منتدى الفرح المسيحى  


العودة  

إضافة رد
 
أدوات الموضوع انواع عرض الموضوع
  رقم المشاركة : ( 1 )  
قديم 13 - 06 - 2019, 04:47 PM
الصورة الرمزية walaa farouk
 
walaa farouk Female
..::| الإدارة العامة |::..

 الأوسمة و جوائز
 بينات الاتصال بالعضو
 اخر مواضيع العضو
  walaa farouk متواجد حالياً  
الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 180,699 [+]

اسكتش يسوع بيغير يصلح لخدمة ابتدائى

ويني: أهلا وسهلا بيكم في برنامج هونوللو !

إحنا انهاردة هنقدم ليكم حلقة خاصةبمناسبة عيد القيامة ...
أحب أعرفكم بنفسي .... أنا ويني الدبدوب معايا انهاردة ضيف كلنا بنحبه ... خلونا نرحب بضيفنا ...
ميكي ماااااااوس !!!

يدخل ميكي




ميكي : شكرا شكرا أنا سعيد بوجودي معاكم

ويني: أستاذ ميكي في البداية أحب أقولك كل سنة وإنت طيب بمناسبة عيد القيامة

ميكي: وإنت طيب يا ويني.

ويني: إيه أخبار مغامراتك؟؟؟

ميكي: هاهاها أنا في أجازه اليومين دول ... وقررنا أنا وميني وبندق أننا نخرج نتفسح.


ويني: حلو جدا جدا خصوصا أنه احنا كنا بنحتفل بعيد القيامة.

ميكي: تمام ... عارف ياويني أنه القيامة دي مهمة جدا جدا في حياة كل واحد فينا ؟؟؟

ويني: إزاي يا ميكي؟

ميكي: طبعا لو كان الرب يسوع مات على الصليب وماقمش يبقى مانتصرش على الموت ولا على إبليس

ويني: ده حقيقي وبكده كنا هنفضل عايشين في خطيتنا.

ميكي: تماااام ، لكن إحنا نشكر ربنا إللي بيحبنا واللي مرضيش إننا في النار نقضي بقية عمرنا.

ويني: إنت عارف ياميكي أنا مش متخيل إنه كان ممكن الرب يسوع مايقمش تاني ..
.ده أنا كنت هبقى حزين علطول ...ده كفاية إنه يوم الجمعة الحزينة ....


ميكي: ( يقاطع ويني) جمعة حزينة !!! اسمها الجمعة العظيمة يا ويني

ويني: لا حزينة عشان الرب يسوع مات!!!

ميكي: بس قام يا ويني إنت ناسي؟؟ وإحنا عارفين كده

ويني: معاك حق ياميكي.

ميكي: كمان قيامة الرب يسوع ممكن تخلي أي حد ميت بالخطية
وغرقان فيها يتغير ويبقى إنسان جديد وكأنه عاش من تاني.

ويني: إزااااي؟

ميكي: الكتاب المقدس بيقول :

"متبررين مجانا بنعمته بالفداء الذي بيسوع المسيح"

( رومية 3 : 24 )

ويني: والآية دي عن مين؟




ميكي: عن الرب يسوع طبعا ، إنت عارف أن الرب يسوع ممكن يغير أشر المجرمين؟؟؟

ويني: يااااااه!!

ميكي: أيوه ... هو مش غير اللص اللي كان جنبه على الصليب؟؟

ويني: صح

ميكي: طب إسمع مني القصة دي بس دي مش من الكتاب المقدس

ويني: قصة إيه؟؟

ميكي: قصة واحد كان ميت بالخطية لكن الرب يسوع اداله حياة جديدة.

ويني: ودي قصة حقيقية؟؟؟

ميكي: أيوه يا ويني ... حصلت في بلاد بره



كان مرة في بنت صغيرة ماشية مع باباها في الشارع ....

( ينزل ميكي وويني وتظهر البنت مع باباها)



البنت: مدارس الأحد كانت حلو أوي يا بابا إنهاردة


الأب: جميل يا سارة واتعملتي إيه بئى إنهاردة؟؟

سارة: إن الرب يسوع بيحب كـــــــــل الناس .... الحلوين والوحشين

الأب: برافو يا سارة

سارة: مين اللي هناك ده يابابا ... إاللي العسكري ماسكه؟؟؟

( يظهر المجرم وبجواره عسكري)

