منتدى الفرح المسيحىمنتدى الفرح المسيحى
  منتدى الفرح المسيحى
التسجيل التعليمـــات التقويم البحث مشاركات اليوم اجعل كافة الأقسام مقروءة

اسبوع الالام
أسبوع الآلام

لك القوة والمجد والبركة والعزة إلى الأبد آمين



العودة  

إضافة رد
 
أدوات الموضوع انواع عرض الموضوع
  #1  
قديم 12 - 06 - 2018, 01:11 PM
الصورة الرمزية Ramez5
Ramez5 Ramez5 غير متواجد حالياً
❈ Administrators ❈
 
تاريخ التسجيل: May 2012
الدولة: Cairo - Egypt
العمر: 45
المشاركات: 27,272

سلام ونعمه
بنتعلم فى مدرسة الفرح المسيحى
ازاى تشارك بمواضيع حتى ولو مش لاقى حاجة تشارك بيها



الموضوع بسيط واتكلمت فيه مع بعض مسئولى الفرح المسيحى
لكن هايكون الموضوع دة للأفادة لينا كلنا علشان لو حد حابب يضيف جديد

بعض الخدام والخادمات بيكونوا عاوزين يقدموا مواضيع لكن مش عارفين يقدموا جديد
وهنا هنحاول مع بعض نبتكر طرق لأضافة مواضيع جديدة هادفة ذات افادة للجميع

فى مواضيع كتير لكل واحد فينا متنوعة فى اغلب أقسام المنتدى
ممكن تعمل موضوع مجمع بيتكلم عن حاجة واحدة
زى مثلاً المحبة فى الكتاب المقدس
ونبداء نجمع كل حاجة عن المحبة ( هايكون موضوع شامل )
وكذلك فى أى مجال الأيات أو العظات أو التوبيكات أو ......
شبكة الأنترنت مليانه بمواضيع تخص ما تبحث عنه
كذلك أقسام اخرى ممكن تعمل فيها نفس الفكرة ...

ممكن كمان لو ليك موضوع كبير
ممكن تقسمة وتقدمة فى عدة مواضيع منفصلة هادفة

حاجة كمان لو فى سير القديسين او توبيكات او اى موضوع ليك
تقدر تترجم الموضوع للأنجليزية او الفرنسية وتنزلة فى قسم اللغات
والترجمة هتكون عن طريق ترجمة جوجل

كمان ممكن اجمع أيات من المنتدى عن العطاء ، التسامح ، المحبة ......
وممكن أترجمها ( الأية بالعربى والأنجليزية أو الفرنسية )

وممكن كمان من خلال المواضيع القديمة لأعضاء غير متواجدين
أخد منها أقتباسات تكون هادفة أعمل موضوع مختصر يعود علينا بفائدة

لكن الغير مرغوب فيه ومرفوض فى الفرح المسيحى
ان حد ينزل موضوع وهو موجود معنا فى المنتدى
وأخد موضوعة وأقسمه عدة مواضيع او اخد حاجاته واشارك بيها فى مواقع التواصل الإجتماعى وانسبها لنفسى ..
طبعاً دة أسلوب مرفوض ومينفعش حد يعمل كدة خالص ...
بالعكس ممكن انبه صاحب الموضوع انه ممكن يعمل بالفكرة دى

ممكن لو عجبنى جزء فى موضوع لأحد أعضاء المنتدى وحابب انى اقتبسة واعمل موضوع علية
لازم استأذنه فى ذلك علشان مايكونش فى حساسية واخد بالى انى مكررش دة معاة
لكن كل واحد له كامل الحرية فى مواضيعه يقدمها بأشكال مختلفة
مجمعة ، منفصلة ، اقتباسات ، سلسلة أحداث .......

فى النهاية لازم يكون أى موضوع له هدف ومعنى ومنسق يليق بالفرح المسيحى
وضع أى موضوع فى مكانه المناسب يدل على الرقى بأقسام الفرح المسيحى
ليس الهدف كثرة المواضيع ولكن أن تصل الصورة بعدة طرق لكل من يبحث عنها
فالهدف المشاركة والسعى فى تقديم مواضيع مختلفة بطرق مميزة ومفيدة

ربنا يثمر فى خدمتكم دائماً
رد مع اقتباس
  #2  
قديم 12 - 06 - 2018, 01:45 PM
الصورة الرمزية walaa farouk
walaa farouk walaa farouk متواجد حالياً
..::| الإدارة العامة |::..
 
