|
 |
 |
 |
|
رقم المشاركة : ( 1 )
28 - 10 - 2025, 05:40 AM
|
|||||||||
|
|||||||||
|
زوادة اليوم: حطّ المحبّة بقلوب الناس  بيخبرو عن رِجّال مات ونتيجة أعمالو الأرضيِّة فات ع الملكوت، وكان هالرِجّال يحبّ الشغل كتير، بيروح لعند القدّيس بطرس وبيقلّو : «بترجّاك بدّي شي شغل إشتغلو». قَلّو القدّيس بطرس : «بَدّي مِنَّك تروح تبلِّط المُحيط الهادي». راح هالرجّال وبعد 1000 سنة رجع وقَلّو : «نفَّذت طلبك شو بدَّك تعطيني شغل جديد؟» قَلّو : «بَدّي ياك تروح تغَطّي جبال هملايا بالطِين». راح وبعد 5000 سنة رجع وقَلّو : «عملت المطلوب مِنّي، وهلَّق شو بدَّك ياني أعمل؟» سكت القدّيس بطرس، وفكَّر، وقَلّو : «بدّي ياك تروح تزرع المحبِّة بقلوب كِلّ البشر».... ومن وقتها راح هالرجّال ولليوم بعدو ما رِجِع! الزوّادة بتقلّي وبتقلَّك : «المحبِّة بذرة، من واجِبنا نزرعها بقلوبنا، نسهر ونهتَمّ فيها، وما نخَلّي الأشواك تخنقها». والله معك. 
|
|
| قد تكون مهتم بالمواضيع التالية ايضاً |
| الموضوع |
| زوادة اليوم: حكي الناس : 7 / 2 / 2020 / |
| زوادة اليوم: زراع الفرح بقلوب الآخرين |
| زوادة اليوم : كلام الناس |
| زوادة اليوم : زراع الفرح بقلوب الآخرين |
| زوادة اليوم: زراع الفرح بقلوب الآخرين |
العرض الشجري