يعوضه عن تعبه وحرمانه فمكتوب "عوضا عن خزيكم ضعفان وعوضا عن الخجل يبتهجون بنصيبهم لذلك يرثون فى ارضهم ضعفين بهجة ابدية تكون لهم ".اش (61 :7 ) قلت : طيب افرد الواحد اتولد لقى نفسه يتيم الاب او الام او الاتنين يعمل ايه ؟ قال :الايتام والارامل بصفة خاصة لهم تعويض كبير عن حرمانهم وتعبهم فمكتوب "اترك ايتامك انا احييهم واراملك علي ليتوكلن ."ار (49 : 11 )لازم يعرفوا ان ليهم حق كبير ونعمة كبيرة عند المسيح وضرورى يطالبوا بيها وان المسيح نفسه هو ابوهم وامهم وانه مسئول ان يعطيهم الحب والقبول والحماية . نرجع تانى ونأكد ان الرجوع لاحضان المسيح والشبع بحب المسيح هو الوقاية الوحيدة من كل هذه النجاسات والخطايا . فالتوبة مش هى مجرد الامتناع عن خطية او التغلب عن النجاسة انما الشبع بحب المسيح واللى يشبع بالحب يقدر يدوس على كل الخطايا والنجاسات علشان كدا الله محبة واول وصية هى المحبة واعطم وصية هى المحبة . يعنى يتقبل حب المسيح وتشبع بيه يا اما يفضل الواحد جوعان فيروح لخرنوب الخنازير ولقزارة العالم والخطية والادمان الشباب يروحوا الكنيسة ويقول ليهم الخدام توبوا عاوزين نتوب لكن ازاى ارجعوا لحسن تروحوا جهنم .يقولوا مش عاوزين جهنم لكن تعبانين مش قادرين على الخطية نعمل ايه !!ولو ملقيوش حل هايأسوا ويسيبوا الكنيسة ويستسلموا للخطية . قلت : طيب ايه الحل ؟! قال : الحل زى ما بنقول كلمة واحدة الشبع بحب المسيح والنفس الشبعانة تدوس العسل وبداية الشبع هو الثقة فى ان الله مرحب بى وانا بقذارتى ونجاستى (مش لما تتحسن حالتى) ومش قرفان منى ولا هيقرف منى ابدا قلت : حتى لو وقعت كتير !! قال :انت عاوز تقع فى الخطية ؟! قلت (بمرارة والم ):الخطية مرة يا ابى حتى ولو فيها متعة فى البداية لكن انا عارف مرارتها كويس طبعا مش عاوز اقع ابدا "يا مين يحررنى ؟". قال : كل مرة تقع فى الخطية اعرف انك جوعان للحب المسيح علشان كدا رحت للخطية فارجع بسرعة وثق فى ترحيبه وحبه قلت : الكلام جميل ومريح يا ابى عن محبة المسيح وقبوله وترحيبه لكن ايه التدريب العملى اللى اعمله فالتدريبات العملية بتساعدنى اخد خطوات واعرف انا فى الطريق ولا لا ؟ قال : التدريب العملى هو ان الله مش قرفان منى ومرحب بى : لما تسقط فى الخطية ارجع لله زى ما انت لما تسقط فى الخطية قم بسرعة وارجع ليسوع بالصلاة تكلم معه وقول له " اخطأت "وثق انه مش هايرفضك ولا قرفان منك بل هايقبلك ويحتضنك وفرحان جدا بمجرد رجوعك علشان ينضفك ويريحك مهما تكن خطاياك ونجاساتك . فمكتوب "هلما نتحاجج يقول الرب ان كانت خطاياكم كالقرمز تبيض كالثلج وان كانت حمراء كالدودى تصير كالصوف "اش (1 : 18 ).يعنى الله بيقول تعالوا نتفاهم ايه اللى مزعلكم خطاياكم ان كانت صعبة ودموية ونجسة وقذرة اغسلكم وابيضكم زى الثلج دا كلام الله لينا ان صدقناه هو دا اللى يخلينا نرجع ونأخد الغفران ونبيض مثل الثلج وان لم نصدقه وفضلنا مقتنعين ان بفكر ابليس ان الله قرفان منى او زعلان مش ها نرجع ابدا !! فالابن الضال اللى ورث ابوه وهو حي وضيع ماله واكل معيشته مع الزوانى .يعنى حالته كانت صعبة جدا .لكن كان سبب رجوعه هى ثقته فى حب ابوه وقبوله له لم يقل انضف نفسى شوية او احاول ان اجمع شوية فلوس .رجع زى ما هو المرأة الخاطئة اللى راحت بيت سمعان ما قلتش استنى لما ابطل النجاسة وسمعتى تتحسن والناس تنسى انى انا خاطئة وبعدين اروح للمسيح واقوله اقبلنى انا توبت "راحت زى ما هى راحت ولسه سمعتها عند الناس انها خاطية . لازم تعرف ان البداية هى الثقة فى ترحيب المسيح بك زى ما انت وان مافيش طريق تانى للتوبة والتحرر من الخطية غير الشبع بحب المسيح والارتماء فى حضن يسوع فلما تسقط فى الخطية ارجع بسرعة وارتمى فى احضان الرب يسوع بالصلاة وقل له "يارب يسوع اخطأت مش هاقول اكتر من كدا انت عارف كل حاجة يارب انت عارف ضعفى ونجاساتى سامحنى ماليش غيرك يارب انتى ابى وحبيبى اقبلنى زى ما قبلت الابن الضال والمرأة الخاطئة وانا زيهم خاطى ويمكن اكتر كمان علشان خطاياى متكررة اجعلنى اشعر بقبولك وحبك واشبعنى من حبك علشان ماارجعش للخطية تانى خلينى اثق فى قبولك وانك مش هاتزهق منى ابدا وانك هاترحب بى زى ماانا ماليش غيرك يارب ". غدا بأذن الله سوف نكمل معا صلوا لاجلى .. |
![]() |
|
قد تكون مهتم بالمواضيع التالية ايضاً |
الموضوع |
المسيح يحب الخطاة دايماً |
المسيح يحب الخطاة |
المسيح مات من أجل الخطاة |
معاملات المسيح مع الخطاة |
المسيح في معاملاته مع الخطاة |