منتدى الفرح المسيحى - الرجاء عندك عمره ما بيخيب

https://upload.chjoy.com/uploads/174647108709571.jpg

يا ابونا السماوي ..
إحنا لسه بنستنى طرف ثوبك يلمس تعبنا،
لأنك وحدك عارف إن في قلوب اتفرمت وهي سكتة،
وفي أرواح مطفية وبتصلي وهي مش قادرة.
يا ابونا السماوي ..
لو التأخير درس، إحنا فهمناه
ولو الصبر طاعة، إحنا دُقناها
ولو الانكسار عبادة، إحنا عبدناك بكل كسرة فينا.
بس هو لسه فاضل كتير على وقت المعجزة؟
المعجزة اللي تمسح كل حاجة..
اللي ترجع الضحكة لوشوش نسيت تضحك
وترجع القلب يدق من غير خوف.. ومن غير وَجع.
يا ابونا السماوي ..
نفدت طاقتنا
فاض الكيل
بس لسه عندنا رجاء
والرجاء عندك عمره ما بيخيب.