زوادة اليوم: الدجاجة وفراخها : 20 / 3 / 2025 /

[souad jaalouk]

زوادة اليوم:
الدجاجة وفراخها

بيخبرو عن مُزارع أميريكي سمع ع الراديو عن حريق قريب من مزرعتو وبيتو، وكان الحريق بسهول القمح.

فكَّر كيف بَدّو يخلِّص بيتو ومزرعتو من الحريق، وكان القرار إنّو يحرُق ع شكل دائرة حول الحقول يلّي بيملكها، وهيك النار ما بتوصَل لعندو وبيخلِّص البيت والمزرعة والحيوانات.

متل ما خطَّط نَفّذ، وهوّي وعم يتأكَّد من نجاح خُطِّتو، بيلاقي دجاجة، جوانحها محروقة بالنار، بيزعل وبيقرِّب يلِمّها، بيلاقيها حاضنة فراخها تحتها... إحترقت حتّى تحميهُن من لهيب النار.

الزوّادة بتقلّي وبتقلَّك :

«قدّام نيران الخطيِّة لازم تفكِّر كيف بدَّك تخلِّص حالك، كمان لازم تفكِّر كيف بدَّك تخلِّص يلّي هنّي أضعف منّك». والله معك

[walaa farouk]

ميرسي على زوادة اليوم
ربنا يفرح قلبك

[Mary Naeem]

شكرا على الزوادة
ربنا يفرح قلبك