منتدى الفرح المسيحى  


العودة  

إضافة رد
 
أدوات الموضوع انواع عرض الموضوع
  رقم المشاركة : ( 1 )  
قديم 08 - 02 - 2019, 09:35 AM
الصورة الرمزية Rena Jesus
 
Rena Jesus Female
..::| الاشراف العام |::..

 الأوسمة و جوائز
 بينات الاتصال بالعضو
 اخر مواضيع العضو
  Rena Jesus غير متواجد حالياً  
الملف الشخصي
رقــم العضويـــة : 1424
تـاريخ التسجيـل : Sep 2013
العــــــــمـــــــــر :
الـــــدولـــــــــــة : مصر
المشاركـــــــات : 48,096 [+]

حب المتجوزين...



الحب بطعم صباع المحشي


مما لا شك فيه و مما لا يدع مجالا للشك..
ولا يخفي علي اي لبيب ذات لب" بضم اللام"..
ان "الحب" عند المتجوزين بيختلف شكلا و موضوعا عن الحب عند اللي لسه متجوزوش ..
سواء بقي مخطوبين .. او متكلمين عليهم ..
او مكتوب كتابهم .. او مرتبطين .. او مأنتمين....

شكل الحب بتاع المتجوزين ليه طعم و ريحه.. لا ..
ليه ريحه" حرفياً" ..
لان الحب مبيبقاش مجرد كلمات معسوله و تسبيل بالعينين و هدايا و دباديب و شوكلاته و صندوق الشتا و علبة حلاوة المولد و فانوس رمضان كرومبو ولا سيكرت سانتا ولا فلانتين ..
الحب بياخد منحني تاني خالص .. من غير كلام ..
( مش هنتكلم عن اللي لسه متجوزين بقالهم تلات تيام و لسه مسهوكين)
دول بنعاملهم نفس معاملة المأنتمين ..
و مش موضوعنا اللي بيكراش علي معرفش مين ..
احنا هانتكلم عن ال" الكراش" نفسه ..
بس من غير حرف المد اللي في النص ..

حُب_المتجوزين ..
• ممكن تلاقي الحب.. في اكلة محشي الست عملتها لجوزها علشان عارفه انه بيحب المحشي ..
و اسعد لحظه بالنسبالها لما الراجل يلهط المحشي كله صوبع صوبع .. ده حب..
• لما الست تنقي اكبر حتة لحمة و تديها لجوزها دونا عن باقي الديناصورات السوغنتتين ..
ده حب ..
• لما الراجل ياخد الواد الصغير الحمام علشان فيه بيبيه او يغيرله البامبرز بدل مراته..
ده حب..
• لما تصحي من النوم تغطي جوزها في البرد.. ده حب..
• لما يزودلها مصروف البيت شويه علشان تجيب الطقم اللي كان عاجبها.. ده حب..
• لما تسأله تحب اعملك ايه علي الغدا.. ده حب..
• لما يقولها متعمليش اكل النهارده هاجيب اكل و انا جي.. ده حب..
• لما تبقي تعبانه و جوزها يقف في المطبخ يعمل الاكل للولاد.. ده حب..
• لما يبقي فيه مواعين في الحوض و تصحي من النوم تلاقيه غسلهم علشان الجو برد عليها..ده حب..
• لما و انتوا بتاكلوا يتبقي اخر لقمه في الطبق و محدش فيكم ياخدها علشان التاني ممكن يبقي نفسه فيها.. ده حب..
• لما و هو راجع من بره يجيبلك الشوكلاته اللي انتي بتحبيها.. ده حب..
• لما تتعبي من المكوه و تختاري هدومه هو بس تكويهاله و تسيبي هدومك .. ده حب..
• لما تبردي فيجيبلك الشراب الصوف التقيل بتاعه تدفي بيه رجليكي.. ده حب..
• لما يبقي فيه ماتش و ميغيرش علشان انتي متابعه حاجه في التليفزيون .. ده حب..
• لما يعمل لنفسه شاي و يعملك معاه .. ده حب..
• لما نوع الهدايا بتاعتكم اللي بتجيبوها لبعض تبقي حاجات محتاجينها..
لان كل واحد بقي عارف التاني ناقصه ايه بالظبط فيسعده بيها.. ده حب...
• لما يأكل هو الولد علشان انتي تخلصي اكلك.. ده حب...
• لما يوِّد اهلك و تودِّي اهله.. ده حب..
• لما تتخني و يشوفك احلي ست.. ده حب...
• لما يصحي من النوم شعره منكوش ده لو كان لسه فاضل و مقرعش و بردو تفضلي شايفاه اوسم راجل في الدنيا.. ده حب..
• لما تظهر اول شعره بيضه في شعرك و يفضل شايفك حبيبته.. ده حب..
• لما تبقي واقفه في المطبخ و ريحتك بصل و توم و ييجي من الشغل يضحكلك و يقولك عملالنا ايه اكل النهارده.. ده حب..
• لما يدخل من بره و اول حد يدور عليه يشوفه هو انتي.. ده حب...
• لما يبقي الجو برد و تدفي ايديكي في قفاه وهو يستحمل.. ده حب ..
• لما تعملي اكله وانتي عارفه انها لا تليق الا بصندوق الزباله و هو يغصب علي نفسه و ياكلها و ميقولكيش حاجه علشان ميضايقكيش.. ده حب...
• لما يصحي هو للولاد بالليل .. ايشي بيبيه علي ايشي عاوز اشرب علي ايشي معاد دوا و يسيبك تنامي.. ده حب...
• لما يسيبك تخرجي تفرفشي مع صحابك و يقعد هو بالعيال .. ده حب...
• لما يعلمك السواقه.. و يقعد جنبك و انتي بتسوقي و يضحي بحياته.. ده حب...
• لما في وسط الناس اول لما يبصلك تفهمي هو عاوز ايه..
و تقومي تاخدي شنطتك و تلمي العيال و تسلمي علي الناس علشان البصه دي كان معناها يالاا بينا.. ده حب..
• لما حد من الولاد يعوز حاجه فتقوليله اسال بابي..
يروح يسال بابي يقوله اسأل مامي.. ده حب..
• لما تحسي انه سندك و ضهرك و امانك و حمايتك ..
و هو يحس انك مراته و امه و بنته و حبيبته...
ده قمة قمة الحب


