|
 |
 |
 |
|
رقم المشاركة : ( 1 )
26 - 06 - 2021, 06:09 PM
|
|||||||||||
|
|||||||||||
|
خليك مبلط في الخط يا ابو سيفين خشب
 عندما قال البابا كيرلس لابي سيفين خليك مبلط في الخط يا ابو سيفين خشب زمان كانوا بيعملوا كنيسة ابي سيفين في حدائق القبة وحصلت ظروف كالعادة زي اي كنيسة والكنيسة اتقفلت وهات ترخيص البابا كيرلس مكنش قدامه غير علاقته بأصحابه القديسين يحلوا له المشكلة اثناء التبخير قدام صور قال لمار جرجس الروماني : "ازيك يا بطل صباح الخير يا ابو جورج . عامل ايه يا بطل النهاردة. كويس يا حبيبي ايوة كدة برطع بحصانك كده شرق وغرب وخلي نفسك مع ابو سيفين خشب " جه عند مار مينا العجائبي: " ازيك يا حبيبي عامل ايه يا مارمينا النهاردة كويس مالك انت .واخد انت حقك والمستحق نهارك فل يا مارمينا " جه عند ابي سيفين وقاله : "خليك انت مبلط في الخط يا خويا يا بو سيفيين خشب كنيستك مش عارف تفتحها خليك نايم في الخط يا خويا " وخد بعضه ومشي الشماس اللي ورا سيدنا قال للبابا كيرلس ايه حكاية ابو سيفين خشب البابا كيرلس قال ابي سيفين يا بني مش عارف يفتح كنيسته بحدائق القبه انا اروح افتحهاله انا زعلان منه مرضتش اديله بخور واصبح عليه زي بقيت القديسين لما يفتح كنيسته نبقي حبايب ابونا اللي روي الحكاية دي قال ثلاثة ايام بالعدد وانفتحت كنيسة ابي سيفيين بحدائق القبة البابا كيرلس بعدها قال للشماسه يلا نصالح الراجل ابو سييفين مسلوليين حلوين كده البابا كيرلس قدام صورة ابي سيفيين متزعلشي يا عم انا لو متخانقتش معاك انت اروح هتخانق مع الامن انت اقدر عليك احنا ستر وغطا علي بعض وانت متجيش الا بالعين الحمرا يعني اتفتحت الكنيسة بالعشم وبالثقة وبالايمان انه رجل الصلاة البابا كيرلس السادس 
|
 |
|
العرض العادي