الأب:ملناش دعوة يا سارة ... ده مجرم وهيودوه السجن

سارة: وده عمل إيه عشان يروح السجن؟؟

الأب: ده قتل وسرق وعمل حاجات وحشة كتييير ده حتى شكله صعب خالص

سارة: بس الميس قالت إنه الرب يسوع بيحب كل الناس. بابا!! أنا رجعالك تاني

الأب: رايحة فين يا سارة؟؟

(تذهب سارة إلى المجرم)

سارة: ياعمو يامجرم


المجرم: عايزه إيه يابت ... إبعدي من هنا

سارة:يسوع بيحبك

المجرم: إمشي من هنا

سارة: يسوع بيحبك أنا متأكدة

المجرم: يا بت قولتلك إمشي من هنا بدل ماأعورك

(يأتي الأب جريا)

الأب: ياللا ياسارة أنا مش قولتلك مالناش دعوة

(تنزل سارة والأب من المسرح ويأخذ المجرم ويرميه في السجن)


العسكري: ياللا ياحرامي ياقاتل خليك في الزنزانة دي لوحدك!

(يجلس الحرامي ويفكر بصوت عال)

المجرم: أنا إيه اللي عملته في نفسي ده !!!

أنا مستهلش الرحمة ياما سرقت وكذبت وضربت وسرقت ..
. ياااااااه أنا حياتي سودا وضايعة ... أنا معنديش أمل ... مين يرحم مجرم زيي!!!

(يسمع صوت سارة وهي بتقول: يسوع بيحبك ... يسوع بيحبك)

المجرم: كلام البنت دي أشر فيا أوي أنا فاكر الميس في مدارس الأحد زمااان
وهي بتحكي عن الرب يسوع وإزاي إنه بيحب كل الناس ... أكيد لسه بيحبني ...
وهو اللي فكرني بالكلام الحلو ده

سامحني يارب وارحمني أنا خاطي ... أشكرك لأنك بتحب مجرم زيي شرير ووحش...

من فضلك غيرني... أمين



(ينزل المجرم ويظهر ميكي وويني)




ويني: قصة حلوة أوي ياميكي

ميكي: شكرا ياويني... وفعلا المجرم ده إتغير وسلم حياته للرب يسوع وبقى انسان جديد

ويني: ممكن ياميكي تفكرنا بالآية إللي إنت قلتها في الأول

ميكي: ياللا نقول مع بعض :

"متبررين مجانا بنعمته بالفداء الذي بيسوع المسيح"

( رومية 3 : 24 )



ويني: في نهاية البرنامج احنا بنشكرك جدا وبنشكر أصدقاءنا
ونوعدكم إننا هنجيب ضيوف حلوين كل مرة ... باي باي
رد مع اقتباس
قديم 13 - 06 - 2019, 05:39 PM   رقم المشاركة : ( 2 )
Mary Naeem Female
† Admin Woman †

الصورة الرمزية Mary Naeem

الملف الشخصي
رقــم العضويـــة : 9
تـاريخ التسجيـل : May 2012
العــــــــمـــــــــر :
الـــــدولـــــــــــة : Egypt
المشاركـــــــات : 730,812 [+]

 الأوسمة و جوائز
 بينات الاتصال بالعضو
 اخر مواضيع العضو

Mary Naeem غير متواجد حالياً

افتراضي رد: اسكتش يسوع بيغير يصلح لخدمة ابتدائى

رووووووووووعة حببتي
ربنا يفرح قلبك
  رد مع اقتباس
قديم 14 - 06 - 2019, 12:07 AM   رقم المشاركة : ( 3 )
walaa farouk Female
..::| الإدارة العامة |::..

الصورة الرمزية walaa farouk

الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 180,699 [+]

 الأوسمة و جوائز
 بينات الاتصال بالعضو
 اخر مواضيع العضو

walaa farouk متواجد حالياً

افتراضي رد: اسكتش يسوع بيغير يصلح لخدمة ابتدائى

ميرسى على مرورك الغالى اسكتش يسوع بيغير يصلح لخدمة ابتدائى
  رد مع اقتباس
إضافة رد

أدوات الموضوع
انواع عرض الموضوع

الانتقال السريع

قد تكون مهتم بالمواضيع التالية ايضاً
الموضوع
موسى والوصايا العشر وسيلة ايضاح لخدمة ابتدائى
تاج الشوك شغل يدوي يصلح لخدمة ابتدائى
نص اسكتش مسرحية يونان مناسب لسن ابتدائي وحضانة
اسكتش يونان النبي لمرحله ابتدائي
اسكتش الأصدقاء الأربعة في سر السعادة (لخدمة إعدادى)


الساعة الآن 06:11 AM


Powered by vBulletin® Copyright ©2000 - 2019