تاريخ التسجيل: Jun 2015
الدولة: مصر
المشاركات: 165,553

فعلا انا معاك فى كل كلمة يارامز

فكرة رائعة اننا نجمع موضوع من موضوعاتنا القديمة

كمان انا معاك ان كل واحد ينزل شغله بالطريقة اللى تريحة سواء مجمع او منفصل

وفى اننا لازم نستاذن بعض لو حد فينا هياخد من شغل التانى اى حاجة علشان تفضل المحبة موجوده ما بينا

ربنا يبارك فى الخدمة دايما وكمان يباركلنا فى افكارك يا رامز
رد مع اقتباس
  #3  
قديم 12 - 06 - 2018, 02:43 PM
الصورة الرمزية sama smsma
sama smsma sama smsma غير متواجد حالياً
† Admin Woman †
 
تاريخ التسجيل: May 2012
الدولة: قلب طفلة ترفض أن تكبر
المشاركات: 70,660

ربنا يبارك ف الخدمة دايما
ويبارك فى الافكار الحلوة
ودايما نقدم كل جديد ومميز يليق بأسم المنتدى



رد مع اقتباس
  #4  
قديم 12 - 06 - 2018, 03:03 PM
الصورة الرمزية بنتك يايسوع
بنتك يايسوع بنتك يايسوع غير متواجد حالياً
..::| مشرفة |::..
 
تاريخ التسجيل: May 2012
الدولة: قلب بابا يسوع
العمر: 24
المشاركات: 13,932

بجد افكار حلوة جدا وانا واحده من الناس فعلا اللى اوقات كتير بكون حابه اشارك بس بلاقى اغلب المواضيع موجوده بالفعل

بس معلش انا حابه افهم معنى الجمله دى اكتر
او اخد حاجاته واشارك بيها فى مواقع التواصل الإجتماعى
يعني انا لو عجبني موضوع حد وشايفه ان الناس ممكن تستفيد منه مينفعش انشره ع الفيس ولا ايه قصد حضرتك
رد مع اقتباس
  #5  
قديم 12 - 06 - 2018, 04:04 PM
الصورة الرمزية Ramez5
Ramez5 Ramez5 غير متواجد حالياً
❈ Administrators ❈
 
تاريخ التسجيل: May 2012
الدولة: Cairo - Egypt
العمر: 45
المشاركات: 27,272

شكراً لمروركم
واتمنى ليكم دائماً خدمه ناجحة
رد مع اقتباس
  #6  
قديم 12 - 06 - 2018, 04:13 PM
الصورة الرمزية Ramez5
Ramez5 Ramez5 غير متواجد حالياً
❈ Administrators ❈
 
تاريخ التسجيل: May 2012
الدولة: Cairo - Egypt
العمر: 45
المشاركات: 27,272

اقتباس:
المشاركة الأصلية كتبت بواسطة بنتك يايسوع مشاهدة المشاركة
بجد افكار حلوة جدا وانا واحده من الناس فعلا اللى اوقات كتير بكون حابه اشارك بس بلاقى اغلب المواضيع موجوده بالفعل

بس معلش انا حابه افهم معنى الجمله دى اكتر
او اخد حاجاته واشارك بيها فى مواقع التواصل الإجتماعى
يعني انا لو عجبني موضوع حد وشايفه ان الناس ممكن تستفيد منه مينفعش انشره ع الفيس ولا ايه قصد حضرتك
ميرسى ليكى ..
نشارك عادى جدا طبعا
بس انتى عملتى موضوع رائع فى المنتدى
المفروض انا اخد الموضوع انشرة على مواقع التواصل الإجتماعي بشرط
الموضوع ومعاة اللينك أو لينك الموضوع .. لأن دة مجهودك انتى
وبكدة شجعتك وقدرت مجهودك فى إعداد الموضوع ..
لكن لو انتى شاركتى بموضوع وأنا اخدته ونسبته لنفسى دون أى تلميح منى
اكيد دة هيضايقك انى باخد مجهودك وتعبك وانسبه لنفسى ...
رد مع اقتباس
  #7  
قديم 12 - 06 - 2018, 04:24 PM
الصورة الرمزية Rena Jesus
Rena Jesus Rena Jesus غير متواجد حالياً
..::| الاشراف العام |::..
 
