يوميات فايز وفايزه (متجدد)

[بنتك انا]

هههههه
بامانة عائلة مجنونة

[Rena Jesus]

ميرسى لمرورك الغالى

[Rena Jesus]

_ فايز يا حبيبي، ما تيجي نتغدي بره


_ انا معنديش مشكلة بس فاكرة آخر مرة لما ابنك وقع طبق المكرونة علي الطقم التحفة اللي كنتي لسه جايباه من زارا و كان بألف جنية

_ اه صح عندك حق ، متفكرنيش

طيب ايه رايك نوديهم كيدزنيا ؟؟

_ اقتراح جميل برضه بس فاكرة لما لوچين تاهت مننا
و قعدنا ندور عليها ساعة لحد ما اغمي عليكي
و قعدتي تلطمي و الناس افتكرتك بتشحتي و لمينالنا حبه فلوس زي الفل

_ ااااااااه ده كان يوم أغبر

لا لا بلاها كيدزنيا ده انا بكرهها
طيب ايه رأيك نروح كافيه ؟؟

_الله ❤ جميل
بس فاكرة لما اتطردنا عشان ابنك لعب هو و كل الولاد اللي في الكافيه خلاويص لسه
و كانوا بينطوا علي حجر اللي قاعدين و تفوا علي الويترز ؟؟

_ ااااااه ده انا كنت في نص هدومي
طيب ايه رايك نروح لمها اختي و اهو العيال يلعبوا سوا

_ مها دي عسل بس المشكلة ان جوزها رخم و بيقعد يتكلم معاكي كتير

_ ايه المشكلة ده حتى جدع جدا

_ هو جدع مقولناش حاجة بس انا بغير عليكي من نسمة الهوا ،
ده انتى حب حياتي يا فايزه ، مبستحملش حد يبصلك بس

_ يا حبيبي يا فايز طب خلاص بلاش مها ، نروح لماما

_ طنط دي ست الكل أصلا
بس طنط فاتن اللي في الدور الاول نقرتنا عين المرة اللي فاتت و كنا هنتطلق فاكرة ،
بقيت بخاف اي حد يحسد حبنا يا فوفتى


_ ربنا يخليك ليا يا سندي يا ضهري ،
خلاص انا هحمر البانية و هعمل مكرونة
ونقعد ننتغدى فى البيت بقى

_ تمام و انا هنزل القهوة يا حياتي ، عايزة حاجة ؟

_

[magy]

يوميات فعلاً حقيقية ..

ميرسي رينا .. ربنا يفرح قلبك

[walaa farouk]

هههههه المهم فى الاخر سابها ونزل
روح يا شيخ ربنا يسامحك

[بنتك انا]

فايز ده رخم رخمة
يالهوى

[Mary Naeem]

هههههههههههههههههه

كدا اخر راحة

[sama smsma]

ههههههههههههههه

[Rena Jesus]

ميرسى لمروركم الغالى

[Rena Jesus]

= بقولك ايه قبل ما تنزل كده ..
اقفل الباب ده وتعالي عايزاك


- خير يا فايزه ؟


= اقفل الباب بس وتعالي

- ماشي .. نعم

= همممم

- لا ننجز في شغل وفي حياه


= انت بتتكلم كده ليه ؟

- انا آسف .. اتفضلي قولي

= انت لما صحيت من النوم ..
مقولتيليش ليه صباح الخير يا حبيبتي زي كل يوم ؟


- لا لا استني معلش .. معلش

= ايه ؟

- عشان بس عندي شغل ..
خليني ألخص الموضوع ده سريعا

= اتفضل

- احنا دلوقتي داخلين دائره الخناقة النكدية التقليديه ..
اللي هي بتبدأ من نقطة الصفر ..
اللي بتكون سبب خزعبلي يثير النرفزه جوايا عشان اتعصب

= اه


- بعدها بنخش المرحلة التانيه بعد ما أتعصب وأرد رد ميعجبكيش علي سؤالك الخزعبلي المتخلف ..
واللي بتكون مرحلة الجمل النكدية المحفوظة اللي هتترص جنب بعض

= زي ايه ؟


- حاسه انك متغير .. مبقتش زي الاول .. في حاجة شغلاك ..
مين عبير فودة اللي عملالك لاف امبارح ..
كنت وييتنج من يومين مع مين ..
البنطلون اللي كان مرسوم عليه شجر توت وعجبني وقولتلك هاتهولي مجيبتوش ليه

= اه صح مجيبتوش ليه ؟


- هضيع نص ساعه في الرد علي الأسئله دي وتبرير موقفي
ومحاولة افهامك ان كل ده وهم جوه عقلك انتي بس ومش حقيقة ..

= تمام


- فها تلجألي للطريقة الأخطبوطية اللي هي كل ما تتزنقي وتلاقي ان سبب النكد وهمي واجاباتي بتفحمك ..
فتلجأي لأسباب نكدية تانيه ..
زي مثلا لو عايز نسيب بعض قول بس متلعبش بمشاعري ..
ياما قولتلك مش هقبل أكون هامش في حياتك ..
متتعصبش وتتنرفز عليا انا بنت ناس مش جايه من الشارع

= ما أنا مش جاية من الشارع يافايز


- عصبيتي ورغبتي في انهاء الخناقة النكدية هتخليني أجاوب وأقولك خلاص معنديش مانع نسيب بعض وهبعت لأبوكى دلوقتي وننهي الموضوع ونخلص من كل الزن ده

= ها

- بعدها هتجيبي ورا وتبدأي تقولي ردود درامية بحتة وتحكيلي عن قد ايه ضحيتي عشاني وياما كنتي معايا وكل مواقفك الحلوة معايا من يوم ما عرفتك ..
يتبعها عياط وتأسف عشان عصبتيني

= عشان بحبك بس


- بعدها الدايره بتقفل ان المشكلة بتنتهي عادي جدا وتبدأي مرحلة مصالحتي وتدلعي فيا وتوهمي نفسك اننا كنا خلاص هنضيع من بعض بس احنا ملناش غير بعض وهتطبخيلي الأكلة اللي بحبها انهارده عشان تصالحيني

= ايوه صح

- فاحنا ممكن نوفر كل ده علي بعض عشان متأخر علي الشغل ..
وتخشي دلوقتي المطبخ تبدأي تحضير مقادير الأكلة عشان تلحقي تخلصي قبل ما أرجع يا حبيبتي

= حاضر يا حبيبي

- يالا هتعوزي حاجة ؟

= تسلملي ربنا يخليك ليا يا رب

- يالا باي باي

= باي