الرب يسوع حبنا ...صح

[لمسة يسوع]

الرب يسوع لما نزل للأرض كان علشان بيحبنا
وعلشان هو عارف ان كل واحد بيستقبل الحب ده
بطريقة مختلفة مش شرط تشبه اللي جنبه،
فكان حريص يقدم الحب بلغة الشخص

زي اللمس لما جاله واحد أبرص ومعروف ان الأبرص
محدش بيقرب منه ويتساب لوحده برة المدينة،
اعتقد الشخص ده كان في أمس الحاجة للحب
والقبول بيقول الكتاب المقدس
"فَأَتَى إِلَيْهِ أَبْرَصُ يَطْلُبُ إِلَيْهِ جَاثِيًا وَقَائِلًا لَهُ:
«إِنْ أَرَدْتَ تَقْدِرْ أَنْ تُطَهِّرَنِي»" (مر 1: 40).
"فَتَحَنَّنَ يَسُوعُ وَمَدَّ يَدَهُ وَلَمَسَهُ وَقَالَ لَهُ:
«أُرِيدُ، فَاطْهُرْ!»" (مر 1: 41). ودي لغة التلامس الجسدي”

كمان بطرس كان من تلاميذه ، ربنا كان حريص انه
يشجعه ويقدمله حب بلغة "كلام التشجيع"
وَأَنَا أَقُولُ لَكَ أَيْضًا: أَنْتَ بُطْرُسُ، وَعَلَى هذِهِ الصَّخْرَةِ
أَبْني كَنِيسَتِي، وَأَبْوَابُ الْجَحِيمِ لَنْ تَقْوَى عَلَيْهَا." (مت 16: 18).

مش بس قدم حب بالكلام ولا اللمس لكن الرب يسوع
طول ايام خدمته على الأرض كان بيخدم ويشفي
ويساعد ودي لغة الحب "بأعمال الخدمة"

"يَسُوعُ الَّذِي مِنَ النَّاصِرَةِ كَيْفَ مَسَحَهُ اللهُ بِالرُّوحِ الْقُدُسِ
وَالْقُوَّةِ، الَّذِي جَالَ يَصْنَعُ خَيْرًا وَيَشْفِي
جَمِيعَ الْمُتَسَلِّطِ عَلَيْهِمْ إِبْلِيسُ، لأَنَّ اللهَ كَانَ مَعَهُ." (أع 10: 38).

الرب يسوع قدم حب بلغة " الوقت القيم " فكان حريص انه
برغم ضيق وقته انه يفضي نفسه وقت ويقعد مع السامرية
يتكلم معاها ويسمعها بكل إنصات لوحدها
من غير أي حد عند بئر سوخار .
الرب يسوع قدم المحبة بكل لغاتها 😍🖐️

[Mary Naeem]

رووووووووووعة
ربنا يفرح قلبك

[لمسة يسوع]

المشاركة الأصلية كتبت بواسطة Mary Naeem

رووووووووووعة
ربنا يفرح قلبك

ويفرح قلبك