منتدى الفرح المسيحى  


العودة  

إضافة رد
 
أدوات الموضوع انواع عرض الموضوع
  رقم المشاركة : ( 1 )  
قديم 24 - 06 - 2022, 01:50 PM
الصورة الرمزية Mary Naeem
 
Mary Naeem Female
† Admin Woman †

 الأوسمة و جوائز
 بينات الاتصال بالعضو
 اخر مواضيع العضو
  Mary Naeem متواجد حالياً  
الملف الشخصي
رقــم العضويـــة : 9
تـاريخ التسجيـل : May 2012
العــــــــمـــــــــر :
الـــــدولـــــــــــة : Egypt
المشاركـــــــات : 1,005,826

ما هو طقس مسح المرضى





# 1: مرجعية السر

السر ده واضح جداً في حياة ربنا يسوع و آبائنا الرسل
  • السامري الصالح:
    ربنا يسوع كان يجول يصنع خيراً و يشفي المرضى
    و ده ظهر في مثل السامري الصالح
    فتقدم وضمّد جراحاته، و صَبّ عليها زيتاً وخمراً، و أركبه على دابته، و أتى به إلى فندق و اعتنى به
    لوقا 10 : 34
  • الآباء الرسل:
    ربنا يسوع أسس سر مسحة المرضى لمّا أوصى تلاميذه: اشفوا مرضى. طهّروا برصاً (متى 10 : 8)
    و الآباء الرسل عملوا كده بالظبط، و شفنا معجزات شفاء كتير
    وأخرجوا شياطين كثيرة، ودهنوا بزيت مرضى كثيرين فشفوهم
    مرقس 6 : 13
  • الكنيسة الأولى:
    أوضح آية تمثل أركان السر كتبها القديس يعقوب:
    أمريض أحد بينكم؟ فليدعُ قسوس (شيوخ) الكنيسة فيصلّوا عليه ويدهنوه بزيت باسم الرب ، و صلاة الإيمان تشفي المريض والرب يقيمه، وإن كان قد فعل خطية تغفر له
    يعقوب 5 : 14 و 15
أركان سر مسحة المرضى المستفيد من السر المريض من يقوم بالسر قسوس الكنيسة مادة السر الزيت شرط السر الإيمان فاعلية السر الشفاء و مغفرة الخطية


# 2: هدف السر

  • الشفاء الروحي:
    الهدف الأساسي للسر .. (إن كان قد فعل خطية تُغفَر له)
    عشان كده المفروض المريض يعترف الأول قبل سر مسحة المرضى
    و بعد مسحة المرضى المفروض المريض يتناول
  • الشفاء الجسدي:
    مرتبط بمشيئة ربنا و حكمته من وراء هذا المرض
    مرتبط كمان بإيمان المريض بفاعلية السر .. ربنا يسوع شفى مرضى كتير بعد ما أظهروا إيمان ثابت فيه (زي نازفة الدم)
طبعاً سر مسحة المرضى لا يتعارض إطلاقاً مع العلاج الطبي
سؤال (لماذا الألم و المرض) من الأسئلة الكبيرة في حياتنا .. نقدر نسمع أكتر في وعظة ثبات أيوب البار
ربنا عايز ينقينا من الخطايا (من تألم بالجسد كُفّ عن الخطية)
و في نفس الوقت المريض المتألم اللي سايب روح ربنا يشتغل فيه و يفهمه محبة ربنا بيسلّم أمره لربنا و بيبقى زي الشمعة المضيئة لمن حوله



