معجزات القديسة فيلومينا

[بنت معلم الاجيال]

القديسة فيلومينا حبيبتى اللى كل يوم بتزيد محبتى ليها لأنها بجد عجائبية بمعنى الكلمة
انا موبايلى فجأة لقيت شاشته مش شغالة خالص ولونها ابيض وحاولت ان اطفيه واشغلة مرضيش كنت عارفة انه هياخد وقت عقبال ما ادويه يتصلح عند اى محل تصليح موبايلات وطبعا انا كنت محتاجة الارقام اللى عليه وقعدت اليوم كله مش عارفة اكلم حد ولا عارفة مين بيتصل عليا فطلبت فيلومنتى وجبت صورتها اللى معايا وحطيتها على الموبايل وقولتلها بصى انا عايزاكى تصلحيلى الموبايل وكنت عندى يقين انها هتصلحه لوحده من غير ما اوديه لحد وفعلا بعد ساعة او اتنين تقريبا بمسكه بالصدفة لقيت الشاشة اشتغلت والموبايل بقى سليم من غير ما اودية لأى حد
من معجزاتها العظيمة معايا كمان ان اختى كانت عندنا بأولادها وهى عندنا جه لأولادها فيرس من الجو معروف اوى انه بيجى فى الوقت دة وقت الخريف والفيروس دة معدى جدا وبيكون شبه الجدرى بس دة مش بيظهر الا فى الإيد والرجل والفم وبيكون شكله صعب ومتعب جدا والدكتور حرصنا اننا لازم ناخد بالنا وممنوع ملامستهم طبعا كلنا كنا خايفين لنتعدى لأن بنخرج كل يوم وعندنا شغلنا وما ينفعش خالص لو تعبنا ناخد اجازة لأن مدة المرض دة بتاخد من اسبوع ل 10 ايام وطبعا كنا عارفين ان مهما عملنا اكيد هنتعدى لكن اختى اللى هى مامتهم قالتلى انا واثقة ان ربنا مش هيسمح استعجبت اوى من كلامها مع انى عارفة ان هى اكيد اول واحدة هتتعدى لأنها بتقعد معاهم وبتأكلهم بس من جوايا كنت عارفة اننا اكيد هناخده لكن فى وسط قلقى طلبت فيلومينا من قلبى وقولتلها بشفاعتك ما نتعديش خالص علشان ظروف شغلنا وكدة ووعدتها ان دة لو حصل هكتب المعجزة وانزلها على الجروب مع ان الدكتور أكد علينا انهم وهما فى فترة النقاهة اكيد هنتعدى لأن سريع الأنتشار والعدوى ولكن عجيب هو الله فى قديسيه وخاصة فيلومنتى العجائبية لأنهم خفوا خالص وعدت فترة النقاهة بتاعتهم وبقوا تمام ومافيش حد مننا خالص اتعدى حتى مامتهم ما اتعدتش خالص دة لأن شفاعة فيلومينا قوية فعلا وبتسمع طالبيها
يارب تكون هى مش زعلانة منى لأنى أتأخرت عليها كتيير اوى فى كتابة المعجزة عارفة انها ممكن تكون زعلانة منى لكن بجد هى فظيعة اوى فى شفاعتها بحبك يا فيلومنتى يا عجائبية