تاريخ التسجيل: Sep 2013
الدولة: مصر
المشاركات: 46,779

كلامك صح جدااااااااا مستر رامز

ربنا يبارك فى خدمتك وتعبك وخدمة كل أعضاء الفرح المسيحى

ويارب يدينا كلنا حكمة ومعرفة عشان يفضل منتدانا دايما فى تقدم
رد مع اقتباس
  #8  
قديم 12 - 06 - 2018, 07:22 PM
الصورة الرمزية بنتك يايسوع
بنتك يايسوع بنتك يايسوع غير متواجد حالياً
..::| مشرفة |::..
 
تاريخ التسجيل: May 2012
الدولة: قلب بابا يسوع
العمر: 24
المشاركات: 13,932

تماااااااااااااام جداااااااا يامستر
ربنا يبارك ف الخدمه و يثمرها اكتر واكتر
رد مع اقتباس
  #9  
قديم 12 - 06 - 2018, 07:29 PM
الصورة الرمزية Ramez5
Ramez5 Ramez5 غير متواجد حالياً
❈ Administrators ❈
 
تاريخ التسجيل: May 2012
الدولة: Cairo - Egypt
العمر: 45
المشاركات: 27,272

ربنا يبارك خدمتكم ويفرح قلوبكم
رد مع اقتباس
  #10  
قديم 12 - 06 - 2018, 07:45 PM
الصورة الرمزية MenA M.G
MenA M.G MenA M.G غير متواجد حالياً
..::| الاشراف العام |::..
 
تاريخ التسجيل: Aug 2016
الدولة: مصر
المشاركات: 109,860

قبل ما أبدأ فى أى حاجة أحب أشكر كل قائم على هذا الموضوع

أنا من ساعة ما شوفت الموضوع دة الصبح وانا فرحان جداً ان فعلاً فيه محاولات لإعداد جيد للخدام وتكوين شخصياات قادرين على المواصلة والاستمرار ..

فعلاً فيه ناس عندها نشاط كبير وامكانية الخدمة بجدارة لكن مش عارفين يوظفوا نشاطهم دة فين ، وازاى ، وامتى

ندخل فى الموضوع ، بلسان حال خدام كتير كنت منهم ، بيسألوا الأسئلة دى :-
طيب
أنا عايز أخدم بس مش عارف ازاى ؟

أنا عايز أشارك كتير بس أجيب منين موضوعات ؟

أنا عايز أعرف فلان وفلانة بيجيبوا وقت منين لكل المشاركات اليومية دى ؟؟

انا مش عارف أقدم افتقاد ولا ترفيه ولا أوزع وأقسم وقتى فى المنتدى ازاى ؟؟


اجابة أول سؤالين والحل للمشكلة دى تكمن فى :-

1/مصدر دائم للمواضيع التى سيتم نسخها

2/ مصادر متعددة أجمع منها بيانات علشان أقدر أدعم بيها مواضيع من تأليفك


أولاً المصدر الدائم للموضوعات

+ اليوم السابع (هنلاقى فيه مواضيع تنفع لقسم " طب - ثقافى - أخبار - طبخ - تكنولوجيا - كل أقسام المرأة - السياحة - الاقتصاد )

+ المصرى اليوم (هنلاقى فيه مواضيع تنفع لقسم " طب - ثقافى - أخبار - طبخ - تكنولوجيا - كل أقسام المرأة - السياحة - الاقتصاد )

+ مجلة سيدتى ( هنلاقى فيه بالاضافة للسابق موضوعات للعرائس والأزياء)

+ مجلة المجلة + مجلة الجميلة

+ اليوتيوب ( هنلاقى فيه " الترانيم المصورة - العظات - القداسات - كليبات أطفال - درامة ومسرح - ألحان - مقاطع متنوعة )

+ صور جوجل( نختار مثلاً صور للعذراء مريم - السيد المسيح - قديس أو قديسة - حكم وعبارات<دى تنفع لقسم صورة وتعليق > خلفيات موبايل - خلفيات كمبيوتر - كاريكاتير - صور مضحكة .. الخ

\بس نخلى بالنا بالنسبة ببلحث فى (صور جوجل أو اليوتيوب) فى أدوات البحث الوقت يكون منذ 24 ساعة علشان نتأكد أن الصورة جديدة أو الفيديو جديد /

+ المنتديات الأخرى المسيحية ( و دول تقريباً هما اللى بينقلوا مننا ، بس أكيد هتلاقوا مواضيع عندهم جديدة )

+ المنتديات الأخرى العامة ( مثال فتكات وعدلات والشعر العربى والكلام دة برضوا مش هتلاقوا عندهم جديد كتير )

+ الفيسبوك ( معظم البوستات تنفع فى قسم توبيكات " بس لازم نتأكد أن التوبيك مش متكرر لأن فيه كتير بوستات بتكون متكررة - بالاضافة الى الموضوعات الروحية والموضوعات العامة اللى بنشوفها فى صفحات الفيسبوك

+ الواتساب( كلنا عندنا مجموعات على الواتس ونراسل بعض داايماً بموضوعات كتير / ممكن ننشر الحاجات دى -- مع مراعاة برضوا عدم التكرار وان الموضوع يكون مناسب لمنتدانا).


