|
 |
 |
 |
|
رقم المشاركة : ( 1 )
15 - 02 - 2019, 11:12 AM
|
|||||||||||
|
|||||||||||
 دكتورة في الجامعة سألت الطلاب بتوعها: "Is love a feeling? Or is it a choice" هل الحب احساس ولا اختيار؟ اغلب الردود كانت إنه احساس... الدكتورة كان ردها إنهم لو فضلوا مقتنعين إنه احساس فقط، علاقتهم باللي بيحبوهم هتنتهي بسرعة. بعد كده حكت لهم عن استطلاع عملته على ناس متزوجين ومطلقين... قالت إن كل اللي شاركوا في الاستطلاع ده اعترفوا إنهم جاتلهم لحظة في حياتهم والحب اللي كانوا بيحبوه للطرف التاني اختفى أو على احسن تقدير، قل كتير عن الأول... إن كلهم مرت عليهم لحظات ما كنوش فيها سعداء مع شريك حياتهم... كلهم اعترفوا إن المشاعر شيء متغير جدا، ومش منطقي إنك تبني حاجة عاوزها تعيش العمر كله على اساس مش ثابت زي المشاعر You can't build something that you want to last on such a shaky foundation لما سألوها طيب لما كل الناس بتحس بده، ليه في ناس جوازتها بتكمل وفي ناس اتطلقوا؟ قالت إن اللي لسه متجوزين في الاستطلاع قالوا إنهم لما حسوا الإحساس ده قرروا يتكلموا مع شريك حياتهم ويوجدوا لغة حوار مشتركة، اختاروا يعترفوا إن في مشكلة وإنهم محتاجين يلاقوا لها حل... اختاروا يعملوا حياة تستاهل إنهم يحبوا يعيشوها They chose to open the communication, chose to identify what broke and how to fix it, and chose to recreate something worth falling in love with â اللي اتطلقوا قالوا إنهم قرروا يمشوا They chose to walk away وده الفرق بين الحب كمشاعر والحب كعَهد! سهل إنك تحب حد وتتوتر وقلبك يدق بسرعة وتفرح بمشاعر البدايات... سهل تقع في حب حد في الأول وكل صفة فيه جميلة وكل تصرف منه مُبهر وكل عيب فيه مستور بنور الافتتان... الصعب إنك تلتزم بالحب ده! إن لما بريق البدايات يتطفي تلاقي نفسك لسه حابب صحبة الشخص ده... إن في عز ما الدنيا وحشة، إنت لسه عندك القدرة إن تلاقي فيه حاجة تقع في حبها... إن لما تتعب أو تزهق في النص، تقدر تبص لشريك حياتك وتحس إنك عاوز تتعب عشان تحتفظ بيه في حياتك... والأصعب إنك تلاقي حد هو كمان عاوز يتعب عشانك... حد يختارك زي ما أنت اختارته... ويفضل يختارك مهما الحياة اتغيرت... في واحدة من اللي حاضرين قالت: "I no longer fear the day someone who swore I was their universe can no longer see the stars in my eyes as long as they still choose to look until they find them again" مابقتش خايفة إن اللي كان شايفني دُنيته كلها في يوم يصحى ومايشوفش لمعة عيوني لما ابص له... طول ما هو هيصبر كفاية إنه يدوّر لحد ما يلاقها تاني 
|
|
15 - 02 - 2019, 12:28 PM
|
رقم المشاركة : ( 2 ) | ||||
|
† Admin Woman †
|
رد: هل الحب احساس ولا اختيار؟
مابقتش خايفة إن اللي كان شايفني دُنيته كلها في يوم يصحى ومايشوفش لمعة عيوني لما ابص له...
طول ما هو هيصبر كفاية إنه يدوّر لحد ما يلاقها تاني مشاركة جميلة جدا ربنا يبارك حياتك |
||||
|
|
|
01 - 03 - 2019, 09:34 AM
|
رقم المشاركة : ( 3 ) | ||||
|
..::| الاشراف العام |::..
|
رد: هل الحب احساس ولا اختيار؟
ميرسى لمرورك الغالى
 |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| الحب اختيار |
| الحب هو اختيار ! |
| احساس سئ عندما يولد الحب بعد فوات الأوان ،، |
| الحب قدر ام اختيار |
| هل الحب احتياج ام اختيار؟؟ |
العرض العادي
