منتدى الفرح المسيحى  


العودة  

إضافة رد
 
أدوات الموضوع انواع عرض الموضوع
  رقم المشاركة : ( 1 )  
قديم 17 - 07 - 2020, 07:08 PM
الصورة الرمزية Mary Naeem
 
Mary Naeem Female
† Admin Woman †

 الأوسمة و جوائز
 بينات الاتصال بالعضو
 اخر مواضيع العضو
  Mary Naeem متواجد حالياً  
الملف الشخصي
رقــم العضويـــة : 9
تـاريخ التسجيـل : May 2012
العــــــــمـــــــــر :
الـــــدولـــــــــــة : Egypt
المشاركـــــــات : 1,207,369

الحب او لا شيء




الحب او لا شيء


حصل قدامي موقفين يشبهوا بعض لكن التصرف كان مختلف تماما ..كنت في مول مصر وواحد ومراته عاوزين يطلعوا السلم الكهربا ..مراته مش عارفة تطلعه ..خايفة او معندهاش توازن مش عارف ..وهو عمال يقولها يلا بقى .. خلصي .. ايه المخيف في الموضوع انجزي
الناس بدأت تتزحم وراها عاوزين يطلعوا ..بدأ جوزها يزعقلها ويقولها "شحطة زيك خايفة مش عارفة تطلع السلم ..ايه القرف ده ..حطي رجلك ..شال رجليها بالعافية وهي بتقاومه بتقوله طب نطلع في الاسانسير راحت واقعة على ضهرها والناس اتلمت والبنت بتعيط والمول كله حرفيا اتفرج عليها
نفس الموقف بنفس التفاصيل حصل في سيتي ستارز ..برضه واحد ومراته ومراته خايفة تطلع وهو بيحاول يجمد قلبها ولما الناس بدأت تتزحم وهيتكلموا راح قايلها "هو انتي يعني عاوزة تختبري حبي ليكي ..طب اهو ..وراح شايلها وطالع بيها السلم وهي بين ايديه وراح قايل مراتي وبتدلع يا جماعة .. اسكت ؟ قمت شايلها
الكل ضحك وهي ضحكت ولفت ايدها على رقبته ومسكت فيه جدا ..حست انه سند حقيقي ..لا كسفها ولا احرجها بالعكس ده قلب الموضوع كله لصالحها بحركة مجنونة من واحد فاهم يعني ايه حب
الموقفين تقريبا واحد ..بس شايفين الفرق ..واحد اهانها وجرحها ومهموش ان فيه ناس بتتفرج وواحد حول الموقف للحظة رومانسية خالصة
التعامل هو اساس الحب .. لا بيتقاس بالهدية الدهب ولا بمفاتيح العربية ولا بالفلوس ..بيتقاس بالكلمة ..بالمعاملة ..بنظرة العين ..بحضن دافي في وقت البرد ..بانا بحبك وجنبك ومعاك ..بإنك تحس باللي قدامك من نظرة عنيه .. بان كل همك يكون شكله قدام نفسه وقدام الناس .. الحب احتواء .. مسئولية .. بانك تحترم ضعف اللي بتحبه اوقات .. إنك تحسسه انه اقوى واحد في الدنيا ..بان كتفك في كتفه مهما حصل ..الحب حنية .. مواقف مش فلوس ..واللي بيحب بجد بيكون للي بيحبه جبل ثابت يقدر يقف عليه وقت ما يكون مهزوز وهو مطمن
الحب او لا شيء
رد مع اقتباس
إضافة رد

أدوات الموضوع
انواع عرض الموضوع

الانتقال السريع

قد تكون مهتم بالمواضيع التالية ايضاً
الموضوع
الحب يُقدس ومن قَدس الحب . يُقدسه الحب ايضاً
...إن الناس مرضى ليس فقط لأنه لم يقبلوا الحب بل أيضاً لأنهم غير قادرين على منح الحب
زواج الحب بين مؤيديه ومعارضيه...والرائع فى الحب أن بوسعه أن ينمو مع الزواج..
الحب مشاعر جميلة وأحاسيس راقية .. الحب هو حياة القلوب الميتة
الإنسان قبـل الحب شيء... وعنـد الحب كل شيء... وبعـد الحب لا شيء


الساعة الآن 12:45 PM


Powered by vBulletin® Copyright ©2000 - 2024