منتدى الفرح المسيحى  


العودة  

إضافة رد
 
أدوات الموضوع انواع عرض الموضوع
  رقم المشاركة : ( 1 )  
قديم 20 - 02 - 2020, 05:51 PM
الصورة الرمزية Mary Naeem
 
Mary Naeem Female
† Admin Woman †

 الأوسمة و جوائز
 بينات الاتصال بالعضو
 اخر مواضيع العضو
  Mary Naeem غير متواجد حالياً  
الملف الشخصي
رقــم العضويـــة : 9
تـاريخ التسجيـل : May 2012
العــــــــمـــــــــر :
الـــــدولـــــــــــة : Egypt
المشاركـــــــات : 1,207,207

قصة حلوة اوى عن الملاك ميخائيل بمناسبه التذكار الشهري بتاعه😊
الملاك يشغل الحكومة يوم الجمعة .. ويبني كنيسة ب 50 جنيه بس ..


الملاك يشغل الحكومة يوم الجمعة


- في احدى قرى الريف كانت تعيش ست عجوز من الفلاحين البسطاء ..
علاقتها بربنا حلوة اوى وبتحب الملاك جدا .. وكانت متعودة كل سنه تعمل حاجة في عيد الملاك زى ندر (قرص او توزع برتقال) ..
في مرة كان عيد الملاك ما كانش معاها فلوس .. فصلّت للملاك ميخائيل وقالت له: انا نفسي اعملك حاجه في عيدك بس مامعاييش فلوس ...
- كان عيد الملاك 12 هاتور يوم جمعة ..
المهم وهى قاعدة حزينة عشان مقدرتش تعمل حاجة .. خبط الباب عليها .. ولقت راجل من التأمينات .. وطبعا التأمينات هيئة حكومية مبتشتغلش يوم الجمعة ..!!..
المهم بتسأله حضرتك مين ..
قال لها انا من التأمينات وجاى اجيبلك فروقات في المعاش بتاعك .. حسبناه ولقينا ان ليكى فلوس عندنا ..
الست كانت فرحانة جدا جدا .. وعملت بيه الندر اللى متعودة عليه وده كان بسيط جدا ..

- من علاقتها الجميله بالملاك ميخائيل كان شفيعها في كل حاجه في حياتها وفي تربية ولادها ، وكانوا ولاد حلوين ناجحين في حياتهم بشفاعه الملاك ميخائيل ..
- وفي يوم حوشت مبلغ 50 جنيه – بالنسبة الها مبلغ كبير - وحبت تدى اللى حوشته للملاك وصلّت ليه يرشدها ..
فظهر لها الملاك ميخائيل وقال لها: روحى ادى المبلغ دا للكاهن في كنيسة مارجرجس سبورتنج في اسكندرية وقولي له انك عايزة تبنى كنيسة على اسم الملاك ميخائيل ..!!..
- هى ببساطتها راحت فعلا ركبت القطار ونزلت اسكندرية وجت في مارجرجس سبورتنج وقابلت ابونا لوقا سيداروس وقالت له: خد الـ 50 جنيه دى .. دى كل اللى انا محوشاه وابنى بيها كنيسة على اسم الملاك ميخائيل .. وقعدت تحكي له عن عمل الملاك معاها ..!!!..
- ابونا استغرب ومرديش يحرجها بسبب صغر المبلغ ..
قال لها طيب احنا ممكن نعمل هيكل او مقصورة على اسم الملاك في اى كنيسة ..
قالت له وبشدة لا ... انا عايزة كنيسة على اسم الملاك مش مقصورة او هيكل ..
حاول يفهمها ان المبلغ صغير بس هى صممت وبشدة ..!!!..
في نفس التوقيت دا كان معدى ابونا بيشوى كامل .. راح حكى له الموقف ..
ابونا بيشوى لتهدئة الموقف قال للست حاضر هنبنيلك الكنيسة بـ الـ 50 جنيه ورضاها ..
ومشت الست ..
وقال لابونا لوقا الناس البسيطة دى بيبقى عندها ايمان قوى جميل متخذلهومش وخللى الـ 50 ج معاه وقاله نصلى وربنا يرشدنا ..
- عدى اسبوع جه واحد اسمه الاستاذ ميخائيل كان على علاقة قوية بابونا بيشوى كامل وقاله انا عايزك في موضوع ..
قدسك عارف ان انا ومراتى مخلفناش واحنا عايزين نتبرع بالفيلا بتاعتنا اللى ساكنين فيها للبطريركية ونبنيها كنيسة على اسم الملاك ميخائيل ..
ابونا اول ماسمع كدا جت في باله على طول الست البسيطة اياها ..
شكره ابونا وساله على مكانها ..
قاله في منطقة مصطفى كامل ..
ابونا قاله هعرض على الكهنة ولجنة الكنيسة وهرد عليك ..
لما عرض ابونا الموضوع على لجنة الكنيسة والكهنة فيه منهم اعترض بسبب مكانها عشان كانت وقتها مصطفى كامل منطقه وحشة ومقطوعة وان مافيهاش ناس ومحدش هيعرف يوصل لها ..
لكن ابونا بيشوى كان عنده بعد نظر .. كعادته يعنى ..
المهم ابونا بيشوى قال لهم اتفرجوا على المنطقة دى هتبقى ايه بعد كدا ، احنا نصلى ونشوف ربنا عايز ايه ..
- كان فيه اعتراضات كتيرة على بُناء الكنيسة فى المنطقة دى .. وفيه ناس اقترحت انهم يبيعوا الارض ويشتروا كنيسة في مكان تانى ..
لكن بتدبير من ربنا استاذ ميخائيل رفض وقال لو مش هتبنوا الارض بتاعتى كنيسة على اسم الملاك ميخائيل هاخدها تانى ..
- بتدبير ربنا جه مقاول لابونا بيشوى وقال له انا هعمل الكنيسة اللى كان طالبها استاذ ميخائيل من غير اى فلوس ..
ابونا استغرب !!!!..
وقاله ازاى مش هتاخد اى حاجه ؟؟!!..
قال له ولا مليم ولا انا ولا العمال انا بس هجيب الادوات اللى هيطلبوها العمال ف البُنا ودى هتتكلف بس 50 جنيه ..!!.. غير كدا مش عايز ولا مليم ..!!..
ابونا اوتوماتيك افتكر الست البسيطة وقال له 50 جنيه بس !!..
قاله بس مش عايز حاجة تانى ..
اتشجع ابونا بيشوى وحس ان دى إرادة ربنا .. واقتنع باقى المعترضين .. وحسوا ان ربنا والملاك ميخائيل عايزين الكنيسة ..
وفعلا بدأوا في البُنا ..
وللمفاجأة وهما بيحفروا لقوا حجر صخرى على شكل قربانة عليها الـ 5 ثقوب والصليب ..
اتشجعوا اكتر واتبنت الكنيسة واتعمل اول قداس فيها على ايد الانبا مكسيموس مطران القليوبية ..
وهى دلوقتى كنيسة رائعة وخدمتها عظيمة ..

