منتدى الفرح المسيحى  


العودة  

إضافة رد
 
أدوات الموضوع انواع عرض الموضوع
  رقم المشاركة : ( 1 )  
قديم 01 - 03 - 2019, 10:55 AM
الصورة الرمزية Rena Jesus
 
Rena Jesus Female
..::| الاشراف العام |::..

 الأوسمة و جوائز
 بينات الاتصال بالعضو
 اخر مواضيع العضو
  Rena Jesus غير متواجد حالياً  
الملف الشخصي
رقــم العضويـــة : 1424
تـاريخ التسجيـل : Sep 2013
العــــــــمـــــــــر :
الـــــدولـــــــــــة : مصر
المشاركـــــــات : 69,644

مش أنت اللى قولتلة أتصرف


ما أنت اللي قولتله "عُد واصنعني وعاءً آخر"..
ما انت اللي طلبت منه يغيرك..
ما أنت اللي قدمتله حياتك ومستقبلك وعلاقاتك وقولتله اتصرف "كما يحسن في عينيك"..
طب فاكر وقفتك قدامه وعينيك غرقانه بالدموع وبتقوله "استلم حياتي يارب".. أنت عارف انه من اللحظة اللي أنت قولتله فيها استلم هو حرفياً استلمها وابتدى شغل فيها..
ليه قررت ترجع في ده دلوقتي!
ليه عايز ترمي ده عشان شوية وجع مؤقتين!

اه يمكن أنت بعدها خلصت صلاة وهديت وفكرت الحياة هاتكمل عادي مش هاتتغير..
لكن في اللحظة دي السماء حصل فيها تغييرات وقرارات كتير من الله اترتبت بناء على قرارك ده.

اصل الله خد كلامك وقتها بجد، هو بيحب الصلاة دي اوي ..
صلاة التسليم (تديله حياتك ويديلك حياته) دي من امتع واحب الصلوات عنده ..
وفعلاً لو من قلبك حياتك هاتتبدل بعدها..

هتلاحظ بعدها مثلاً وعود واحلام تتزرع جواك غير الواقع خالص،
الواقع سواد وضلمة وروحك شايفة حلم كله حياة ونور ماتعرفش اتبعتلك ازاي ومنين،
بس جواك بيبقى في يقين أن دي مش اوهام دي حاجة حقيقية أكتر من الواقع نفسه.

برضو تلاحظ مسار حياتك واستقبالك ليها اختلف،
ربنا زي ماتقول كدة ادالك "نضارة ايمان" تعرف تترجم بيها عشوائية الحياة لخير وخطة إلهية..
يبقى الناس متخبطة ومشتتة وتايهة، وانت شايف ايديه بوضوح في وسط كل ده..
يبقى اللي حواليك شايفين عبثية المشهد، وانت لوحدك مطمّن بمشيئته اللي بتتحقق بكل اللي بيحصل ده ..

وتلاقي نوع انجازاتك بقى مختلف عن اللي بره، اللي بره بيجروا في انجازات و القاب واسامي وفلوس ونفوذ ..
وانت وقت كبير "عطلان" بره السباق ده،
مابتنجزش .. محبوس في سجن زي يوسف بالظبط.. من ساعة ما خد الحلم وهو متعطل .. مسجون .. عبد ..
سنين ما انجزش حاجة مقارنة باللي زيه وفي سنه.
بس لما الله يكشفلك هو بيعمل ايه هاتفهم ان انجازه مثلاً في حيلة يوسف وفي روحه مكانتش هاتحصل غير بكسرته الوقت ده،
ببساطة انجاز الله في حياة يوسف كان هو "يوسف" نفسه، وانجاز الله في حياتك هو أنت..
هي روحك مش اي حاجة برّاك.. اصل روحك دي الوحيدة اللي مكملة معاك الابدية،
ودي اهم حاجة عند ربنا انه يكبرها حتى لو على حساب راحتك وانجازك البشري..

