منتدى الفرح المسيحى  


العودة  

إضافة رد
 
أدوات الموضوع انواع عرض الموضوع
  رقم المشاركة : ( 1 )  
قديم 13 - 05 - 2023, 06:16 AM
الصورة الرمزية walaa farouk
 
walaa farouk Female
..::| الإدارة العامة |::..

 الأوسمة و جوائز
 بينات الاتصال بالعضو
 اخر مواضيع العضو
  walaa farouk غير متواجد حالياً  
الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 348,990

طوبى للبسطاء لأن لهم ملكوت السماوات

خادمة في الكنيسة بتحكي...
كنت بنزل خدمه في القرى المحافظات بالتحديد في بني سويف
دخلت بيت واحدة تقريبا ف سن ال 80 سنة
المفروض اقول كلمة من الإنجيل و اشوف احتياجاتها ايه،
الست دي تحت خط الفقر قاعدة في اوضه مفيهاش بلاط وعلي الطوب الأحمر..
ابسط من البساطة
دخلت بقولها ازيك يا امي
قالتلي في نعمة يابنتي
في سري قولت فين النعمة دي ده مفيش اي شيء من آدمية الإنسان !
بقولها انا فرحانة اني بتعرف عليكي
لقيتها بتقوللي ياااه ده انا فرحانة اوي اني شايفاكي صحيح
انا عامية لكن قلبي شايفك
انا اتصدمت
طبعا كان لازم اتعامل كأنه عادي ومحسسهاش اني زعلت عليها
قولتلها ده انتي اجمل ما شاف قلبي صدقيني
قالتلي يارب يخليكي يابنتي ويفرح قلبك ويعوضك
لقيتها بتقول اللهم ارحمني انا عبدك الخاطئ
بترددها كتير
قولتلها قوليلي يا امي بتصرفي منين عندك اولاد بتعولك؟
قالتلي ربنا ماعطنيش اولاد بس اعطاني الاجمل الستر يابنتي
انا عايشة في نعيم عايشة فيه ببركة ربنا عايشه في خيره
انتي عارفة يابنتي ربنا ده طيب وحنين اوي
عمره ما قصر معايا
بقوللها طيب قوليلي ايه العلاج اللي ناقص عندك
قالتلي ربنا مبيستناش لما العلاج ينقص بيبعتلي العلاج
قبل مايخلص مش بقولك يابنتي سترني
تاني اللهم ارحمني انا عبدك الخاطي
قولتلها شكلك بتحبي الآيه دي اوي
قالتلي ماهو انا خاطية لكن الوحيد اللي بدون خطية هو سيدي وربي يسوع المسيح
عارفة يا بنتي انا بصحى علي خيره وبنام في حماه
ده انا عايشة في نعمة كبيرة اوي وقلبي تمللي فرحان بيسوع ..
انا كنت بعيط وبكتم صوت عياطي عشان متسمعش بس الحقيقة ان فعلا قلبها كان شايفني وقالتلي متعيطيش يسوع بيحبك وهيفرح قلبك
معرفتش اعمل اي حاجة غير اني اوطي ابوس رجلها وايديها
وراسها واخد بركتها
فضلت تقوللي متغيبيش عني تعالي تاني اوعي تنسيني قلبي فرح لما شافك

.....
ايه ده بجد!!!
فضلت ماشية بعتذر لربنا
واقول: انا ازاي عندي كل النعم اللي ربنا رزقني بيها دي
ومش حاسه انا ازاي وحشة اوي كده
انا كنت رايحة اخدمها الحقيقة هي اللي خدمتني
كنت رايحة اقولها كلمة من الكتاب المقدس
هي اللي ادتني درس عمره مايتنسي
وقتها حسيت اد ايه انا وحشة و اد ايه بلوم ربنا ع حاجات ف حياتي مش بحبها وكنت دايما اقوله ليه يارب انا ف الحتة دي
وافضل الوم و اعتب علي ربنا ..

وفضلت ماشية اشكر ربنا ع البيت الجميل اللي انا فيه علي الأسرة
ع نظري ع صحتي ع شكلي ع حب الناس انا في نعمه كبيرة بس انا اللي عامية مش هي
أمنت بأن النور مكانه في القلوب
طوبى للبسطاء لأن لهم ملكوت السماوات
طوبي للمساكين بالروح لأن لهم ملكوت السموات
حقيقي اولون اخرون واخرون اولون
رد مع اقتباس
إضافة رد

أدوات الموضوع
انواع عرض الموضوع

الانتقال السريع

قد تكون مهتم بالمواضيع التالية ايضاً
الموضوع
طوبي للبسطاء، الودعاء، الغلابه
طوبى للمساكين بالروح لأن لهم ملكوت السماوات
طوبى للمطرودين من أجل البر لأن لهم ملكوت السماوات
طوبى للمساكين بالروح لان لهم ملكوت السماوات
طوبى للمساكين بالروح لأن لهم ملكوت السماوات


الساعة الآن 01:55 AM


Powered by vBulletin® Copyright ©2000 - 2024