قصص قصيرة هادفة والعبر منها

[حياة بالمسيح]

العطاء المعنوي :
كان هناك شاب مسيحي ملتزم بالكنيسة، ومتميّز بُحبُّو للفقراء.
بيوم من الإيام بيلتقي بشحّاد قاعد على جنب الطريق عم يطلب حسنة، بيوقف قدّامو لحتى يساعدو،
بس لـمّا حطّ إيدو بجيبتو بيتفاجأ إنو مَنّو حامل مصاري، بيعتذر من الشحّاد وبيقلّو:
«يا بيّي انا بعتذر ما معي مصاري لحتّى أعطيك، أكيد بالرجعة بقدّملك يلي الله بيقدّرني عليه»،
ردّ الفقير وقلّو: «عطيتني أكتر من الكلّ»، اندهش الشبّ وقلّو: «مش معقول يا بيّي، أنا ما عطيتك شي»،
بيجاوب الفقير وبيقلو: «لـمّا اعتذرت مني وقلتلّي يا بيّي، عطيتني أكتر من الكلّ لأنو إلي زمان مش سامع هالكلمة من حدا».
الزوّادة بتقلّي وبتقلّك «العطاء المادّي متل ما بتحصل عليه بسرعة بتصرفو بسرعة،
العطاء المعنوي هوّي يلّي بيضلّ وبيعطي النتيجة الأفضل».