# 3: طقس السر

أنسب وقت للسر هو وقت الصباح .. أبونا بيكون صايم 9 ساعات (زي قبل التناول) بينما المريض بيكون صايم على قد ما يقدر
قدام أبونا بيكون فيه ناحية الشرق ترابيزة عليها حُق البخور و طبق فيه زيت زيتون و في الزيت 7 فتايل من القطن .. أبونا بيولّع واحدة من الفتايل مع بداية كل صلاة
السر بيتكون من 7 صلوات .. كل صلاة فيها قراءات و طلبة (زي ما موجود في الجدول تحت) و قانون الإيمان
في الآخر أبونا بيرشم المريض بالزيت على جبهته و عنقه و يديه زي جمعة ختام الصوم .. و بيدهن الحاضرين مع المريض كمان لو صايمين و مستعدين .. بس مش صح إن حد يترشم بالزيت بعد التناول (لأن التناول هو كمال الأسرار)
صلوات سر مسحة المرضى # الأواشي القراءة المزمور الإنجيل 1 - مرض الخطية صلاة الشكر + المزمور ال50 + أوشية المرضى يعقوب 5 : 10 ل 20
الفصل اللي بيتكلم عن سر مسحة المرضى
مزمور 6 : 1 و 2
اشفني يا رب فإني ضعيف
يوحنا 5 : 1 ل 17
شفاء المخلع (مفلوج بيت حسدا) .. اللي كان مرضه بسبب خطية
2 - مرض الإحساس بالنقص أوشية المسافرين + طلبة عن قبول ربنا للتوبة و مغفرته للخطية لوقا 19 : 1 ل 10
دخول المسيح بيت زكا .. اللي كان قصير القامة (رمز لبعض الأمراض اللي بيتخلق بها الإنسان) .. ربنا دخل بيته و شفاه من إحساس النقص
مزمور 102 : 1 و 2
في اليوم الذي أدعوك فيه استجب لي سريعاً
رومية 15 : 1 ل 7
صلاة من أجل الصبر و التعزية + احتمال الضعفاء
3 - مرض عدم الإثمار أوشية الثمار .. لأن من يحيا بلا ثمر يشعر أنه بلا قيمة (مرض نفسي) + طلبة عن رحمة ربنا متى 10 : 1 ل 8
ربنا بيرسل تلاميذه و يعطيهم سلطان شفاء الأمراض
مزمور 37 : 1 و 2
يا رب لا تؤدبني بغضبك
كورنثوس الأولى 12 : 28 ل 13 : 8
المحبة .. كل واحد له مواهب مختلفة عشان يثمر، لكن أهم ثمرة هي المحبة
4 - مرض الخوف أوشية الرؤساء (نهابهم و نصلي من أجلهم لكن دون خوف أو رعب) + طلبة عن الله قاضي الأرامل و أبو الأيتام لوقا 10 : 1 ل 9
ربنا بيرسل رسله ال70 و يعطيهم سلطان شفاء الأمراض
مزمور 51 : 1
ارحمني يا الله كعظيم رحمتك
رومية 8 : 14 ل 21
الانقياد للّه .. هو اللي يحمينا من الخوف الزائد من الرؤساء أو الاعتماد عليهم
5 - مرض التعلق بالحياة أوشية الراقدين .. مانخافش من الموت لأنه انتقال يوحنا 14 : 1 ل 19
ربنا بيطمئننا إن لنا مكان في السماء
مزمور 142 : 7
أخرِج من الحبس نفسي
غلاطية 2 : 16 ل 20
مع المسيح صُلِبتُ فأحيا لا أنا بل المسيح يحيى فيّ
6 - مرض التذمر أوشية القرابين .. بنشكر ربنا على عطاياه لوقا 7 : 36 ل 50
سمعان الفريسي اللي انتقد ربنا يسوع و تذمر عليه .. و المرأة الخاطئة اللي ربنا غفر لها فشكرته
مزمور 4 : 1
إذ صرخت سمعتني يا إله برّي. في الشدة فرّجت عنّي
كولوسي 3 : 2 ل 17
نكون شاكرين و مسبّحين الله
7 - مرض الحروب الخارجية أوشية الموعوظين .. طلب إن ربنا يثبت الإيمان في قلوبنا متى 6 : 14 ل 18
سلاحنا في الحرب هو الصوم و الصلاة
مزمور 25 : 18 و 20
لا أخزى لأني عليك توكّلتُ
أفسس 6 : 10 ل 18
أسلحة الحروب الروحية



# 4: ملاحظات

  • السر ده له أسماء تانية: (سر القنديل)، (سر الزيت المقدس) لأن المسيحيين الأوائل كانوا يضعون الزيت في قنديل يخرج منه سبعة قناديل تضاء كل واحدة منها في أول كل صلاة
  • طبعاً لظروف المريض، مسموح إن السر يتعمل خارج الكنيسة (في البيت)
  • لكن السر ده بيتعمل في الكنيسة مرة واحدة في السنة للشعب كله .. يوم جمعة ختام الصوم و بيكون اسمه (صلاة القنديل العالم)
  • طقس القنديل العام زي طقس القنديل الفردي
    نقدر نشوف في الفيديو ده



رد مع اقتباس
إضافة رد

أدوات الموضوع
انواع عرض الموضوع

الانتقال السريع

قد تكون مهتم بالمواضيع التالية ايضاً
الموضوع
لماذا نصلى اوشية المرضى والمسافرين فى بعض الايام ،وايام اخرى نصلى اوشية المرضى والقرابين ؟
الكنيسة مستشفى فيها المرضي يخدمون المرضي ♥️👑🌿
الكنيسه مستشفى فيها المرضى يخدمون المرضى
المرضى يخدمون المرضى
♥†♥ يا شافي المرضى يارب تفقد المرضى وامنحهم الشفاء .♥†♥


الساعة الآن 11:31 AM


Powered by vBulletin® Copyright ©2000 - 2022