منتدى الفرح المسيحى  


العودة  

 
 
أدوات الموضوع انواع عرض الموضوع
  رقم المشاركة : ( 1 )  
قديم 23 - 05 - 2018, 07:56 PM
الصورة الرمزية walaa farouk
 
walaa farouk Female
..::| الإدارة العامة |::..

 الأوسمة و جوائز
 بينات الاتصال بالعضو
 اخر مواضيع العضو
  walaa farouk متواجد حالياً  
الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 146,678 [+]

" شباب مغمورين وعمال نقاشين في ملكوت الله شهداء وقديسين
"

في عز ما الكبار بيتناقشوا مين فينا الاعظم ؟ ... وفي عز الخناقات بين بعض الاشخاص في الطوائف المسيحية المختلفة ..

وفي عز الخناقة علي حتة أرض وشوية طوب او شوية فلوس .. وفي عز ما رعاة كتير مشغولين في البناء وتاسيس انشطة اكتر

.. وفي عز ما كتير بيبحث عن السلطة والنفوذ والكرسي ... وفي عز ما كل خادم عايز يؤسس خدمة ويكبرها كل يوم وتبقي بالنسباله حلم وطموح وقصة نجاح ..

. وفي عز ما الشباب بيتخانقوا كل شوية خناقات طائفية ومجادلات عقائدية ...

وفي عز ما خدام ليهم رسالة بيحاولوا يكونوا نجوم ويزودوا عدد ال followers وينجحوا صفحاتهم علي الفيس بوك ..

الله بيسيب كل ده وكأنه مش شايف حاجة
ويجيب شوية بسطا وصيادين وناس مختفية خالص .

. لا بتبحث عن شهرة ولا كرسي ولا اسم ولا خدمة عايشة ببساطة للمسيح ويقول انا هاتمجد بدول

... انا هاعلي اسمي بدول انا هالمس القلوب بدول .. انا هافتن المسكونة بدول
(دول يارب ! .. دول مش بيعرفوا يوعظوا .. دول مش معاهم مؤهلات .. دول حتي فيهم ناس ماكملتش تعليمها)

وزي ماصديق قديس شاف رؤيا ان في السما ناس كانت مشهورة اوي اوي وعليها العين وليهم منصب واسم جوة الكنيسة واقفين ورا وواخدين مكان في الملكوت بالعافية

... وناس بسطا اوي مالهمش مواقف معروفة او مذكورة كتير بين الناس واقفين جنب العرش والمسيح مميزهم جدا
ومن ساعتها وهو بيقولي : "انا خايف جدا من الاضواء والانتشار ولو ده حاجة بتفرحك وبتزيدك فخر انت لازم تقلق

.. لان السما ليها مقياس تاني خالص ..

. صدقني مش كلام فلسفة بس انا من ساعة ماشفت المشهد ده وانا خايف علي نفسي وخايف علي كل اللي ليهم انتشار ونشاطات واسم جوة الكنيسة والخدمة .

.. خايف نكون حكما في اعين نفسنا والله حاجب وجهه عن خدمتنا وبيثمر بطرق وناس تانية خالص "

وفعلا الصورة دي اكبر اثبات ان الله بيختار جهال العالم ويخزي بيهم الحكماء ويختار ضعفاء العالم ويخزي بيهم الاقوياء
الموضوع مش شطارة لكن دي النعمة الالهية اللي بدونها بيكون الانسان زي المانيكان منظر رائع وشيك بدون حياة
في الصورة الشهيد "عصام بدار" الشاب النقاش البسيط

اللي السما اختارته علشان يكون شهيد المسيحية في العصر الحديث ويكرز باسم المسيح بنظراته القوية وشهادته انه لن يترك الايمان ..
النجوم اللي علي المسرح مش دايما هما الاجدر ... احيانا بيكون فيه ابطال في الكواليس مانعرفش عنهم حاجة لكن ليهم المكافأة الاكبر .

Marco Girgis
رد مع اقتباس
 

أدوات الموضوع
انواع عرض الموضوع

الانتقال السريع

قد تكون مهتم بالمواضيع التالية ايضاً
الموضوع
شهداء وقديسين
"ناعوت" لخالد عبد الله وعلاء صادق: عيب اختشوا .. ومن سيتطاول فيكم سأسجنه
ملكوت الله | ملكوت السموات | ملكوت السماء | ملكوت ربنا
"شباب التحرير": عرض جديد من إيران لتكريم أسر شهداء السويس
ملكوت الله | ملكوت السموات | ملكوت السماء | ملكوت ربنا


الساعة الآن 08:07 PM

توبيكات أسماء بنات أسماء أولاد رسائل يومية صور الكريسماس أكلات صيامي حلويات صيامى الكتاب المقدس
السيد المسيح العذراء مريم قصص مسيحية صور الكاميرا مواضيع شبابية صور مسيحية تصميمات مسيحية مواضيع روحية
اقوال الأباء أية وتأمل الثقافة الجنسية تاريخ الكنيسة البابا كيرلس البابا شنودة البابا تواضروس ضد التدخين
حظك اليوم صوت ربنا رسالة اليوم القراءات اليومية صور كرتون السياحة والسفر ركن العروسة خريطة المنتدى

Powered by vBulletin® Copyright ©2000 - 2018, Jelsoft Enterprises