زوّادة اليوم: لازم نتصرّف بوعي

نحنا و العالم عم نمرق بمرحلة صعبة كتير...و اللي عم يصير مش عادي ابدا و اكيد هالشي بيتطلّب منّا تصرّف مش عادي كمان! الزوّادة اليوم عم تطلب من كل شخص يتصرّف بوعي و مسؤوليّة تجاه الظروف اللي نحنا فيها. اذا مش خايف عا حالك ما تكون اناني و فكّر باللي حولك! اكيد هالدعوة للوقاية مش قلّة ايمان! اذا استعملت عقلك اللي عطاك ياه ربنا ما بتكون قليل الإيمان! تسكير المدارس مش للرحلات السياحية و استكشاف البلد، الزيارات و المناسبات و الواجبات بتنطر لبعدين، السلامات و الغمرات بيتأجّلو...الإستهتار بيوصل للمرض و بعدين ما بينفع الندم! اذا خسرنا حدا منحبّو كرمال نغمرو شو منكون استفدنا!؟ انتو عملو اللي عليكن و انتبهو و سلمو الباقي لربنا... صلّو! الله معكن