اكبر مجموعة ايات من الكتاب المقدس مع التأملات

[sama smsma]

مبارك الرجل الذي يتكل على الرب وكان الرب متكله
( ار 17 : 7 ) ..
اتكل عليا ، لانك طول ما انت مش بتتكل عليا مش هتكون مرتاح
ثق اني ابوك اللي بيحبك واللي بيدبرلك كل خير
ثق جدا مهما حصل ،
يا بختك لو عملت كدة

[sama smsma]

واما انا وبيتي فنعبد الرب
( يش 24 : 15 )
..
انا وبيتي ، يعني انت وكل بيتك ، كل اللي تعرفهم يعني
خد قرار وشجعوا بعض علي كل حاجة تقربكوا مني
امسكوا في ايد بعض وتعالوا ، حضني مفتوح ومستنيكوا

[sama smsma]

لان عيني الرب على الابرار، واذنيه الى طلبتهم

( 1 بط 3 : 12 ) ..

عيني عليك ، وكل حرف بتقوله مهم اوي عندي

مفيش حاجة بتتمناها وبنساها ،
لكن مش دايما هيكون الافضل ليك

اني انفذ اللي بتتمناه بنفس الطريقه وفي نفس التوقيت ،

انا اكتر واحد عارفك واكتر واحد حاسس بيك وفاهمك
واكتر واحد عيني عليك

[sama smsma]

مبارك الرجل الذي يتكل على الرب وكان الرب متكله

( ار 17 : 7 ) ..

اتكل عليا ، لانك طول ما انت مش بتتكل عليا

مش هتكون مرتاح ثق اني ابوك اللي بيحبك
واللي بيدبرلك كل خير ثق جدا مهما حصل ،

يا بختك لو عملت كدة

[sama smsma]

الرب عزي وترسي عليه اتكل قلبي فانتصرت
( مز 28 : 7 )
..
لما تتكل علي ربنا وتسلم حياتك ليه .. هتقدر تنتصر ،
تنتصر علي كل خطيه بتغلبك ،
تنتصر علي كل هم تاعبك وكل حاجة قلقاك ،
تنتصر علي نفسك اللي بتبعدك عنه
انتصر علي كل اعدائك بالاتكال علي ربنا
الحرب للرب ، والانتصار بيه

[sama smsma]

انت ابني.انا اليوم ولدتك
( مز 2 : 7 )
..
انت ابني مهما عملت ومهما حصل ،
انت غالي جدا
النهاردة بداية جديدة ، انسي كل اللي فات

وهنبدا صفحه بيضا
النهاردة انت اتولدت من جديد

[sama smsma]

وَتَطْلُبُونَنِي فَتَجِدُونَنِي إِذْ تَطْلُبُونَنِي بِكُلِّ قَلْبِكُمْ
( ار 29 : 13 )
..
لما تطلبني هتلاقيني جنبك ،
لما تطلبني من كل قلبك هتلاقيني معاك
هسندك وهريح قلبك التعبان

بالطريقه اللي تكون مناسبه ليك وفي انسب وقت ليك
مش سايبك صدقني ،

وصدقني حاسس بيك
محدش هيحس بيك قدي
ولو لفيت الدنيا كلها مش هتلاقي حد يحبك قدي

[sama smsma]

هُوَذَا تَأْتِي سَاعَةٌ، وَقَدْ أَتَتِ الآنَ،
تَتَفَرَّقُونَ فِيهَا كُلُّ وَاحِدٍ إِلَى خَاصَّتِهِ،
وَتَتْرُكُونَنِي وَحْدِي.
وَأَنَا لَسْتُ وَحْدِي لأَنَّ الآبَ مَعِي.
( يو 16: 32 ) ..
ممكن كل واحد ياخد الايه على نفسه لما بتيجى تقع فى مشكله كبيره
و تلاقى الصحاب او الاهل مش موجودين جنبك و سابوك لوحدك
هتحس بالوحده و الوجع
و يمكن الموضوع ده يضيقك اكتر من المشكله
عايز اقولك انك مش لوحدك انت معاك ربنا اللي وجوده
يغنى عن اى حد او حاجه تانيه انت مش لوحدك ابدا
هو معاك واقف فى ضهرك و مش مستنى مقابل
و مش هيتخلى عنك
"انت مش لوحدك انت معاك يسوع"

[sama smsma]

وَمَنْ يُقْبِلْ إِلَيَّ لاَ أُخْرِجْهُ خَارِجًا.
(يو 6: 37)
..
اطمن و اتأكد انك لو رحت عنده مش هيرفضك
ولا هيكسفك ابدا مهما كنت عامل خطايا بعدد شعر راسك
حتى لو مبتعملش حاجه غير الخطيه
لسه عندك فرصه تروح ليسوع تانى دى دعوتك انهارده
( ارجع لربنا )
الكل خاطى بس هو محب للخطاه
قابل كل واحد فينا بس علينا نروحله من تانى

[sama smsma]

" قدسوا صوما نادوا باعتكاف "

(يوئيل 1 : 14)



بدايه لصوم جديد وفرصه جديدة لحياه جديدة

ابعد عن الشكليات في الصوم
واهتم بصوم قلبك وحواسك وفكرك خد قرارات قويه
في حياتك مع ربنا
واطلب من ربنا يسندك عشان يكون صوم مقدس
وبدايه قويه لحياه جديدة تستمر فيها معاه