- لو هنبص هنلاقى ان الكنيسة دى من احلى واكبر الكنايس في اسكندرية اتبنت على ايمان بسيط من ست بسيطة جدا جدا .. كل اللى كانت بتعمله انها كانت بتحب الملاك ميخائيل جدا وامينه في عمل الندر بتاعه كل سنة حتى لو كان بسيط .
- المعروف ان الست دى الملاك كان مبارك لها في حياتها وولادها بشكل غير طبيعى ولادها كلهم متعلمين واصبحوا لهم مكانة كبيرة فى المجتمع بشفاعة الملاك ميخائيل ..

- كنيسة الملاك ميخائيل بسبب مكانها والوسط المحيط فهى كنيسة ربنا مبارك فى مادياتها ولو هنرجع نلاقى انها اتبنت بـ 50 جني ليس اكثر .
- السلام لك يا ميخائيل يا صاحب الصيت الفاخر
- يا معـظــم بالتـبـجــيـــل ذو العـجــب البـــاهــر
🙏🙏🙏

رد مع اقتباس
قديم 14 - 09 - 2021, 07:20 PM   رقم المشاركة : ( 2 )
بنت معلم الاجيال Female
..::| مشرفة |::..


الملف الشخصي
رقــم العضويـــة : 45
تـاريخ التسجيـل : May 2012
العــــــــمـــــــــر : 35
الـــــدولـــــــــــة : القاهرة
المشاركـــــــات : 58,212

 الأوسمة و جوائز
 بينات الاتصال بالعضو
 اخر مواضيع العضو

بنت معلم الاجيال غير متواجد حالياً

افتراضي رد: الملاك يشغل الحكومة يوم الجمعة

شكرا علي المعجزة
ربنا يعوض تعبك
  رد مع اقتباس
قديم 17 - 09 - 2021, 10:23 AM   رقم المشاركة : ( 3 )
Mary Naeem Female
† Admin Woman †

الصورة الرمزية Mary Naeem

الملف الشخصي
رقــم العضويـــة : 9
تـاريخ التسجيـل : May 2012
العــــــــمـــــــــر :
الـــــدولـــــــــــة : Egypt
المشاركـــــــات : 1,207,207

 الأوسمة و جوائز
 بينات الاتصال بالعضو
 اخر مواضيع العضو

Mary Naeem غير متواجد حالياً

افتراضي رد: الملاك يشغل الحكومة يوم الجمعة


شكرا على المرور
  رد مع اقتباس
إضافة رد

أدوات الموضوع
انواع عرض الموضوع

الانتقال السريع

قد تكون مهتم بالمواضيع التالية ايضاً
الموضوع
ردا على ما قد يشغل بال مريم اجابها الملاك جبرائيل
الحكومة : إرجاء ساعات الحظر ليكون من 11 مساءاً حتى 6 صباحاً عدا الجمعة
«التنظيم» يستخدم خطب الجمعة لمواجهة «30 يونيو» وتكفير «المتمردين» يشعل الاشتباكات بالمساجد
مكي: قانون التظاهر الجديد يحظر تغطية الوجه ولو كان ذلك بنقاب واللي يزعل يزعل
بابا يسوع ... يزعل منك ... ... يزعل منك !!


الساعة الآن 11:38 PM


Powered by vBulletin® Copyright ©2000 - 2024