|
 |
 |
 |
|
رقم المشاركة : ( 1 )
14 - 01 - 2021, 01:06 PM
|
|||||||||||
|
|||||||||||
 شحات طول عمرى و انت عارفنى من صغرى .. هدمتى و اكلى و صحتى و رزقى و بيتى شايلنى و شايل طول عمرك معايا همى شاكرك على غنى محبتك و عطيتك و مهما عديت من ظروف انت فى ضهرى ااه سنة تقلت ايدك شوية علينا بس زى الام تضرب بايد و الايد التانية تمسح الدموع و تدفى راح منا حبايب و قلوب اتكسرت و اتوجعت ..اللى حبيبها بقى اكس .. و اللى قالت له سورى انت زى اخويا بس .. و اللى ضايقونا .. و اللى رمونا .. و كوفيد و سخونة و كحة و عطس .. و دنيا اتشقلبت ..و انت لاسيبت و لا بعدت و لا منعت لجل خطيتى خيرك .. حنين و سداد و ديما بتوفى حشحت منك السنة دى الغفران ..اصلك سورى يارب شكلك غضبان .. معلش ..غلابة و محتاجين.. متلخبطين .. بين خير و شر و ابيض و اسود و حياة متكلفتة بتمر .. بمر .. بس شكل الستر اترفع قدام عينيك و بقيت زى كل الغلابة واقف قدامك عريان و مخزى ليك حق تزعل ..ماهو لا ديه دنيا و لا دى عيشة اخترتهالنا ... سيبت قصرك و نزلت للشارع و كلاب السكك فى الخرابة ..و اتوسخت و راحت فى شهوتى نقاوتى بس حقولك ايه .. ما انا شحات يعنى .. مستنى منى ايه ؟ انى اخد شاور كل يوم و لا استحمى فى جاكوزى ..ما هو انا ماليش غير كيسى المهرأ و لبسى المتقطع و ريحتى الخنازيرى .. ريحة زبالتى مستنى اكيد منك تحمينى و تليفنى ..تتوبنى و تغسلنى و تشيل الجلخ اللى على عقلى و قلبى اغفر لى يا حبيبى لجل كل حبايبك يخليهملك .. العدرا و مارجرجس و البابا كيرلس و مارمينا و ابو سيفين و تادرس و كل اللى ليه حربة و شادد حيله و كل قديس جيله و كل شفيع منهم عارف حكايتى اغفر لولادك و احبابك اللى فديتهم و عطيتهم دمك الغالى .. اغفر لكون غبى اتجبر و اتكبر .. و اوعاك تاخد بيتى و اخواتى و اصحابى بذنبى خليها سنة غفران و رجوع .. و الباقى انت عارفه مش حلوكلوك فيه ..يعنى معاك حنموت م الجوع ؟ فرح كل واحد دمعته مفرقتش فرشته لجل حبيب فارقه و لا ام حنينة سافرت و لا اب سند بقه اسمه غايب و لا ابن راح رحلته و ما رجعش و لا بنت سكتت ما ردتش ..سافرت و بيتها ما استحملش .. طبطب اوى و احضنى اوى و احضن كل واحد عشمان فيك .. انا عارف انى ما استاهلش ..عادتى و لا حشتريها .. اصلى مهما حطيت عباية و اتغطيت قدام الناس مفضوح قدامك .. انت مرايتى رد اللى مستنين سنين ترده.. ما انت برده عاوزه و بتحبه ..و رد مظلمة كل مظلوم و بائس .. و خلى البقية فينا و ما تحرمنيش من قرايبى خد من عمرى و ادى ولادي و اخواتى و اصحابى ده لو كان العمر ليهم قصر عندك و الوقت جه ..مانت فى يوم عطيت حزقيا خمستاشر سنة بونص .. بالحب ححاجك و اقولك زيى زيه .. معلش ما توجعنيش فى حد من حبايبى وسع الرزق من ابوابك و اكلنا من ايدك ..لقمة منك فيها البركة و الشبع و لا عمريش قمت من قعدتك مش شبعان و لا واخد كفايتى شكرا ياسيد على كل شيء انت اللى شايف فين الخير .. انت عارف الصالح لمين و مين ينفع لمين و حيفضل خيرك و برك و مجدك و سندك دين فى رقبتى 
|
 |
|
| قد تكون مهتم بالمواضيع التالية ايضاً |
| الموضوع |
| من صغرى عمرى ماطلبتك وسبتنى |
| الصاحب الحقيقي من صحاب عمري مشوفوش يوم ما سافر |
| شحات من الملك و شحات من الله |
| انت عارفني |
| عارفنى |
العرض العادي