عارف أن الوضع اختلف والحياة اتبدلت بعد ما سلمتهاله..
يمكن بقت اصعب أو اتلخبطت أكتر..
يمكن اللي حواليك عايشين عادي وانت مستغرب أنك أنت الوحيد اللي متلخبط وموجوع..
يمكن بتجيلك اوقات تحن فيها انك ترجع "طبيعي" معندكش حلم من السماء أو اخرك مع الله كلمتين ساعة صلاة في المناسبات وسلام سلام ..

عارف وجعك ده وبعدي فيه زيك..
بس جويا في روحي صورة كدة مريحة ليا وانا في حضنه وقاعد احكي معاه واشتغل معاه واملُك معاه الابدية كلها..
عندي صورة في روحي وانا ملك ومليان مجد منه هو، والفرحة اللي في روحي ملهاش وصف من كتر عمقها وقوتها..
عندي صورة في روحي ليا وانا قاعد على عرش جنبه بمنتهى الفخر وهو بيقدمني لكل الملايكة والسماء بحالها
وبيقولهم "هو ده ابني اللي حكيتلكم عنه"..

جوايا صورة لحياتي قدام تستاهل استحمل عشانها حياتي دلوقتي..
جوايا صوت بيسندني كل ما اتعب ويقولي "هانت.. قربت توصل"..
جوايا الابدية كلها مستنية تنفجر بالنور في الوقت اللي ربنا يقرر فيه يريحني..


صلاة_التسليم
رد مع اقتباس
قديم 01 - 03 - 2019, 11:00 AM   رقم المشاركة : ( 2 )
Mary Naeem Female
† Admin Woman †

الصورة الرمزية Mary Naeem

الملف الشخصي
رقــم العضويـــة : 9
تـاريخ التسجيـل : May 2012
العــــــــمـــــــــر :
الـــــدولـــــــــــة : Egypt
المشاركـــــــات : 1,207,207

 الأوسمة و جوائز
 بينات الاتصال بالعضو
 اخر مواضيع العضو

Mary Naeem غير متواجد حالياً

افتراضي رد: مش أنت اللى قولتلة أتصرف

استلم حياتي يارب




رووووووووووعة حببتي
ربنا يفرح قلبك
  رد مع اقتباس
قديم 01 - 03 - 2019, 11:19 AM   رقم المشاركة : ( 3 )
walaa farouk Female
..::| الإدارة العامة |::..

الصورة الرمزية walaa farouk

الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 349,015

 الأوسمة و جوائز
 بينات الاتصال بالعضو
 اخر مواضيع العضو

walaa farouk متواجد حالياً

افتراضي رد: مش أنت اللى قولتلة أتصرف

موضوع جميل جدا

ربنا يفرح قلبك
  رد مع اقتباس
قديم 16 - 03 - 2019, 08:14 AM   رقم المشاركة : ( 4 )
Rena Jesus Female
..::| الاشراف العام |::..

الصورة الرمزية Rena Jesus

الملف الشخصي
رقــم العضويـــة : 1424
تـاريخ التسجيـل : Sep 2013
العــــــــمـــــــــر :
الـــــدولـــــــــــة : مصر
المشاركـــــــات : 69,644

 الأوسمة و جوائز
 بينات الاتصال بالعضو
 اخر مواضيع العضو

Rena Jesus غير متواجد حالياً

افتراضي رد: مش أنت اللى قولتلة أتصرف

ميرسى لمروركم الغالى
مش أنت اللى قولتلة أتصرف مش أنت اللى قولتلة أتصرف مش أنت اللى قولتلة أتصرف
  رد مع اقتباس
إضافة رد

أدوات الموضوع
انواع عرض الموضوع

الانتقال السريع

قد تكون مهتم بالمواضيع التالية ايضاً
الموضوع
لسة قادر أتصرف واحلها
كيف أتصرف إذا أصيب أحد جيراني بكورونا؟
يارب أتصرف
صورة أتصرف أنت ياربى تصميمى
كيف أتصرف بحكمة بدون كذب


الساعة الآن 07:02 AM


Powered by vBulletin® Copyright ©2000 - 2024