ثانياً مصادر متعددة لجمع معلومات أدعم بيها موضوع هيكون من تأليفك


+ كل المصادر السابقة تقدر تدعم بيها موضوعك الخاص بيك

+ ممكن نستعين بالأيات الكتابية والتفاسير من موقع تكلا هيمانوت
+
ممكن نكتب فى بحث جوجل "اسم الموضوع اللى بتحضر تتكلم عنه" + pdf هيظهرلك كتب ومراجع موثقه تقدر تدعم بيها موضوعك وانت متطمن


+ ممكن تستعين بقى ببرامج تفيدك فى تصميم الصور والفيدوهات زى ( الفوتشوب ، filmora وهكذا )

+ ممكن تشوف المناسبة ايه وتحاول تكتب عنها بنفسك أو تصمم صورة أو فيديو ليه فمثلاً ( احنا فى صيام الرسل تقدر تعمل بحث كامل عن صيام الرسل وتنشره فى المنتدى أو تصمم صورة / فيديو يخص المناسبة دى )

ثالث ورابع سؤال

أنا عايز أعرف فلان وفلانة بيجيبوا وقت منين لكل المشاركات اليومية دى ؟؟

انا مش عارف أقدم افتقاد ولا ترفيه ولا أوزع وأقسم وقتى فى المنتدى ازاى ؟؟


الاجابة هى اختيار الوقت المناسب وتنظيمه

1/ اختيار وقت الفراغ وتحديد مدة معينة ( هنكون مبسوطين انك قاعد 10 ساعات على المنتدى بس دة هيكون على حساب اليوم اللى بعده -- ف دايماً اختار الوقت ومدة مناسبين )

2/ تنظيم المدة دى " نقول مثال ساعيتن "

- هاخد 10د أسأل على أخواتى وأعرف أحوالهم

- 10د كمان أتابع رسايلى على المنتدى

10د أرد على المواضيع بتاعتى بشُكر المرور للمار

40:20د أرد على المشاركات الجديدة بتاعة أخواتى وأشكرهم على خدمتهم وأتعلم منهم

راحة 5 د

40:20 أنشر مواضبع جديدة كما تم توضيح ذلك من قبل

10د مشاركة كل المواضيع الجديدة بتاعتك وبتاعة اخواتك على حسابك فيسبوك أو واتس .. الخ

ونعيد الكرة.


طولت عليكم معلش

ربنا يدينا نعمة ونقدم خدمة هدفها هو تمجيد اسمه القدوس
رد مع اقتباس
إضافة رد

أدوات الموضوع
انواع عرض الموضوع

الانتقال السريع

قد تكون مهتم بالمواضيع التالية ايضاً
الموضوع كاتب الموضوع المنتدى مشاركات آخر مشاركة
مدرسة الفرح المسيحى ( خلى ردودك تكون سبب نجاح مواضيع الأخرين ) Ramez5 أخبار موقع ومنتدى الفرح المسيحى 29 16 - 12 - 2017 06:27 AM
ترنيمه ياللى مش لاقى لحياتك اى معنى { الفرح المسيحي } Ebn Barbara الترانيم المسموعة 1 15 - 10 - 2012 08:25 AM
ترنيمه لما كان الدم بيجري { الفرح المسيحي } Ebn Barbara الترانيم المسموعة 1 28 - 09 - 2012 07:49 PM
مش لاقى برواز على مقاسك .. الحل أنك لازم تتغير Magdy Monir صورة وأية من الكتاب المقدس 2 29 - 05 - 2012 06:55 PM
ترنيمه ياللى مش لاقى لحياتك اى معنى{ الفرح المسيحي} Ebn Barbara الترانيم المسموعة 2 26 - 05 - 2012 09:01 PM


الساعة الآن 08:18 AM


Powered by vBulletin® Copyright ©2000 - 2019, Jelsoft Enterprises