منتدى الفرح المسيحىمنتدى الفرح المسيحى
  منتدى الفرح المسيحى
التسجيل التعليمـــات التقويم البحث مشاركات اليوم اجعل كافة الأقسام مقروءة

اسبوع الالام
أسبوع الآلام

لك القوة والمجد والبركة والعزة إلى الأبد آمين



العودة  

إضافة رد
 
أدوات الموضوع انواع عرض الموضوع
  #1  
قديم 12 - 10 - 2018, 11:09 AM
الصورة الرمزية walaa farouk
walaa farouk walaa farouk غير متواجد حالياً
..::| الإدارة العامة |::..
 
تاريخ التسجيل: Jun 2015
الدولة: مصر
المشاركات: 165,899




ماكانش عنده اختيارات فى الجواز ..
هى واحدة ..
وأكيد ده كان ليه حكمة ..
ان الهدف ان تبقى هى واحدة وبس ..

هى كمان .. ماكانش قدامها غيره ..
خدها من ايديها وقعد يفرجها ويعرفها ويفهمها ..
بقت تبص له وهى منبهرة بيه ..
وهو عمال يعرفها يعنى ايه حياة ..
دى اسمها شجرة .. ودا اسمه اسد ..
دى سما .. ودى مياه .. ودا بغبغان ..


وانا بحبك ..

اكيد كان فيه حكمة انها تتوجد بعده ..
مش معاه ومش قبله ..

الحكمة دى وراها رسايل كتير ..

رسالة ليك انت ..
مراتك ماتعرفش حاجة عن عالمك ..
فهّمها وعرفها واشرح لها ..
لوحدها مش هتعرف تكتشف ..


رسالة ليكى انتى ..
جوزك ماينفعش يعيش لوحده ..
قربى منه بكل الطرق ..
هو اساسا اختارك عشان محتاجك ..
رسالة ليك انت ..
مراتك يمكن اصغر منك ..
لكن مش اقل منك ..

عشان سر وجودها انها هى المعين ليك
رسالة ليكى انتى ..
جوزك عارف انك شايلة كتير ..
بس فاضل تعرفى انه اساسا شايلك باللى انتى شايلاه

رسالة ليك انت ..
مراتك هى بكر ولادك .. ربيها وعلمها وكبرها ..
وحتى لو تعبان معاها .. مانت بتتعب مع ولادك ..


رسالة ليكى انتى ..
جوزك اكبر ولادك .. اسمعيه وافهميه ..
يمكن يكون صح .. ولو غلط .. ساعديه

اقول لك على كلمة فى ودنك ..
.لو اتجوزت .. سهل جدا فى المشاكل انك تعيش لوحدك ..
لكن شكل العيشة اكيد مش احسن حاجة ..
ومش ده اللى كنت بترسمه لحياتك ..


هم الستات ساعات بيعملوا حاجات صعبة ..
بس خلى بالك ..
آدم لما خرج من الجنة .. كان ممكن يحملها السبب ..
لأنه خرج من مكان مش هيعرف يرجع له ..
غير بالجهاد والتعب ..
لكن بالعكس كملوا حياتهم .. وفضل يحبها ..
وربنا رزقه الذرية كمان .. بدليل ان انا وانت اهو موجودين ..


وانتى برضه هاقولك على كلمة فى ودنك ..
من كتر مانتى بتقولى الست نفسها فى كلمة حلوة ..
نسيتى ان هو كمان نفسه فى كلمة حلوة
وماتقوليش اصله مش رومانسى ..
كلميه بلغته .. هيفهمك ..
وخلى بالك ماحدش عارف لغته غيرك ..
وماتسمحيش ان حد غيرك يعرفها ..

لأن اللى هيعرف لغته .. هيكسبه ..
وانتى وشطارتك ..


وكلمة فى سركم ..
لو الطرف التانى .. وحش ..
يبقى ذوقكم وحش ..
لأن ده اختياركم ..


م الآخر كدة .. انتو الاتنين اخترتوا بعض ..
حتى لو اختياركم غلط .. صلحوا الغلط ..
مش بالانفصال وتغيير المنتج .. لكن بنظام استبدال قطع الغيار ..


لو اللسان هو المشكلة .. سهل يتغير ..
لو الالفاظ هى المشكلة .. سهل نتمرن ..
لو العادات هى المشكلة .. سهل نتعود على غيرها ..
لو التصرفات هى المشكلة .. ايه يعنى لما نغيرها ..


عن اختبار .. مافيش مشكلة مالهاش حل .. طول مانت عايش
طول مانت بتفتح عينيك كل يوم الصبح ..
يبقى لسة فيه فرصة فى حياة جديدة مختلفة ..


هو مش انت ممكن تصحى فى يوم ..
وتقول انا مش هاروح الشغل انهاردة ..
وتغير يومك ..
اعمل كدة كمان لو لقيت حياتك محتاجة تغيير ..


افتكروا معايا كدة قصة حصلت من سنين كتير ..
قصة العيلة اللى دخلوا مركب .. واتقفلت عليهم اكتر من 40 يوم
وطلعوا بعدها .. لقوا الطوفان مدمر كل حاجة ..
بس طلعت عليهم شمس يوم جديد .. لا دى كانت شمس حياة جديدة
ولقوا السما متزينة بأروع قوس الوان ..
شكروا ربنا .. وحمدوا فضله .. وبدأوا ..

وانتوا ايه .. مش هتبدأوا ؟؟؟؟؟؟؟؟؟
رد مع اقتباس
  #2  
قديم 12 - 10 - 2018, 12:19 PM
الصورة الرمزية Mary Naeem
Mary Naeem Mary Naeem متواجد حالياً
† Admin Woman †
 
تاريخ التسجيل: May 2012
الدولة: Egypt
المشاركات: 711,000

ولقوا السما متزينة بأروع قوس الوان ..
شكروا ربنا .. وحمدوا فضله .. وبدأوا ..
قطع غيار
رد مع اقتباس
  #3  
قديم 12 - 10 - 2018, 10:22 PM
الصورة الرمزية walaa farouk
walaa farouk walaa farouk غير متواجد حالياً
..::| الإدارة العامة |::..
 
تاريخ التسجيل: Jun 2015
الدولة: مصر
المشاركات: 165,899

ميرسي على مرورك الغالى
رد مع اقتباس
  #4  
قديم 13 - 10 - 2018, 05:32 PM
الصورة الرمزية MenA M.G
MenA M.G MenA M.G غير متواجد حالياً
..::| الاشراف العام |::..
 
تاريخ التسجيل: Aug 2016
الدولة: مصر
المشاركات: 109,860

عن اختبار .. مافيش مشكلة مالهاش حل .. طول مانت عايش
طول مانت بتفتح عينيك كل يوم الصبح ..
يبقى لسة فيه فرصة فى حياة جديدة مختلفة


...
ايه بقى الموضوعات المميزة دى
شكرا للموضوع الرائع
رد مع اقتباس
  #5  
قديم 14 - 10 - 2018, 06:47 PM
الصورة الرمزية walaa farouk
walaa farouk walaa farouk غير متواجد حالياً
..::| الإدارة العامة |::..
 
تاريخ التسجيل: Jun 2015
الدولة: مصر
المشاركات: 165,899

ميرسى على مرورك الغالى
رد مع اقتباس
إضافة رد

أدوات الموضوع
انواع عرض الموضوع

الانتقال السريع


الساعة الآن 04:01 PM


Powered by vBulletin® Copyright ©2000 - 2019, Jelsoft Enterprises