منتدى الفرح المسيحى  


العودة  

إضافة رد
 
أدوات الموضوع انواع عرض الموضوع
  رقم المشاركة : ( 1 )  
قديم 24 - 09 - 2018, 06:41 PM
الصورة الرمزية Mary Naeem
 
Mary Naeem Female
† Admin Woman †

 الأوسمة و جوائز
 بينات الاتصال بالعضو
 اخر مواضيع العضو
  Mary Naeem متواجد حالياً  
الملف الشخصي
رقــم العضويـــة : 9
تـاريخ التسجيـل : May 2012
العــــــــمـــــــــر :
الـــــدولـــــــــــة : Egypt
المشاركـــــــات : 1,207,184

اشفينا يا رب من هل مرض الخبيث


اشفينا يا رب من هل مرض الخبيث

أكيد بطرس كان معجب بيسوع حتى ترك صيد السمك ومشي وراه، وأكيد حبّو كتير حتى ترك بيتو ومرتو وعالمو والتزم معو… لكن بوقت من الأوقات مرق بلحظة ضعف، عمل حسابات بشرية لقى حالو خسران، انصاب بخيبة أمل وجّعتو كتير، حسّ بالفشل باليأس والاحباط… كان عندو الجرأة يسأل يسوع اللي عم يفكر فيه بيقلبو بكل صراحة من دون لفّ ودوران… والحقيقة إنّو بطرس عبّر عن رأيو ورأي كل التلاميذ لأنو عالصليب ما بقي حدا إلاّ يوحنا…وعبّر عن رأي أغلبيتنا، لأنّو كلنا عنّا مآخذ وانتظارات وخيبات ان كان ع الله أو ع بَعضنا البعض!!!
الزوجة اللي تركت أهلها وبيتها ونسيت كل شي وراها ولحقت زوجها لانها بتحبو… بوقت من الأوقات بتصير “تنقّ” وتعبّر عن خيبتها… يمكن كانت ناطرة من زوجها معاملة أحسن، حبّ أكثر، بيت أجمل، سيّارة أجمل… لبس، سهر، سفر، راحة، تسلية…
والزوج كمان عندو “انتظارات” من مرتو… إنّو تبقى حلوة، هادئة، متفائلة، صبورة، قنوعة، ” ما بتنق”، لا بتعرف النكد..
كمان الأولاد عندن انتظارات من أهلهن، والاهل عندن انتظارات من ولادهم .. كل واحد منا عندو انتظارات ومآخذ ع الاخرين.. كل واحد منا بيتهم الاخرين بالتقصير…” شو طالعلي منو” ؟ هالحسرة بتخزق العلاقات الحلوة، وبتكون متل القنابل الموقوتة بين الاحبا، بتفجّر القلوب والبيوت من جوّا…
بطرس قلّو ليسوع: “شو طالعلي منّك” أمّا جواب يسوع فكان علاج لحسرتو وخيبة أملو وإحباطو…
“ما مِنْ أَحَدٍ تَرَكَ من أجلي…إِلاَّ وَيَأْخُذُ مِئَةَ ضِعْفٍ” هيدا هوّي علاج الحسرات والخيبات “الانتظار” على رجاء الفرج… لأنو لا بد من الصليب وعبور الالم للوصول للانتصار..لانه ما في ضمانات بمغامرة الحب إلاّ “الانتظار على رجاء.”

الحب مغامرة، والزواج مغامرة، والالتزام مغامرة، والنضال مغامرة، والتكرس مغامرة…
المشكلة إنّو بدنا كل شي “هلّق” ومن دون وجع لإنو تربينا ع ” الغنج والدلع ” ، وعقلية “الربح السريع ” واستغلال الاخر.
هالعقلية “التجارية ” ما بتصلح لبناء عائلات، واستثمار وزنات، ولا نجاح دعوات وانتصار رسالات..

انت بتعرف يا رب قدّيش منتسرّع بأحكامنا، وقدّيش منظلم بعضنا، وشو عنّا مآخذ على أحبائنا حتى عليك إنت، انت بتعرف ضعفنا وقلة صبرنا وسرعة عطبنا وحسراتنا اللي بتضيّع علينا أجمل الفرص.. اشفينا يا رب من هالمرض الخبيث .. متل ما شفيت بطرس، اشفينا من مآخذنا وخيباتنا، اعطينا نشوف بوضوح النعمة اللي ناطرتنا بالمستقبل معك. آمين.
رد مع اقتباس
إضافة رد

أدوات الموضوع
انواع عرض الموضوع

الانتقال السريع

قد تكون مهتم بالمواضيع التالية ايضاً
الموضوع
اشفينا واعطينا ثقة في قيمتنا ومستقبلنا
ألا اشفينا، ربّي، وخلِّصنا بسماحِكَ وبرّرنا
وعد من تاني اشفينا ومد ايديك
اشفينا من كل ضعف فينا
الله يدعو " اصفحوا واغفروا "


الساعة الآن 04:01 PM


Powered by vBulletin® Copyright ©2000 - 2024