|
 |
 |
 |
|
رقم المشاركة : ( 1 )
15 - 01 - 2017, 08:55 PM
|
|||||||||||
|
|||||||||||
|
الحدود و لكن... لما باتفرج علينا كبني أدميين واشوف قد أيه ممكن نفرط في حقوقنا تحت شعارات كتيير حلوة وجميلة وكفيله أنها تحسسنا حلو وأننا عملنا الحاجة الصح بأذهل  أنا علشان بأحبه رفضت الشبكة والتكاليف الكتيرة فعلا ؟؟؟؟ ولا كان نفسك قوي ودست عليها وفرطي في حقك علشان يتقال عليك أصيله ومش بتاعة فلوس علي فكرة لو أخترت تعمليها عمرك ما هترجعي تفكريه بيها. لانها عمرها ما ضغطت عليك أنت كان نفسك وعلى فكرة ده من حقك وأنا وغيري مالناش حق نقولك سيبيها او طلبيها أنا كنت عاوزاها تبطل تحكي لي على مشاكلها مع جوزها بس خفت أجرحها وهى ملهاش حد غيري أنا نفسي أقوله يبطل يكلمني وحش قدام العيال بس يلا ربنا ينتقم منه أو يسامحه أنا ماكنتش عاوزاها تخرج مع أصحابها دول بس خفت تزعل مني وتزعق وماتذاكرش أنا مش عاوزة حد من العيال يفضل يجي ينام جنبي كل يوم تعبت عاوزة أنام ليله لوحدي دول بقوا 8 سنين كنت عاوزة اريح النهاردة في البيت بس ماما كلمتني ولازم نروح البنك النهاردة كان نفسي ما حكيش على اللي حصل بس ماقدرش تفضل تزن وتحرجهم لحد لما هاتكلم وأقول كان نفسي ما اردش على التليفون بس هتكلمني 100 مرة وهاضطر في الاخر أرد خفت اجرحها خفت منه ليتخانق معايا خفت من الصراع خفت من الرفض مابحبش الأنانيه تبان أسباب مقنعة جداً جداً كدة ومرات الناس تقعد ساعات تقنعني انه مفيش حل تاني في الحياة لكن هيفضل طول عمري أقول فيه حل تاني في الحياة أنا يمكن ماعنديش حل واضح لكل حد لكن بأشوف أني أنا بردو انسان وليا حقوق ومهم أخاف علشان ماأنفجرش وأقول وأعمل حاجات غلط أني أختارني أنا الأول وأخاف على نفسي أنا الأول أني أحافظ على حدودي لكن مااتخانقش مع حد أني أسالني أنا عاوز ايه لكن ممكن أنا أختار أقول لا لنفسي لهدف تاني أني أدرك اني موجود في المعادله لكن مش لوحدي أني ما بطلش أسال نفسي أنا عاوز ايه وبارتاح في ايه لكن مش لازم كله اعمله يعني أفكر وأختار لكن مش أرفض وأعترض وخلاص ما ينفعش احب حد وأخاف أجرحه او ازعله او اتخانق معاه لكن أقبل أجرحني أنا وازعلني أنا واتخانق معايا أنا علشان حد ده المثل بيقول اللي يعوزه البيت يحرم علي الجامع ولا ايه و فاقد الشي لا يعطيه ولا ايه و لو مش باعرف احبني واكرمني واحترمني هاعمل حاجات شكلها احترام وحب واهتمام وهى في الحقيقة خوف وكره مقنع ولوم داخلي وخناقة لكن ماحدش شايفها الحدود يعني خلينا حقيقين خلينا نفسنا خلينا مريحين لينا وللناس الحدود يعني شفافيه الحدود يعني مش هاعمل اللي أنت عاوزة علشان ماتزعلش لكن هاعمله علشان أنا عاوز أعمله ليك التغيير زي ما قلنا سكة فيها بجرب أغير طريقتي واتعلم من العلم ومن الخبرات علشان ابقي أب وأم وزوج وزوجة أحسن 
|
|
15 - 01 - 2017, 08:58 PM
|
رقم المشاركة : ( 2 ) | ||||
|
..::| الإدارة العامة |::..
|
رد: الحدود و لكن...
ميرسي على مشاركتك الجميلة رينا
|
||||
|
|
|
16 - 01 - 2017, 11:43 AM
|
رقم المشاركة : ( 3 ) | ||||
|
† Admin Woman †
|
رد: الحدود و لكن...
مشاركة جميلة جدا ربنا يبارك حياتك |
||||
|
|
|
16 - 01 - 2017, 12:25 PM
|
رقم المشاركة : ( 4 ) | ||||
|
..::| الاشراف العام |::..
|
رد: الحدود و لكن...
ميرسى لمروركم الغالى
 |
||||
|
|
|
22 - 01 - 2017, 09:18 AM
|
رقم المشاركة : ( 6 ) | ||||
|
..::| الاشراف العام |::..
|
رد: الحدود و لكن...
ميرسى لمرورك الغالى
|
||||
|
|
 |
|
العرض العادي