محدش يسأل الحب بيروح فين بعد الجواز...
لان الحب بياخد اشكال و الوان و طعم و ريحه بياخد بهارات الحياه بحلوها ومرها ..
عمر الجواز مكان هو اللي بيقضي علي الحب..
بالعكس الجواز هو اللي بيخلي للحب معني

الحب بطعم صباع المحشي
رد مع اقتباس
قديم 09 - 02 - 2019, 02:38 PM   رقم المشاركة : ( 2 )
Mary Naeem Female
† Admin Woman †

الصورة الرمزية Mary Naeem

الملف الشخصي
رقــم العضويـــة : 9
تـاريخ التسجيـل : May 2012
العــــــــمـــــــــر :
الـــــدولـــــــــــة : Egypt
المشاركـــــــات : 735,193 [+]

 الأوسمة و جوائز
 بينات الاتصال بالعضو
 اخر مواضيع العضو

Mary Naeem غير متواجد حالياً

افتراضي رد: الحب بطعم صباع المحشي

ممكن تلاقي الحب.. في اكلة محشي الست عملتها لجوزها علشان عارفه انه بيحب المحشي ..
و اسعد لحظه بالنسبالها لما الراجل يلهط المحشي كله صوبع صوبع .. ده حب..
صح يا قمر
ربنا يباركك حببتي

  رد مع اقتباس
قديم 14 - 02 - 2019, 04:16 PM   رقم المشاركة : ( 3 )
Rena Jesus Female
..::| الاشراف العام |::..

الصورة الرمزية Rena Jesus

الملف الشخصي
رقــم العضويـــة : 1424
تـاريخ التسجيـل : Sep 2013
العــــــــمـــــــــر :
الـــــدولـــــــــــة : مصر
المشاركـــــــات : 48,096 [+]

 الأوسمة و جوائز
 بينات الاتصال بالعضو
 اخر مواضيع العضو

Rena Jesus غير متواجد حالياً

افتراضي رد: الحب بطعم صباع المحشي

ميرسى لمرورك الغالى
الحب بطعم صباع المحشي الحب بطعم صباع المحشي الحب بطعم صباع المحشي
  رد مع اقتباس
إضافة رد

أدوات الموضوع
انواع عرض الموضوع

الانتقال السريع

قد تكون مهتم بالمواضيع التالية ايضاً
الموضوع
ده صباع محشى .. بس ايه ينسف جبل المقطم
لك القوة والمجد _ ابن سباع
صباع سليم
صباع كفته
شاهد رد فعل ملاكم بعد كسر صباع رجله


الساعة الآن 09:01 AM


Powered by vBulletin® Copyright ©2000 - 2019