|
 |
 |
 |
|
رقم المشاركة : ( 1 )
10 - 08 - 2019, 03:26 PM
|
|||||||||||
|
|||||||||||
 انتى فاشلة فاشلة !!! الفوطة مش فى الحمام ليه يا هانم . . انتى يا ست فين الشرابات .. الريموت انا كنت حاطه هنا اتفضلى دورى عليه .. باب التلاجة مفتوح خلوا عندكم دم .. النور مولع ليه بالنهار اطفوا النور .. دى ملوخية ؟ انتى ما اتعلمتيش حاجة فى بيتكم ؟ مظفلطة و تقرف .. شوفى ابنك اللى بيعيط يا ام يا محترمة . . الغسيل مش نضيف .. ريحتك بصل مش عارف انام قومى خدى شاور .. ما تشخريش و انتى نايمة .. بنتك سقطت يا اللى واخدة بالك منهم ..ابنك مش متربى .. انتى فاشلة فاشلة فاشلة قدم الى عملها محاسبا جديدا . . قيل لهم انه على مستوى راقى جدا من التعليم .. كان مهذبا جدا و يتحدث بلطف ولياقة .. بهى الطلعة ذو جمال خاص .. مات زوجها فى حادث .. بدا ذلك المحاسب يتقرب اليها ويطلب ودها .. ارتاحت اليه و لكن كانت تخشى من خبرتها السابقة .. تعلقت به و لكن ظلت مخاوفها هل ستستطيع ان ترضيه فى طلبات الرجال التى لا تنتهى .. كانت عاطفتها جياشة نحوه فقبلت ان تتزوجه بعد ان خطبها من بيتها و مقدما لها الغالى و الثمين حتى انها صارت صديقاتها يتحسرن على انفسهن و يحسدنها عادت من شهر العسل الذى كان مثل حلم ... عاد الى عمله و هى كذلك و كانت اتفقت ان تعود مبكرا قليلا لتهتم بشئون منزلها .. دخل من الباب مبتسما لها و احتضنها مقبلا .. قالت له خمس دقايق و الملوخية اللى بتحبها تجهز و رز و فراخ محمرة زى ما بتحب .. اغسل ايدك و حتلاقى السفرة جاهزة نده عليها .. الحمام ما فيهوش فوطة ثم خرج و فتح الدرج فى الدولاب و اخرج واحدة نظيفة و قال لها ممكن تعلقيها عقبال ما غير هدومى . . و هو ذاهب ليغتسل وجد باب الثلاجة مفتوح . .قال بصوت مرتفع قليلا .. التلاجة بابها مفتوح .. تبوظ كده ..ثم اغلقه و امتدت يده تغلق النور الذى نسيته رغم ان النهار ما زال قائم .. جلس لياكل .. نظرت الى عينيه .. ابتسم .. الملوخية مش عجباك .. قالها مش وحشة بس بصى انتى بتسيبيها تغلى كتير فبتسقط و بعدين مكترة التوم و ضحك و هو يقول لها و تبقى تشهقى كده و انتى بتحطى الطشة فضحكا و حضنته .. قبلها ثم قال لها عقبال ما اغسل المواعين قومى خدى شاور علشان تفوقى لم يحرجها لان رائحة المطبخ تفوح من ملابسها .. و بينما يغفو غفوة القيلولة صحى على صوت شخير خفيف صادر منها فابتسم حانيا ثم عدل من وضع الوسادة تحت راسها و قبلها فهدات .. و قام يذاكر لابنته التى لم تتحصل على درجات كافية لكى تجتاز الامتحان ..و مر على ابنه ليتاكد انه فى المنزل بعدما جلس معه و صادقه بعد ان كادت اخلاقه تنحرف .. . نهضت لتجده قد اعد لها كوب من الشاى و معه قطعة كيك اطعمها بيده فى فمها و هو يردد بهزار حانى .. قومى يا كسلانة حتنامى لحد امتى ... نظرت اليه و الدموع فى عينيها قائلة لنفسها . . اى زوج هذا ..كم هو لطيف و حانى و يساعدنى لكى تمر حياتى ببساطة هذا هو الفارق بين الناموس و النعمة .. الناموس و كل العهد القديم وجد لكى يشير ان هناك خطا و هناك خطيه و لكنه اخفق ان يصلح من الانسان و لم يساعده سوا على ان يحبط و يتاكد ان لا خلاص له .. حتى جاء الحمل .. الخروف المذبوح القائم لكى يعطينا زوجا جديدا هو يسوع المسيح ..زواج النعمة .. يشير الى الخطأ و لكنه يساعدنا ان نتخلص منه و يعطينا قدوة و قدرة ان نفعل فصارت ثمار الروح القدس ممكنة .. لمْ أَعْرِفِ الْخَطِيَّةَ إِلاَّ بِالنَّامُوسِ . فَإِنَّنِي لَمْ أَعْرِفِ الشَّهْوَةَ لَوْ لَمْ يَقُلِ النَّامُوسُ: «لاَ تَشْتَهِ».رو7 "لأَنَّ النَّامُوسَ بِمُوسَى أُعْطِيَ، أَمَّا النِّعْمَةُ وَالْحَقُّ فَبِيَسُوعَ الْمَسِيحِ صَارَا." (يو 1: 17) 
|
|
10 - 08 - 2019, 04:06 PM
|
رقم المشاركة : ( 2 ) | ||||
|
† Admin Woman †
|
رد: زواج النعمة
لمْ أَعْرِفِ الْخَطِيَّةَ إِلاَّ بِالنَّامُوسِ . فَإِنَّنِي لَمْ أَعْرِفِ الشَّهْوَةَ لَوْ لَمْ يَقُلِ النَّامُوسُ: «لاَ تَشْتَهِ».رو7 "لأَنَّ النَّامُوسَ بِمُوسَى أُعْطِيَ، أَمَّا النِّعْمَةُ وَالْحَقُّ فَبِيَسُوعَ الْمَسِيحِ صَارَا." (يو 1: 17) آمين يا رب |
||||
|
|
 |
| أدوات الموضوع | |
| انواع عرض الموضوع | |
|
العرض العادي
