ذكريات حمار

[walaa farouk]

كتب حمار يوما ذكرياته فقال:

"حمار صحيح، لكن عمري ما خنت الأمانة، و لا عمري اشتكيت من أي شغل أو حمل ..

حمار انما حمَال قسية، راضي بقسمتي، لا اتذمرت من حد و لا ضايقت حد .
. اللي بيحطوه علي ضهرى باشيله و انا ساكت ، و اللي بيحطوه قدامي باكله برضه و انا ساكت..

باراعي صاحبي جدا و باسمع كلامه حتي و هو بيضربني،
و مثال للشرف و النزاهة و حب العمل و التفاني فيه ..

كمان باحترم زوجتي جدا و باعاملها احسن معاملة ،
و عمرى ما ضربتها و لا طردتها من الحظيرة لأنها شريكة حياتي و ام اولادي الحمير الصغيرين .. !!

شكلي وحش صحيح و مش ذنبي خلقتي هي اللي كده ،
لكن قلبي طيب و صبور و خدوم .. و صوتي وحش صحيح
، لكن برضه مش ذنبي ، و علشان كده مش بانهق إلا عند الضرورة
و انا موجوع أو مشتاق لحد من عيلتي..

الناس بتشتم بعض باسمي و صفتي ، و عمري ما زعلت منهم ..

الحاجة الوحيدة اللي باستغربها أن الإنسان اللي بيشتمني،
بيسرق و يقتل و يزني و يدمر الكون و يعتدي علي غيره و يخون الامانة
و يعمل كل الذنوب، و مع ذلك لما حد يشتم حد ، يقولوا لبعض "يا حمار" !!

هو كده ينفع برضه ؟؟

[Mary Naeem]

رووووووووووعة حببتي
ربنا يفرح قلبك

[walaa farouk]

ميرسى على مرورك الغالى