علموهم ربنا صح

[walaa farouk]

زى ما المسيح بيقول: دعوا الاولاد يأتون الي
ولا تمنعوهم (لو16:18)
بيقول: بيتى بيت صلاة يدعي (مت13:21)
والكتاب المقدس بيقول: ببيتك تليق القداسة يا رب
إلى طول الأيام. (مز5:93)
اه نقبل الاطفال ويفرحوا ويلعبوا (فى حوش الكنيسة او النادى)
ويتنططوا زى ما هما عايزين ونتعلم من بساطتهم
ومحبتهم لكن مش معنى ده نسيبهم يعملوا دوشة
فى القداس او يطلعوا على كراسي الكنيسة فى مدارس الاحد
او يجروا جوه الكنيسة ولما حد يتكلم نردد عبارات بدون وعي
وفهم فيها ادانة للخدام والكنيسة ..
مهابة بيت ربنا ومخافته من اولويات التربية الكنسية
مش التنطيط .. لما نوصل ربنا للولاد صح
ويحسوا انهم داخلين بيت ابوهم الملك عمرهم ما هايعملوا دوشة ولا هايتنططوا فوق كراسي الكنيسة ولا يكتبوا عليها
ولا حتى يكسروها وهايعرفوا ان الكنيسة غير الحوش
وان للعب وقت وللصلاة وقت وكل حاجة تتعمل فى مكانها.
#علموهم_ربنا_صح وعلموهم يعنى ايه مخافة بيت الله وهما لوحدهم هايحبوا الكنيسة ويحافظوا عليها.
لكن طول ما احنا بدون وعي بنردد عبارات لوم
وادانة لاى حد بيكلم الاطفال لما يبقى فى دوشة
او تخريب فى الكنيسة هانطلع جيل لا بيخاف على كنيسته
ولا عارف يحترم ربنا ولا بيته ولا خدامه.
"افعلوا هذه ولا تتركوا تلك".

اولادنا_مسئوليتنا_نربيهم_بوعي